U Mynsiem Bakhuid u la ong ha u Philip, “Khie leit sha jan ka kali kulai bad bud mar jan ïa ka.” U Philip u la mareh sha u bad u la ïohsngew ba u dang pule na ka Kitab u Isaïah u nongïathuhlypa. U la kylli ïa u, “Hato me sngewthuh ïa kaei kaba me pule?”
U rangbah synshar u la jubab, “Kumno ngan lah ban sngewthuh lymda don mano mano ba batai ïa ka ha nga?” Bad u la khot sngewbha ïa u Philip ban wan kiew bad shong ha ka kali kulai ryngkat bad u.