პოპულარული ბიბლიური მუხლები 2 โมเซ 12-დან

გაზიარება

พะจาว อัฮ โรฮ เฮี, “ซาวม เซ อาึ ซ โฌ เลี่ป เมือง อียิป. ซ ยุฮ ยุม ไม่ กวน รเมะ โรง ปุย ไม่ กวน โรง ซัตซิง ยุฮ อื, โครยญ เญือะ โครยญ ม่า. อาึ ซ ตัตซิน โม พะ โม จาว ป ทื โม อียิป เกือฮ ลอก ตุต เตือง โอยจ อื. อาึ มัฮ เยโฮวา. ฮนัม เซ ซ แปน ป ซัมคัน ละ โม เปะ โครยญ เญือะ อาวต เปอะ. เญือม ยุ อาึ ฮนัม นึง มะ รเวือะ เญือะ เปอะ อาึ ซ เวีย โม เปะ. เญือม ยุฮ อาึ ยุม ไม่ ปุย เมือง อียิป เปอ, เม่ะมั่ก เซ ซ ลอก โตว โม เปะ.

“ซเงะ เนาะ เฮี มัฮ ซเงะ ไมจ โม เปะ โตก ลอป ละ โครยญ เนอึม. ไมจ เปอะ ชลอง ซเงะ เฮี ละ ซ ไตม เปอะ อาึ นึง, ฮอยจ ละ เฆียง เฮี โครยญ เจน ปุย โอ เญาะ ไก ลอยจ.

เญือม เซ ดัฮ กวน เปอะ ไฮมญ ตอก มัฮ ตอก มอยฮ ไล โซม เปอะ ไม่ ปุ แตะ เซ, โม เปะ ซ โฮลฮ เปอะ อัฮ ละ อื ตอก เฮี, ป โซม เอะ ตอก เซ ฆาื อื มัฮ ฆาื ฌาว พะจาว เญือะ เญะ โฆะ เญือม อาวต เตอะ นึง เมือง อียิป โฮ. มัฮ เวีย อื เอะ เญือม ยุฮ อื ยุม ไม่ โม อียิป โฮ. เซ ป โซม ฆาื อื ตัม ไล อื ละ ซ ทไว แตะ ละ พะจาว, ซ โฮลฮ เปอะ อัฮ เซ ละ,” อัฮ เซ ไอ โมเซ. ฟวยจ ซตอก ไอ โมเซ ปุย เมือง แตะ ตอก เซ, โม อิซราเอน นุ่ม ติ แตะ ละ ซ ไว แตะ พะจาว.