Popular Bible Verses from Micas 4

Share

Kahit na sumunod ang mga tao sa mga diyos-diyosan nila, kami ay patuloy pa ring susunod sa PANGINOON na aming Diyos magpakailanman.

Sasabihin nila, “Tayo na sa bundok ng PANGINOON, sa Templo ng Diyos ni Jacob. Tuturuan niya tayo roon ng kanyang mga pamamaraan upang sundin natin.” Kaya magsisiuwi ang mga tao mula sa Zion, ang lungsod ng Jerusalem, na dala ang Kautusan ng PANGINOON.

Sa mga huling araw, ang bundok na kinatatayuan ng templo ng PANGINOON ay magiging pinakamahalaga sa lahat ng bundok. Dadagsa rito ang mga tao mula sa ibaʼt ibang bansa.

Pagkakasunduin niya ang maraming bansa, pati na ang mga makapangyarihang bansa sa malayo. Kaya hindi na magdidigmaan ang mga bansa, at hindi na rin sila magsasanay ng mga sundalo para sa digmaan. Gagawin nilang araro ang kanilang mga espada, at karit na pantabas ang kanilang mga sibat.