Tepehua Tlachichilco - 2004 Edition (NT) Drama

Tepehua Tlachichilco - 2004 Edition (NT)

<div class="version vid709 iso6393tpt" data-vid="709" data-iso6393="tpt">
 <div class="book bkREV">
 <div class="chapter ch9" data-usfm="REV.9">
 <div class="label">9</div><div class="p"> 1Taval yu pumakisini&#42892; ixmayul Dios sunul isqol. Ex klaqts&#42892;il laqataun jast&#42892;aku patajul lakt&#42892;iyan, tamachal tus lakat&#42892;un. Ex maqxtaqnikal yu pumalaqlti&#42892;akan ni pach&#42892;in yu la pulman. 2Tejkan malaqlti&#42892;alcha ex ancha pataxtul lhuu jin tus tacha xajin laqataun ay horno. Ni anchanu&#42892; jin tus maputs&#42892;isi&#42892;ol ta&#42892;akchun ta&#42892;an ixmapulkuy ni julchan. 3La ixpulakna ni anchanu&#42892; jin taxajchil lhuu silaqa. Ex aqtaylcha taltilinin ta&#42892;akchun lakat&#42892;un. Jalaqxtaqnikal ixtap&#42892;astak&#42892;an tacha ixtap&#42892;astak&#42892;an ni statsukun lakamunukpa&#42892;. 4Jalakjunkal para jantu katalhimaqchapul ni javan yu alin lakat&#42892;un, nisin qaltaun yu xtak&#42892;au nisin yu jak&#42892;ivinan. Jalhijunkal katalhimaqchapul vamun lapanakni yu jantu katalhitsukul iseyo ni Dios la ixmuntsank&#42892;an. 5Pero jantu kalaqxtaqnikal lakatin para katamaqnil lapanakni. Vamun para kamamaqanlqajnivakal kun lhuu ixkayaxtu tus laqakis malkuyu&#42892;. Yu ixkayaxtu va aqstanchun tacha tejkan kachajun statsuku. 6Exnicha anchanu julchan ni lapanakni kataniputuna&#42892; pero jantu lay kataniya&#42892;.</div><div class="p"> 7Ni anchanu silaqa ixtatasuy tacha jukin yu listujcha para kata&#42892;al laka lhilukuj. La ix&#42892;aqtsulk&#42892;an ixtalha&#42892;anta laqatamin tu&#42892;uchun tacha korona yu jamakanti kun oro. Ix&#42892;ukxpuk&#42892;an va tacha lapanakni. 8Ix&#42892;ayk&#42892;an ixtasuy tacha ix&#42892;aji xanati. Ixtatsalatk&#42892;an va tacha ixtatsalati le&#243;n. 9Ixlaqch&#42892;itk&#42892;an yu ixta&#42892;ulata la ixtankilaknak&#42892;an ixtasuy tacha apuro tsasnati. Ixpaqachuj ixpakat&#42892;ajun tacha tejkan lhuu jukin katalaqxaqamalha&#42892;al carros laka lhilukuj. 10Vachu&#42892; ixtalhit&#42892;ajun ixti&#42892;istajk&#42892;an tacha ixti&#42892;istaj statsuku. Va ox laq&#42892;aqatantsupipi para kalaqmamaqanlqajnival ni lapanakni tus laqakis malkuyu&#42892;. 11Ix&#42892;alin ix&#42892;ukxtink&#42892;an yu laklhichimo&#42892;oy. Yucha va qayntaun ixmayul Dios yu lhistak&#42892;a ta&#42892;an la pulman pach&#42892;in. Ni anchanu ukxtin laka lhihebreo junkan Abad&#243;n, laka lhigriego junkan Apoli&#243;n, naunputun yu Jalakt&#42892;ilhinin.</div><div class="p"> 12Ex tapasatacha yu p&#42892;unaj maqanlqajnati, pero vananaj ts&#42892;anqay ala&#42892;at&#42892;uy.</div><div class="p"> 13Taval ni pumachaxana&#42892; ixmayul Dios sunul isqol. Ex ijqasmaklhi laqataun chivinti makat&#42892;aul ta&#42892;an alin yu ma&#42892;at&#42892;ati aqaloqoti ni laka altar ta&#42892;an vil Dios. 14Va jaxaqalakal yu pumachaxana&#42892; ixmayul Dios yu ixch&#42892;apata ni sqol, va junkal:</div><div class="p">&#8212;K&#42892;alaqx&#42892;oqt&#42892;icha yu pumat&#42892;ati mayulnin yu tavilanal tach&#42892;inin yu ay la&#42892;axkan yu junkan Eufrates.