<div class="version vid3377 iso6393dob" data-vid="3377" data-iso6393="dob">
 <div class="book bkGEN">
 <div class="chapter ch30" data-usfm="GEN.30">
 <div class="label">30</div><div class="s1">&#8216;UPWA 30.</div><div class="p"> 1Ta ni&#8216;atu Rakela i &#8216;itena &#8216;aene gea&#8216;abo &#8216;i da enatuna Iakobo &#8216;enaia, ga Rakela &#8216;i e&#8216;ipi&#8216;ipi tasina &#8216;enaia; ta &#8216;i ona Iakobo &#8216;enaia, Gogama &#8216;u da &#8216;ebwaegu, nai ia mwamwawasa. 2Ta Iakobo &#8216;i gamwasoara Rakela &#8216;enaia: ta &#8216;i ona, &#8216;Abo&#8216;agu Eaubada &#8216;ana lopa&#8216;eru, tauna &#8216;ebetubua uana &#8216;emuia &#8216;i egagarena? 3Ta waine &#8216;i ona, &#8216;Igu toguinua mewainena Bila u &#8216;itena, &#8216;ena &#8216;u da rugu; be &#8216;enega piagu &#8216;ena &#8216;i da enatuna, ta &#8216;abo&#8216;agu wate ia da enatuna tauna &#8216;enega. 4Ta &#8216;ina toguinua mewainena Bila i &#8216;ebwaena be &#8216;i da &#8216;awa&#8208;mwanena: ta Iakobo &#8216;ena &#8216;i rugu. 5Ta Bila i &#8216;euwana, ta natuna me&#8216;olotona &#8216;i enatunena Iakobo &#8216;enaia. 6Ta Rakela &#8216;i ona, Eaubada &#8216;eguia &#8216;i bwa&#8216;omatana, ta ni&#8216;atu wate &#8216;enagu &#8216;i nonona, ta ni&#8216;atu natugu me&#8216;olotona i &#8216;ebwaegu: ta &#8216;enega &#8216;i eesena Dana. 7Ta Bila, Rakela &#8216;ina toguinua mewainena, i &#8216;euwana limana, ta natuna me&#8216;olotona e ruena &#8216;i enatunena Iakobo &#8216;enaia. 8Ta Rakela &#8216;i ona, Edididi waiwai &#8216;ediega tasigu ma&#8216;ieagu &#8216;a edididi, ta ia ewaiwai: ta &#8216;i eesena Napatali. 9Ni&#8216;atu Lea i &#8216;itena enatuna &#8216;i losa&#8216;una, ga Silipa &#8216;ina toguinua mewainena i &#8216;ewena, ta Iakobo &#8216;ena i &#8216;ebwaea&#8216;ena be &#8216;i da &#8216;awa mwanena. 10Ta Silipa Lea &#8216;ina toguinua mewainena natuna me&#8216;olotona &#8216;i enatunena Iakobo &#8216;enaia. 11Ta Lea &#8216;i gwae, Bobo&#8216;ana! ta &#8216;i eesena Gada. 12Ta Silipa Lea &#8216;ina toguinua mewainena natuna me&#8216;olotona &#8216;e ruena &#8216;i enatunena Iakobo &#8216;enaia. 13Ta Lea &#8216;i ona, Ma&#8216;igu guausoara! gogama mewainedi si da &#8216;awa toeguausoaregu: ta &#8216;i eesena Asera. 14Ta sesoiwiti &#8216;ana tuta ga Rubena &#8216;i tauia, ta kaiwe&#8208;oboboma &#8216;i lobena mitawaia, ta sinana Lea &#8216;ena &#8216;i me&#8216;edi. Ga Rakela i ona Lea &#8216;enaia, Ia sideio, natuio &#8216;ina kaiwe&#8208;oboboma &#8216;ediega &#8216;u da &#8216;ebwaegu. 15Ta &#8216;i eonena, Iage gidarina nai mwanegu ni&#8216;atu u &#8216;ewena? ta &#8216;aene natugu &#8216;ina kaiwe&#8208;oboboma wate &#8216;u da &#8216;ewedi? Ta Rakela &#8216;i gwae, Ta &#8216;enega boiboi gete &#8216;i da &#8216;eno ma&#8216;ieaio natuio &#8216;ina kaiwe&#8208;oboboma manudi. 