Popular Bible Verses from Atos 13

Share

Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa hanushũ samakeyabi hau Deusũ hatu mekekubaĩshanũ habũ hatu yunuaibũ yukashũtã hau dayatanũbũ meribi wakĩ mamepishũ hatu nitxiãbu

—Enabuũ, Moisés nuku keneshuniwẽ nukũ txakabu buakĩ nukũ xinã xarabu pewatirumaki. Hakia Jesuswẽ taeshũ Deusũ hau matũ txakabu matu buashũshanũ unãkĩ ha txibãkãwẽ. Hanushũ tsuabũra Jesus habũ ikũwaĩbu Deusũ hatũ txakabu buashũkĩ hatu pepawakĩ keyushanikiki.

Hamẽ bebũkiri nukukiri Yavé Deusũ Isaías hãtxamakĩ yuini nĩkakãwẽ: ‘Nawa betsa betsapa txaihaira hiweakeakeabu haskai hiwekuĩtirubu mĩ hatu yusĩkubaũshanũ mia yunukĩ ẽ mia bĩ keska waii, hau mĩ hãtxa shabakabi mai hirabi anushũ nĩkashanũbunã’, akaya Isaíasĩ nĩkatã nuku keneshuniki— hatu wa