</div><div class="p"> 15Ex jalaqx&#42892;oqlhicha ni pumat&#42892;ati mayulnin. Yu&#42892;uncha oxicha listuj ixtavilanal vamun para exnicha, ni anchanu&#42892; julchan ali anchanu&#42892; malkuyu&#42892; ali anchanu&#42892; jach&#42892;itin. Va ixlak&#42892;ulata para katamaqni&#42892;ol tampataun yu puma&#42892;at&#42892;utu lapanakni yu alin lakamunukpa&#42892;. 16Kit&#42892;in ijqasmaklhi ixtalhavaxtu ixtropas ali jukin tus doscientos miyones ixtajunita.</div><div class="p"> 17Chuncha klaqts&#42892;il ni jukin yu ixtapujuk&#42892;anal. Ixtalha&#42892;anta laqatamin tsasnati la ixtankilaknak&#42892;an. Va xlapul tus tacha jikmi, vachu&#42892; azul ali xqavau. Ix&#42892;aqtsulk&#42892;an ni jukin ixtasuy tacha ix&#42892;aqtsul le&#243;n. La ixkilnak&#42892;an ixtaxtuy jikmi ali jin, vachu&#42892; azufre. 18Tampataun yu puma&#42892;at&#42892;utu lapanakni yu alin lakamunukpa&#42892; tus tani&#42892;ol. Yu jalaqmaqnil va yu ixtakiltaxtuy ni jukin, va jikmi ali yu jin ali yu azufre. 19Ixtap&#42892;astak&#42892;an ni jukin ixtalhit&#42892;ajun la ixkilnak&#42892;an vachu&#42892; la ixti&#42892;istajk&#42892;an. Yu ixti&#42892;istajk&#42892;an ixtasuy tacha maqataun tsapul, yu lhit&#42892;ajun ix&#42892;aqtsul. Va yucha lay ixtapamaqninin.</div><div class="p"> 20Ni lapanakni yu jantu katanil, yu&#42892;uncha jantu katamakauntijlal ixto&#42892;oyaka ni aqmoqxnu&#42892;, jantu katamakauntijlal ixdiosk&#42892;an yu jantu laqsaval. Yucha jamakanti kun oro ali plata ali bronce ali chiyux ali k&#42892;iu. Jantu lay jalakavanan, jantu lay jaqasmaknan, jantu lay jaltanan. 21Jantu katamakauntijlal jamaqninti, vachu&#42892; jantu katamakauntijlal jachavanti. Vachu&#42892; tataylha&#42892;al t&#42892;atamanan lapanakni yu jantu ixnavink&#42892;an kaval. Vachu&#42892; tataylha&#42892;al ja&#42892;alhavanti.</div>
 </div>
 </div>
</div>

Taval yu pumakisiniꞌ ixmayul Dios sunul isqol. Ex klaqtsꞌil laqataun jastꞌaku patajul laktꞌiyan, tamachal tus lakatꞌun. Ex maqxtaqnikal yu pumalaqltiꞌakan ni pachꞌin yu la pulman. Tejkan malaqltiꞌalcha ex ancha pataxtul lhuu jin tus tacha xajin laqataun ay horno. Ni anchanuꞌ jin tus maputsꞌisiꞌol taꞌakchun taꞌan ixmapulkuy ni julchan. La ixpulakna ni anchanuꞌ jin taxajchil lhuu silaqa. Ex aqtaylcha taltilinin taꞌakchun lakatꞌun. Jalaqxtaqnikal ixtapꞌastakꞌan tacha ixtapꞌastakꞌan ni statsukun lakamunukpaꞌ. Jalakjunkal para jantu katalhimaqchapul ni javan yu alin lakatꞌun, nisin qaltaun yu xtakꞌau nisin yu jakꞌivinan. Jalhijunkal katalhimaqchapul vamun lapanakni yu jantu katalhitsukul iseyo ni Dios la ixmuntsankꞌan. Pero jantu kalaqxtaqnikal lakatin para katamaqnil lapanakni. Vamun para kamamaqanlqajnivakal kun lhuu ixkayaxtu tus laqakis malkuyuꞌ. Yu ixkayaxtu va aqstanchun tacha tejkan kachajun statsuku. Exnicha anchanu julchan ni lapanakni kataniputunaꞌ pero jantu lay kataniyaꞌ.
