Ai dalim yumob, ebribodi langa ola kantri weya ai jidan bos garra rispek brabliwei det God blanga Denyul.
“Im na det laibalawan God,
en im jidan bos olagijawan.
Nobodi kaan bidim im,
en im pawa kaan neba binij.
“Im seibum en album ola pipul.
Im dum klebabala ting langa top en langa dijan graun,
en ebribodi bin teiknodis.
Imbin seibum Denyul brom detlot laiyan.”
Lagijat na King Daraiyas bin tok langa det leda.