© Bible Translation and Literacy (E.A.), 2004
℗ 2012 Hosanna

Pokomo - 2004 Edition (Drama NT)

<div class="version vid2222 iso6393pkb" data-vid="2222" data-iso6393="pkb">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s">Yesu ana mamulaka ya kuyatsia nabvise</div><div class="r"> Matayo 9:1-8; Luka 5:17-26</div><div class="p"> 1B&#803;aad&#815;a ya nsiku kadha kuchia, Yesu kauja kawii Kaperinaumi, na maagu yad&#815;achaa kwamba ka nyumbani. 2D&#815;ubva wantu waundukizika wenji na wenji humud&#803;e nyumbani mumpaka ntakwiwa namfasi hat&#815;a hapfad&#803;e mud&#803;yangoni. Nae Yesu kawasumwiiya chuuwo cha Muungu. 3Epfoakisumwiiya, kuyehegwa muntu ahinamfiye atsukwiijwe ni wantu wane. 4Ela kwa dzambo d&#803;ye t&#815;ut&#815;a ya wantu washindwa kumufisya kwa Yesu. Ndookomu wapfaa nae huku d&#815;arini dzuu, wad&#803;ihumbuya anga hid&#803;i d&#815;ari d&#803;a na hapfad&#803;e pfa Yesu asumamiyepfo na wamususya huyu ahinamfiye na t&#815;at&#815;ad&#803;ye. 5Yesu epfoona faro yao, kamwamba huyu ahinamfiye, &#8220;Mwanangu, nabvisezo kuziyatsijwa.&#8221;</div><div class="p"> 6Na hapfad&#803;e kwiwa kukaa na waalimu wa *Sharia. Wepfosikia hivi vya Yesu aneneyevyo, wad&#803;abva kudziuza na mojoni wakyamba, 7&#8220;Ayu muntu ayu, anawezadze kunena dzaavi? Nkakwakukufuruni? Ni ga eye na uwezo wa kuyatsia muntu nabvise, isipfokwamba ni Muungu jeje heket&#815;u?&#8221; 8Na pfapfo Yesu kahambuya haya mat&#815;aro yao, na kawauza kawamba, &#8220;Kut&#815;i nywinywi mwakut&#815;arani mat&#815;aro dza hayo? 9Vivodho ni vi? Kumwamba huyu ahinamfiye, &#8216;Nabvisezo kuziyatsijwa?&#8217; Ambu kumwamba, &#8216;Nuka hwaa t&#815;at&#815;ad&#803;yo wenende?&#8217; 10Natsaka kumuyanga kwamba mimi *Mwana jwa Ad&#815;amu nina mamulaka ya kuyatsia wantu nabvise humu lumwenguni.&#8221; Kisa kamwamba huyu muntu ahinamfiye, 11&#8220;Nuka wima, hwaa hid&#803;i t&#815;at&#815;ad&#803;yo wende nyumbani.&#8221; 12Na iyo saa, huyud&#803;e muntu kanuka wima, kahwaa t&#815;at&#815;ad&#803;ye kagonzowa huku wantu wonse wakiwa kumuyowani na kumaka. Na wonse wanjia kumushad&#815;ani Muungu wakyamba, &#8220;Ntahudzaona dzambo dza hid&#803;i meshi!&#8221;</div><div class="s">Yesu katsaka hat&#815;a wanabvise</div><div class="r"> Matayo 9:9-13; Luka 5:27-32</div><div class="p"> 13Kisa Yesu kanuka kawii kenda geri ya ziwa d&#803;ya Galilaya. Na kendejwa ni t&#815;ut&#815;a nkuu na nkuu ya wantu nae kad&#803;abva kuwayongweeza. 14Akinuka akwakuchiani, kaona *muhwaa kuwa mumodza eyeakihanigwa Lawi#2:14 Lawi kwa sari d&#803;ingine ekihanigwa Matayo. mwana jwa Alifayo. Ewa kakaa chihako humud&#803;e mwa hi ofisi ya kuhwaiya kuwa. Yesu kamwamba, &#8220;Niub&#803;a!