პოპულარული ბიბლიური მუხლები - मत्ती 26-დან

გაზიარება

जागत रहियो, और प्रार्थना करत रहियो, कि तुम परीक्षा में नईं पड़ो: आत्मा तो तईयार आय, पर सरीर दुरबल आय।

फिन ऊने उन से कई; मोरो मन बिलात उदास आय, इते लौ कि मैं मरबे पे आंव: तुम इतईं रुकियो, और मोरे संग्गै जगत रहियो।

फिन बो उन से तनक आंगू बढ़ो और मों के बल गिरो, और जा बिनती करन लगो, ओ मोरे बाप, जदि हो सकत आय, तो जौ कटोरा मोय से टल जाबै; फिन भी मोरी नईं, पर तोरी मनसा पूरी होय।

कायसे जे कौल कौ मोरो बो रकत आय, जौन बिलात लोगन के लाने पापन की छमा के लाने बहाओ जात आय।

जब बे ब्यारी कर रए हते, तो यीशु ने रोटी लई, और आशीष मांग के तोड़ी, और चेलन हां दैके कई, लेओ खाओ; जा मोरी देह आय।

फिन ऊने कटोरा लैके, धन्यवाद करो, और उन हां देत भए कई, तुम सब ई में से पियो।

फिन बो चेलन के ऐंगर आओ और उन हां सोऊत पाओ, ऊने पतरस से कई; का तुम लोग मोरे संग्गै एक घड़ी लौ नईं जग पाए?

मैं तुम से कैत आंव, कि दाख को जौ रस अबै से लैके ऊ दिना लौ नईं पी हों, जब लौ अपने बाप के राज्य मैं तुमाए संग्गै नओ न पिओं।

तब पतरस हां बो बात जौन यीशु ने कई हती याद आई, कि मुरगा के बांग देबे के पेंला तें तीन बेर मोरो इनकार कर है, और पतरस बायरें जाके फूट फूट के रोन लगो।

उठो, चलौ; तको, मोरो पकड़वाबे वालो ऐंगर आ गओ आय।

तब यीशु ने ऊसे कई; अपनी तलवार काठी में धर ले कायसे जौन तलवार चलात आंय, बे सब तलवार से मारे जै हैं।