16Ta Iakobo mitawega &#8216;i mai &#8216;asunuanuaia, ta Lea &#8216;i apwesa sabi lobena, ta &#8216;i gwae, &#8216;Eguia &#8216;u da ruguma; natugu &#8216;ina kaiwe&#8208;oboboma &#8216;ediega ia gimwanemu. Ta boiboi gote i &#8216;eno ma&#8216;ieana. 17Ta Eaubada Lea &#8216;i nonona, ta i &#8216;euwana, ta natuna me&#8216;olotona &#8216;e nimana &#8216;i enatunena Iakobo &#8216;enaia. 18Ta Lea &#8216;i gwae, &#8216;Agu e&#8216;isa Eaubada ni&#8216;atu i &#8216;ebwaegu, &#8216;igu toguinua mewainena mwanegu &#8216;ena ia &#8216;ebwaebwaea&#8216;ena ta &#8216;enega: ta &#8216;i eesena Isakara. 19Ta Lea i &#8216;euwana limana, ta natuna me&#8216;olotona &#8216;e nima ta &#8216;e bweuna &#8216;i enatunena Iakobo &#8216;enaia. 20Ta Lea &#8216;i ona, Eaubada oesi bobo&#8216;ana &#8216;enega i &#8216;ebwaegu; gete &#8216;enega mwanegu &#8216;i da miami ma&#8216;ieagu, natunao me&#8216;olotodi &#8216;e nima ta &#8216;e bweu ia enatunedi &#8216;enaia: ta &#8216;i eesena Sebulona. 21Ta muriega natuna mewainena &#8216;i enatunena, ta &#8216;i eesena Dina. 22Ta Eaubada Rakela &#8216;i nua&#8216;i&#8216;isina, ta Eaubada &#8216;i nonona, ta gamwana &#8216;ebetubua &#8216;i gigegena. 23Ta i &#8216;euwana, ta natuna me&#8216;olotona &#8216;i enatunena: ta &#8216;i gwae, Eaubada &#8216;agu sinara ni&#8216;atu i &#8216;ewena: 24ta &#8216;i eesena Iosepa, &#8216;i gwae, Ieoba wate &#8216;e bweu natugu me&#8216;olotona &#8216;i da sa&#8216;uepopoe &#8216;eguia.</div><div class="p"> 25Ta gete &#8216;i apwesa, ni&#8216;atu Rakela Iosepa &#8216;i enatunena, ga Iakobo &#8216;i ona Labana &#8216;enaia, &#8216;U da &#8216;etunegu, be &#8216;enega ia da tauia &#8216;igu esena &#8216;enaia, ta &#8216;igu &#8216;asa &#8216;enaia. 26Mwaneguao ta natuguao taudi manudi &#8216;emuia ni&#8216;atu ia guinua &#8216;u da &#8216;ebwaegu, ta &#8216;u da tagwaregu be ia tauia: &#8216;igu guinua &#8216;enega &#8216;emuia ia guiguinua &#8216;u mwaratonina ta &#8216;enega. 27Ta Labana &#8216;i eonena, &#8216;Abo gete &#8216;enega ia bobo&#8216;ana matamuia, &#8216;u da miami: ni&#8216;atu ia &#8216;itena ta &#8216;enega Ieoba &#8216;i onaobobomegu manuio. 28Ta &#8216;i ona, &#8216;Amu e&#8216;isa &#8216;eguia &#8216;u da simanena, ta ia da &#8216;ebwaeaena. 29Ta &#8216;i eonena, &#8216;Igu guinua &#8216;emuia &#8216;u mwaratonina, ta &#8216;imu iobai &#8216;idi miami ma&#8216;eguao. 30&#8216;Ena nigea ia mai &#8216;imu iage &#8216;i gidarina, ta ni&#8216;atu &#8216;i sinabwa ga &#8216;i iau; ta mwa&#8216;onai ia tauia ga Ieoba &#8216;i onaobobomemu: ta gete &#8216;enega taugu &#8216;igu anua wate manuna maisa ia da egogona gwegwe? 