პოპულარული ბიბლიური მუხლები 2 โมเซ 31-დან

გაზიარება

“อาึ เอีจ เลือก เบ่ซาเลน ป มัฮ เจอ ยูด่า เซ ละ ซ ยุฮ อื กัน ละ แตะ. เบ่ซาเลน เซ มัฮ กวน อุรี. ตะ อื มัฮ เฮอ. อาึ เอีจ เกือฮ ลปุ พะจาว นัม รพาวม อื เดอึม ซ เกียฮ ยุฮ เครอึง โอเอีฮ ละ อาึ. ซ ไก พันญา พันญวง, ซ เกง นึง เกียฮ แตม แตะ โอเอีฮ. ซ เกียฮ แง่ฮ ฆัว เครอึง แตม แตะ นึง ไคร นึง มาื ไม่ ไร ซเงี. ซ เกียฮ เกลียง แกว ไมจ ไม่ แตม อื ก อาวต อื. ซ เกียฮ เพรียง โคะ ไม่ แปน อื จังเคือง นึง โอเอีฮ ไฮญ โครยญ เจือ.

เกือฮ อื ซตอก โม อิซราเอน ตอก เฮี, “ไมจ เปอะ ทื ซเงะ ลโล่ะ ยุฮ อาึ โครยญ ซเงะ ลโล่ะ. ซเงะ ลโล่ะ เซ ซ มัฮ ป ซัมคัน ซน่ะ อาึ ไม่ โม เปะ ฮอยจ ละ เจน โคระ โอ เญาะ ไก ลอยจ. โม เปะ ซ ยุง เปอะ มัฮ อาึ พะจาว ฆาื อื. มัฮ ป เกือฮ โม เปะ ตัง โน่ง ฮา ปุย ไฮญ.

โม อิซราเอน ไมจ อื ทื ซเงะ ลโล่ะ เซ แปน ควน ไตม อื ลปุง ซันญา อาึ ไม่ แตะ. ไมจ อื ทื ฮอยจ ละ เจน โคระ เฆียง เฮี โอ เญาะ ไก ลอยจ. อาึ ป มัฮ เยโฮวา เอีจ ยุฮ ปลัฮเตะ ไม่ ปลัฮ มะลอง ไน แลฮ ซเงะ. ซเงะ อาแลฮ นึง อื อาึ ลโล่ะ โอะ, เญือะ ยุฮ โตว กัน นึง. เซ ป ไมจ โม เปะ ทื ซเงะ เซ ฆาื อื แปน ป ซัมคัน ซน่ะ อาึ ไม่ โม เปะ ป มัฮ อิซราเอน เนอ,” อัฮ เซ พะจาว.