პოპულარული ბიბლიური მუხლები - मत्ती 24-დან

გაზიარება

अधर्म बढ़बे से बिलातन कौ प्रेम जुड़ा जै है। पर जौन अन्त लौ धीरज धरे रै हैं, ओई कौ उद्धार हुईये।

राज्य कौ जौ सन्देसो सबरे जगत में प्रचार करो जै है, कि सब जातियन पे गवाही होए, तब अन्त आ जै है।

तुम लड़ाईयन और लड़ाईयन की खबर सुन हौ; तको डरियो नईं कायसे इन कौ होबो जरूरी आय, पर ऊ बेरा अन्त न हुईये।

कायसे जात पे जात और राज्य पे राज्य चढ़ाई कर है, और बिलात जांगा पे काल पड़ हैं, और भुईडोल हुईंयें। जे सब बातें पीड़ाओं की शुरूआत हुईयें।

आकास और धरती टल जै हैं, पर मोरी बातें कभऊं न टल हैं।

कायसे बिलात जनें मोरे नाओं से जौ कहत आ हैं, कि मैं मसीह आंव: और बिलातन हां भरमा हैं।

तब बे सताबे के लाने तुम हां पकरवा हैं, और तुम हां मार डार हैं और मोरे नाओं के काजें सब जातें तुम से अदावट राख हैं। उन दिना में बिलात लोग ठोकर खा हैं, और एक दूसरे हां पकड़वा हैं, और एक दूसरे से बैर राख हैं। और बिलात लबरे आगमवकता हुईंयें, और बिलातन हां भरमा हैं।

ईपे यीशु ने उत्तर दओ, खबरदार रहियो! कोऊ तुम हां न भरमाने पाबै।

ई लाने तुम भी तईयार रहौ, मान्स कौ पूत ऊ बेरा आ जै है, जी बेरा के लाने तुम सोचत भी नईयां।

ई लाने जागत रहियो, कायसे तुम नईं जानत कि तुमाओ प्रभु की दिना आ है।

ऊ दिन या ऊ घड़ी के बारे में कोऊ नईं जानत; न तो सरग के दूत, और न पूत, पर केवल बाप।

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

मान्स के पूत कौ आबो, ठीक नूह के दिना के समान हुईये। कायसे पानी की बाढ़ के पेंला के दिना में, जी दिना लौ नूह जहाज में न चढ़ो, ऊ दिना लौ लोग खात पीयत रए और उन में ब्याव शादी होत हतीं। और जब लौ पानू की बाढ़ उन हां बहा न लै गई, तब लौ उन हां कछु भी सुर्त न भई; ओई तरहां मान्स के पूत कौ आबो भी हुईये।