პოპულარული ბიბლიური მუხლები Luk 12-დან

გაზიარება

Kale ulutap ibo utamipta e, Mo Tibil imi Man niyo dok kota tolon-tema kalaa nagebaalip kale, maagalo tem kale, ibo suun kup bigi-bom telel-bom-nilipta o,” age-nalata, Yesus ilami okumop man imi baga-ema ko.

Kuta mufekmufek miton ipmi dilinan-temip uyo kulbu kale, ibo, God imi daam tem iinom ilami aligaap ke-nulupta, ilami tol kuguup uta kup waafulum o age dilin-bom-nilipta, God imi aget uta ugel kalalin o ageta kale, ibo kanumip bole, God yagal dong daga-e-bom-nala e minte, ipmi mufekmufek dilin-bilip migik ko age iman min, ilim uyo kuga-e-bom no keman-tema o,” age Yesus iyo baga-ema ko.

fupkela kek fen unang tinum imi bogobela ko. “Ibo nimi weng kaa bagan-bii koyo tele tinangku-silipta. Tinum mufekmufek soyaap iyo ilami mufekmufek uta dong dogopmuta, tambaliim kup koyo nan-temaala e minte, kutop uyo nan-temaala no ko. Kale ibo ipkumal imi kafin sino mufekmufek sino umi mok uyo unan-kalin ba o,” agela ko.

Kanube tinum iyo maak kafin diim komi mufekmufek umi aget kup ugaa kwaala umdii, beyo kanupmin mufekmufek boyo kwep mek kwego kwego ke-bom afetman-tema kale minte, kanube tinum maak ita ilami mufekmufek umi aget fugunin uyo kupkaa God imi aget uta kup ugaa kwaagama umdii, tinum beyo God imi ilak uyo duga-bom imi kuguup uyo waafu-bom no kemin kup keman-tema o,” age Yesus iyo baga-ema ko.

Ibo aget yamyam taga-bom ilipmi kaal ilak dugamin bota tebe dong dogobeluta, ibo tii ipmi nin uyo kayop aa-e min, atol aa uyo maak so tifilip top so keluta, kafin diim kagal bii, ilugolan-temip aga? Umbae. God iyo bogo-nala, ‘Kota kaanal o,’ agon-tema uta, kaanan-temip ko.

Kota Yesus iyo ilami okumop man iyo bogobe-nala e, “Ibo kamano nimi weng bogobeli uyo tolong dolip a? Kam ageli umi atuk uyo aa bogopman-temi ko. Ibo ipmi kaa tibip umi aget afek uyo fugun-bom bogo-nilip, ‘Iman bo dok ku-tele maak tuluta, unan tubup o?’ agan-bom-nilip aget yamyam taga-bom-nilip e minte, ilipmi kaal aget uyo fugun-bom bogo-nilip, ‘Ilim boyo dok ku-tele maak tuluta, migilan-temup o?’ agan-bom-nilip aget yamyam taga-bom no kemin ba ko.

God imi tiin diim uyo uun kangkang iyo kubaganipta, ipta ipta kesip kale, God iyo ipmi aget uyo maak ilumanolan-temaala binim kale, beyo ipmi dubom kon uyo tikilata e, intap kal kalaa age utam som, minte alugum mufekmufek mek ipmi diim aban-nuubu uyo utam no kesa kale, ibo tambaliim tiin mo-bom dong daga-em-nuuba kale, kafin diim tinum bilip imi atul uyo finanin ba o,” age baga-ema ko.

Asok Yesus iyo ilami okumop man imi bogobe-nala e, “Ninggil ibaa. God iyo aget fuguno-nala, ‘Ibo imtamo tal nalami abiip kaa daalita, nin o,’ agan-be kale, ibo kafin diim komi mufekmufek aget uyo yamyam taga-bom finanin ba ko.

Ibo uun bilip iyo itamin. Bilip iyo iman ilang digin-kalin binim. Iman wemin binim. Iman afeta-bii kulep no am tomin binim. Kuta God yagal iman uyo kuga-e-balata, unan-nuubip ko. Kuta God imi aget aa bubul aa kwiin kiim uyo unang tinum ipmi kobe-nalata, uun ita imdep te magaang tem daa-nalata minte, ipta iman uyo kupka-e-balata, iman uyo tii unan-nuubip kuba.

Kale ibo kanupmin aget bota fugun-bom-nilipta, unan-kalin aget uta kup ugaa kwaa-nilip aget yamyam tagamin ba ko.

Kale ilala boyo tiginal kal bomu kale, bomi ket tambal uyo abulu siit ilugo datanu e, tinum tebe baam uyo kwek kalalip ilala kuso ken tebe-bom no kem-nuubu kuta, ilala boyo God yagal tebe telela ko tiin mo-balata, tambaliim ket uyo abum-nuubu ko. Kale ninggil ibo aget alop uyo taga-bomta, ‘God beyo nuyo ilim kaal uyo kobelan-tema bele ki, kobelan-temaala o?’ agan-nuubip kale, ibo tele utamin. God imi aget aa bubul aa kwiin kiim uyo ipmi kobe-nalata, ilala ket uyo kulep te magaang tem keng to-nalata minte, yagal ipmi ilim kaal boyo kupka-eman-tema ko.

Falosi imi kuguup mafak bantap kanumin so minte bisop bagamin kuguup so uyo yiis ko age bret fitimin mufekmufek ulutap kale, son-temu uyo, God yagal imi kuguup mafak uyo kupkem daabela unang tinum iyo alugum utaman-temip ko.