31Ta &#8216;i gwae, To&#8216;ase ia da &#8216;ebwaeio? Ta Iakobo &#8216;i ona, Gea&#8216;abo &#8216;e bweu iage &#8216;u da &#8216;ebwaegu: &#8216;abo iage gete &#8216;u da guinua manugu, &#8216;imu iau ia da e&#8216;enina ta ia da &#8216;ita&#8216;i&#8216;isi lima. 32&#8216;Imu iau maibo&#8216;ana ia da loidina batua, iomwaiomwarina &#8216;e bweuna &#8216;e bweuna ia da tauiena, ta sipi &#8216;ediega gaigaina &#8216;e bweuna &#8216;e bweuna, ta gota &#8216;ediega iomwaiomwarina &#8216;e bweuna &#8216;e bweuna: ta nadigega &#8216;agu e&#8216;isa. 33Nadigega &#8216;igu bubuna paruparuna muriega manugu &#8216;i da simane, &#8216;ena &#8216;u mamai &#8216;agu e&#8216;isa matamuia manuna: &#8216;e bweuna &#8216;e bweuna gota &#8216;edia nigea iomwaiomwarina, ta sipi &#8216;edia nigea gaigaina, &#8216;abo ma&#8216;ieagu ta da sawena &#8216;aene ia &#8216;ipwaridi. 34Ta Labana &#8216;i ona, U &#8216;ita, nuagu &#8216;aene &#8216;imu ona na&#8216;ieana. 35Ta asiata gote gota me&#8216;olotodi iomwaiomwaridi, ta gota mewainedi iomwaiomwaridi, &#8216;e bweuna &#8216;e bweuna buraburana &#8216;ena &#8216;i miami, ta sipi &#8216;edia iauiaudi gaigaidi &#8216;i tauiedi, ta natunao me&#8216;olotodi nimadia i &#8216;ebwaeaedi; 36ta Iakobo ta tauna ta gamwagamwanaia &#8216;asiata &#8216;ana tauia &#8216;etoi &#8216;i sa&#8216;una: ta Iakobo Labana &#8216;ina iau si miami &#8216;i e&#8216;enidi. 37Ta Iakobo &#8216;ewa&#8216;ewa &#8216;i bubuna sakwarega be, saidoega be, ikiega be; ta &#8216;adi saba buraburadi bwaradiega &#8216;i sekoridi, ta buraburana &#8216;ewa&#8216;ewa &#8216;edia &#8216;i e&#8216;itedi. 38Ta &#8216;ewa&#8216;ewa nidi ni&#8216;atu bwaradi &#8216;i sekoridi iau matadia &#8216;i sa&#8216;una &#8216;ebenuma &#8216;ebedau kaiwe &#8216;edia taudi &#8216;edia iau si mai sabi numa; ta &#8216;ena si mema sabi numa si &#8216;euwana. 39Ta iau &#8216;ewa&#8216;ewa matadia si &#8216;euwana, ta iau si enatuna &#8216;adi saba buraburadi, iomwaiomwaridi, guaiaguaiadi. 40Ta Iakobo menonoiadi &#8216;i awearidi, ta iau maninidi &#8216;i sa&#8216;usa&#8216;u iomwaiomwaridi ta iauiaudi gaigaina Labana &#8216;ina iau &#8216;ena matadia; ta &#8216;ina iau tauna &#8216;i sa&#8216;u dumedumedi, ta nigea &#8216;i sa&#8216;udi Labana &#8216;ina iau &#8216;enaia. 41Ta gete &#8216;i apwesa, &#8216;ena iau waiwaidi si &#8216;euwana, Iakobo &#8216;ewa&#8216;ewa &#8216;i sa&#8216;una iau matadia &#8216;ebedau &#8216;edia, be &#8216;enega si da &#8216;euwana &#8216;ewa&#8216;ewa gamwagamwanidia; 42ta &#8216;enega iau si neneta, nigea &#8216;ena &#8216;i da sa&#8216;udi: ta &#8216;enega nenetadi Labana &#8216;ina, ta waiwaidi Iakobo &#8216;ina. 43Ta tai nina &#8216;i sinabwa wawasae, ta ma&#8216;ina iau sinabwadi, ta toguinua me&#8216;olotodi be to guinua mewainedi, ta kameliao be aseao.</div>
 </div>
 </div>
</div>

Published by the British and Foreign Bible Society in 1919

