პოპულარული ბიბლიური მუხლები - मत्ती 2-დან

გაზიარება

उन ने घर के भीतरै मोंड़ा हां ऊकी मताई मरियम के संग्गै देखो, और धरती पे झुक के ऊहां परनाम करो; और अपनो अपनो झोला खोल के ऊहां सोना, लोहबान, और गन्धरस की भेंट चढ़ाई।

राजा हेरोदेस के दिना में जब यहूदिया के बैतलहम में यीशु कौ जन्म भओ, तो तको, पूरब दिसा से ज्योतिषी आके पूंछन लगे। कि यहूदियन कौ राजा जीको जन्म भओ है, बो किते आय? कायसे पूरब में ऊको तारा दिखानो और हमन ऊहां परनाम करबे हां चले आए।

बे ऊ तारे हां हेर के बिलात खुस भए।

और सपने में परमेसुर से चितौनी मिली, कि फिरके हेरोदस के ऐंगर न जईयो, बे दूसरी गैल से अपने मुलक हां चले गए। जब बे चले गए तो हेरो, पिरभू के दूत ने सपने में यूसुफ हां दिखाई देके कई, उठो; और मोंड़ा और ऊकी मताई हां लेके मिस्र देश हां चलो जा, और जब लौ मैं न कहों, तब लौ उतईं रहियो; कायसे हेरोदेस ई मोंड़ा हां ढूढ़त आय कि ऊहां मरवा डारे।