Ni anchanu silaqa ixtatasuy tacha jukin yu listujcha para kataꞌal laka lhilukuj. La ixꞌaqtsulkꞌan ixtalhaꞌanta laqatamin tuꞌuchun tacha korona yu jamakanti kun oro. Ixꞌukxpukꞌan va tacha lapanakni. Ixꞌaykꞌan ixtasuy tacha ixꞌaji xanati. Ixtatsalatkꞌan va tacha ixtatsalati león. Ixlaqchꞌitkꞌan yu ixtaꞌulata la ixtankilaknakꞌan ixtasuy tacha apuro tsasnati. Ixpaqachuj ixpakatꞌajun tacha tejkan lhuu jukin katalaqxaqamalhaꞌal carros laka lhilukuj. Vachuꞌ ixtalhitꞌajun ixtiꞌistajkꞌan tacha ixtiꞌistaj statsuku. Va ox laqꞌaqatantsupipi para kalaqmamaqanlqajnival ni lapanakni tus laqakis malkuyuꞌ. Ixꞌalin ixꞌukxtinkꞌan yu laklhichimoꞌoy. Yucha va qayntaun ixmayul Dios yu lhistakꞌa taꞌan la pulman pachꞌin. Ni anchanu ukxtin laka lhihebreo junkan Abadón, laka lhigriego junkan Apolión, naunputun yu Jalaktꞌilhinin.
Ex tapasatacha yu pꞌunaj maqanlqajnati, pero vananaj tsꞌanqay alaꞌatꞌuy.
Taval ni pumachaxanaꞌ ixmayul Dios sunul isqol. Ex ijqasmaklhi laqataun chivinti makatꞌaul taꞌan alin yu maꞌatꞌati aqaloqoti ni laka altar taꞌan vil Dios. Va jaxaqalakal yu pumachaxanaꞌ ixmayul Dios yu ixchꞌapata ni sqol, va junkal:
—Kꞌalaqxꞌoqtꞌicha yu pumatꞌati mayulnin yu tavilanal tachꞌinin yu ay laꞌaxkan yu junkan Eufrates.
Ex jalaqxꞌoqlhicha ni pumatꞌati mayulnin. Yuꞌuncha oxicha listuj ixtavilanal vamun para exnicha, ni anchanuꞌ julchan ali anchanuꞌ malkuyuꞌ ali anchanuꞌ jachꞌitin. Va ixlakꞌulata para katamaqniꞌol tampataun yu pumaꞌatꞌutu lapanakni yu alin lakamunukpaꞌ. Kitꞌin ijqasmaklhi ixtalhavaxtu ixtropas ali jukin tus doscientos miyones ixtajunita.
Chuncha klaqtsꞌil ni jukin yu ixtapujukꞌanal. Ixtalhaꞌanta laqatamin tsasnati la ixtankilaknakꞌan. Va xlapul tus tacha jikmi, vachuꞌ azul ali xqavau. Ixꞌaqtsulkꞌan ni jukin ixtasuy tacha ixꞌaqtsul león. La ixkilnakꞌan ixtaxtuy jikmi ali jin, vachuꞌ azufre. Tampataun yu pumaꞌatꞌutu lapanakni yu alin lakamunukpaꞌ tus taniꞌol. Yu jalaqmaqnil va yu ixtakiltaxtuy ni jukin, va jikmi ali yu jin ali yu azufre. Ixtapꞌastakꞌan ni jukin ixtalhitꞌajun la ixkilnakꞌan vachuꞌ la ixtiꞌistajkꞌan. Yu ixtiꞌistajkꞌan ixtasuy tacha maqataun tsapul, yu lhitꞌajun ixꞌaqtsul. Va yucha lay ixtapamaqninin.
Ni lapanakni yu jantu katanil, yuꞌuncha jantu katamakauntijlal ixtoꞌoyaka ni aqmoqxnuꞌ, jantu katamakauntijlal ixdioskꞌan yu jantu laqsaval. Yucha jamakanti kun oro ali plata ali bronce ali chiyux ali kꞌiu. Jantu lay jalakavanan, jantu lay jaqasmaknan, jantu lay jaltanan. Jantu katamakauntijlal jamaqninti, vachuꞌ jantu katamakauntijlal jachavanti. Vachuꞌ tataylhaꞌal tꞌatamanan lapanakni yu jantu ixnavinkꞌan kaval. Vachuꞌ tataylhaꞌal jaꞌalhavanti.

მოისმინეთ APOCALIPSIS 9