Ta ni‘atu Rakela i ‘itena ‘aene gea‘abo ‘i da enatuna Iakobo ‘enaia, ga Rakela ‘i e‘ipi‘ipi tasina ‘enaia; ta ‘i ona Iakobo ‘enaia, Gogama ‘u da ‘ebwaegu, nai ia mwamwawasa. Ta Iakobo ‘i gamwasoara Rakela ‘enaia: ta ‘i ona, ‘Abo‘agu Eaubada ‘ana lopa‘eru, tauna ‘ebetubua uana ‘emuia ‘i egagarena? Ta waine ‘i ona, ‘Igu toguinua mewainena Bila u ‘itena, ‘ena ‘u da rugu; be ‘enega piagu ‘ena ‘i da enatuna, ta ‘abo‘agu wate ia da enatuna tauna ‘enega. Ta ‘ina toguinua mewainena Bila i ‘ebwaena be ‘i da ‘awa‐mwanena: ta Iakobo ‘ena ‘i rugu. Ta Bila i ‘euwana, ta natuna me‘olotona ‘i enatunena Iakobo ‘enaia. Ta Rakela ‘i ona, Eaubada ‘eguia ‘i bwa‘omatana, ta ni‘atu wate ‘enagu ‘i nonona, ta ni‘atu natugu me‘olotona i ‘ebwaegu: ta ‘enega ‘i eesena Dana. Ta Bila, Rakela ‘ina toguinua mewainena, i ‘euwana limana, ta natuna me‘olotona e ruena ‘i enatunena Iakobo ‘enaia. Ta Rakela ‘i ona, Edididi waiwai ‘ediega tasigu ma‘ieagu ‘a edididi, ta ia ewaiwai: ta ‘i eesena Napatali. Ni‘atu Lea i ‘itena enatuna ‘i losa‘una, ga Silipa ‘ina toguinua mewainena i ‘ewena, ta Iakobo ‘ena i ‘ebwaea‘ena be ‘i da ‘awa mwanena. Ta Silipa Lea ‘ina toguinua mewainena natuna me‘olotona ‘i enatunena Iakobo ‘enaia. Ta Lea ‘i gwae, Bobo‘ana! ta ‘i eesena Gada. Ta Silipa Lea ‘ina toguinua mewainena natuna me‘olotona ‘e ruena ‘i enatunena Iakobo ‘enaia. Ta Lea ‘i ona, Ma‘igu guausoara! gogama mewainedi si da ‘awa toeguausoaregu: ta ‘i eesena Asera. Ta sesoiwiti ‘ana tuta ga Rubena ‘i tauia, ta kaiwe‐oboboma ‘i lobena mitawaia, ta sinana Lea ‘ena ‘i me‘edi. Ga Rakela i ona Lea ‘enaia, Ia sideio, natuio ‘ina kaiwe‐oboboma ‘ediega ‘u da ‘ebwaegu. Ta ‘i eonena, Iage gidarina nai mwanegu ni‘atu u ‘ewena? ta ‘aene natugu ‘ina kaiwe‐oboboma wate ‘u da ‘ewedi? Ta Rakela ‘i gwae, Ta ‘enega boiboi gete ‘i da ‘eno ma‘ieaio natuio ‘ina kaiwe‐oboboma manudi. Ta Iakobo mitawega ‘i mai ‘asunuanuaia, ta Lea ‘i apwesa sabi lobena, ta ‘i gwae, ‘Eguia ‘u da ruguma; natugu ‘ina kaiwe‐oboboma ‘ediega ia gimwanemu. Ta boiboi gote i ‘eno ma‘ieana. Ta Eaubada Lea ‘i nonona, ta i ‘euwana, ta natuna me‘olotona ‘e nimana ‘i enatunena Iakobo ‘enaia. Ta Lea ‘i gwae, ‘Agu e‘isa Eaubada ni‘atu i ‘ebwaegu, ‘igu toguinua mewainena mwanegu ‘ena ia ‘ebwaebwaea‘ena ta ‘enega: ta ‘i eesena Isakara. Ta Lea i ‘euwana limana, ta natuna me‘olotona ‘e nima ta ‘e bweuna ‘i enatunena Iakobo ‘enaia. Ta Lea ‘i ona, Eaubada oesi bobo‘ana ‘enega i ‘ebwaegu; gete ‘enega mwanegu ‘i da miami ma‘ieagu, natunao me‘olotodi ‘e nima ta ‘e bweu ia enatunedi ‘enaia: ta ‘i eesena Sebulona. Ta muriega natuna mewainena ‘i enatunena, ta ‘i eesena Dina. Ta Eaubada Rakela ‘i nua‘i‘isina, ta Eaubada ‘i nonona, ta gamwana ‘ebetubua ‘i gigegena. Ta i ‘euwana, ta natuna me‘olotona ‘i enatunena: ta ‘i gwae, Eaubada ‘agu sinara ni‘atu i ‘ewena: ta ‘i eesena Iosepa, ‘i gwae, Ieoba wate ‘e bweu natugu me‘olotona ‘i da sa‘uepopoe ‘eguia.
