Popular Bible Verses from Bụo aRom 13

Share

Ịsighe rọozo phọ ạJizos Kraist Ọmoogh-we phọ, ẹkpologhian ịdipho ạsuoma. Kẹ́ngo eepoogh ịkaraph ạruuphua phọ anyina, ọbo bịdi keḍighi ghan bọ ịlo ẹḅeeraan bịdi.

Kéle ghan ọmugh oye. Ọmugh dị nyina kele aḍighi ẹphomoghian dị oniin kạpomoghian ghan nyoniin! Oye lọ ạphomoghian bụnon awe, pọ maako ni Ologh phọ Ẹnaan.

Ẹkpe ni dị tọrobo oye kạnaghanan ghan bụphe rọtooghi bọ ịtooghi phọ, ịdi eḍighi bọ ịikpo dị kẹmeera ílho, emuton ịpe Ẹnaan kụ ẹto bọ, kụ ịikpo phọ ịpe ẹmeera bọ Ẹnaan kụ iseere ni.

Mọony amem aḍughul phọ meten remuneen, kụ ạḍiroor phọ rẹḅaal. Ọkporonaan ạsuoma oḍighinom ạraraar amuphe ufiri phọ! Ọnya ịinya lọ kobiom sịphe ạḍiḅaal phọ!

Oye lọ ạphomoghian ọnon oye kámighirom mun aḍighi oye phọ ọpo phọ ịkaraph. Esi ịduon phọ ẹphomoghian kụ ooko oomo phọ Ologh phọ ọmadan.

Esi ịduon phọ, ịtuugh ịpe bịdi migbi bọ inyina esogh ẹngo. Ikol ịlo ẹmhu phọ anyina rꞌịlo aḍighi lọ nyina remuul ghan esogh ẹngo, ẹḅile kẹn ẹlogh eegu rꞌeghuan oomo phọ ạbidi.