Ta gete ‘i apwesa, ni‘atu Rakela Iosepa ‘i enatunena, ga Iakobo ‘i ona Labana ‘enaia, ‘U da ‘etunegu, be ‘enega ia da tauia ‘igu esena ‘enaia, ta ‘igu ‘asa ‘enaia. Mwaneguao ta natuguao taudi manudi ‘emuia ni‘atu ia guinua ‘u da ‘ebwaegu, ta ‘u da tagwaregu be ia tauia: ‘igu guinua ‘enega ‘emuia ia guiguinua ‘u mwaratonina ta ‘enega. Ta Labana ‘i eonena, ‘Abo gete ‘enega ia bobo‘ana matamuia, ‘u da miami: ni‘atu ia ‘itena ta ‘enega Ieoba ‘i onaobobomegu manuio. Ta ‘i ona, ‘Amu e‘isa ‘eguia ‘u da simanena, ta ia da ‘ebwaeaena. Ta ‘i eonena, ‘Igu guinua ‘emuia ‘u mwaratonina, ta ‘imu iobai ‘idi miami ma‘eguao. ‘Ena nigea ia mai ‘imu iage ‘i gidarina, ta ni‘atu ‘i sinabwa ga ‘i iau; ta mwa‘onai ia tauia ga Ieoba ‘i onaobobomemu: ta gete ‘enega taugu ‘igu anua wate manuna maisa ia da egogona gwegwe? Ta ‘i gwae, To‘ase ia da ‘ebwaeio? Ta Iakobo ‘i ona, Gea‘abo ‘e bweu iage ‘u da ‘ebwaegu: ‘abo iage gete ‘u da guinua manugu, ‘imu iau ia da e‘enina ta ia da ‘ita‘i‘isi lima. ‘Imu iau maibo‘ana ia da loidina batua, iomwaiomwarina ‘e bweuna ‘e bweuna ia da tauiena, ta sipi ‘ediega gaigaina ‘e bweuna ‘e bweuna, ta gota ‘ediega iomwaiomwarina ‘e bweuna ‘e bweuna: ta nadigega ‘agu e‘isa. Nadigega ‘igu bubuna paruparuna muriega manugu ‘i da simane, ‘ena ‘u mamai ‘agu e‘isa matamuia manuna: ‘e bweuna ‘e bweuna gota ‘edia nigea iomwaiomwarina, ta sipi ‘edia nigea gaigaina, ‘abo ma‘ieagu ta da sawena ‘aene ia ‘ipwaridi. Ta Labana ‘i ona, U ‘ita, nuagu ‘aene ‘imu ona na‘ieana. Ta asiata gote gota me‘olotodi iomwaiomwaridi, ta gota mewainedi iomwaiomwaridi, ‘e bweuna ‘e bweuna buraburana ‘ena ‘i miami, ta sipi ‘edia iauiaudi gaigaidi ‘i tauiedi, ta natunao me‘olotodi nimadia i ‘ebwaeaedi; ta Iakobo ta tauna ta gamwagamwanaia ‘asiata ‘ana tauia ‘etoi ‘i sa‘una: ta Iakobo Labana ‘ina iau si miami ‘i e‘enidi. Ta Iakobo ‘ewa‘ewa ‘i bubuna sakwarega be, saidoega be, ikiega be; ta ‘adi saba buraburadi bwaradiega ‘i sekoridi, ta buraburana ‘ewa‘ewa ‘edia ‘i e‘itedi. Ta ‘ewa‘ewa nidi ni‘atu bwaradi ‘i sekoridi iau matadia ‘i sa‘una ‘ebenuma ‘ebedau kaiwe ‘edia taudi ‘edia iau si mai sabi numa; ta ‘ena si mema sabi numa si ‘euwana. Ta iau ‘ewa‘ewa matadia si ‘euwana, ta iau si enatuna ‘adi saba buraburadi, iomwaiomwaridi, guaiaguaiadi. Ta Iakobo menonoiadi ‘i awearidi, ta iau maninidi ‘i sa‘usa‘u iomwaiomwaridi ta iauiaudi gaigaina Labana ‘ina iau ‘ena matadia; ta ‘ina iau tauna ‘i sa‘u dumedumedi, ta nigea ‘i sa‘udi Labana ‘ina iau ‘enaia. Ta gete ‘i apwesa, ‘ena iau waiwaidi si ‘euwana, Iakobo ‘ewa‘ewa ‘i sa‘una iau matadia ‘ebedau ‘edia, be ‘enega si da ‘euwana ‘ewa‘ewa gamwagamwanidia; ta ‘enega iau si neneta, nigea ‘ena ‘i da sa‘udi: ta ‘enega nenetadi Labana ‘ina, ta waiwaidi Iakobo ‘ina. Ta tai nina ‘i sinabwa wawasae, ta ma‘ina iau sinabwadi, ta toguinua me‘olotodi be to guinua mewainedi, ta kameliao be aseao.

მოისმინეთ Nugana 30