&#8221; Nae Lawi kanuka kamuub&#803;a.</div><div class="p"> 15B&#803;aad&#815;aye, Yesu na wanafund&#815;iwe wenda nyumbani kwa Lawi wakad&#803;ye chakud&#803;ya. Wepfokaa kud&#803;yani, wahwaa kuwa wenji na wantu wangine weonahwajwa kuwa wanabvise, wamuub&#803;iyeo Yesu, nao wakaa chanoni kud&#803;yani pfamodza nao. 16Ela waalimu wa Sharia wangine weokuwa *Mafarisayo, wepfomuona Yesu kakud&#803;yani na wahwaa kuwa na wanabvise, wawauza wanafund&#815;iwe wawamba, &#8220;Kut&#815;i huyu kakud&#803;yani na wahwaa kuwa na wanabvise?&#8221; 17Yesu epfowasikia, kawambukuya kawamba, &#8220;Weo na matsea ntawanalacha muriit&#815;a, weonalacha muriit&#815;a ni hawad&#803;e weo wajwazi. Mimi sikudzia wantu weonadziona kwamba ni wahachi, ela nidzia wanabvise.&#8221;</div><div class="s">Yesu kauzwa dzuu ya kufunga</div><div class="r"> Matayo 9:14-17; Luka 5:33-39</div><div class="p"> 18Buwa modza wanafund&#815;i wa Yohana Mut&#815;opya na hawa Mafarisayo wekifunga. D&#815;ubva Yesu kendejwa ni wantu wamuuza wamwamba, &#8220;Kut&#815;i wanafund&#815;i wa Yohana na wa Mafarisayo wanakaa na kufunga, ao hawa wako ntawafunge?&#8221; 19Yesu kawambukuya kawamba, &#8220;Waalikijweo harusini wanawezadze kufunga huku b&#803;wana harusi akiwa ka pfamodza nao? Ntaiwezekane! Chima cha huyu b&#803;wana harusi aivyo pfamodza nao ntawawezi kufunga. 20Ela nsiku idzafika, ambapfo huyu b&#803;wana harusi kadzanujwa kahi yao. Hapfo ndipfo wadzepfofunga.&#8221;</div><div class="p"> 21Yesu kongeza kunena kamba, &#8220;Ntaku muntu eyenasona kiraka cha nguo mpya dzuu ya nguo ijariyeyo. Koro akihenda dzavyo, hiki kiraka kinaihendeza hi nguo ya kae itsafurike-tsafurike, na hapfa pfab&#803;aikiyepfo pfanakwongezeka. 22Na ntaku muntu eyenangiza mvinyo mpya kwa mifuko ya nchingo ya kae. Koro akihenda dzavyo, hi mvinyo inaib&#803;aa hi mifuko ya nchingo na inahika. Mvinyo mpya inangizwa kwa mifuko ya nchingo mpya!&#8221;</div><div class="s">Yesu ni B&#803;wana hat&#815;a jwa Sabato</div><div class="r"> Matayo 12:1-8; Luka 6:1-5</div><div class="p"> 23Nsiku modza ya *Sabato, Yesu ekichia na makondeni pfamodza na wanafund&#815;iwe. Wepfowakichia, hawa wanafund&#815;iwe wad&#803;abva kufurud&#803;a masuke ya nganu na kuyafyokotsa na kud&#803;ya. 24Hawa Mafarisayo wepfowaona wamuuza Yesu wamwamba, &#8220;T&#815;awayowe hawa wanafund&#815;iwo! Kut&#815;i wakuhendani kazi na nsiku ya Sabato na hali hi Sharia yehu ihuvingira kuhenda dzavyo?&#8221; 25Ela Yesu kawambukuya kawamba, &#8220;Munamba ntamudzasoma hat&#815;a avid&#803;e vya D&#815;aud&#815;i ahendeyevyo epfokuwa na nzaa jeje na wantuwe na huku wewa ntawa kintu cha kud&#803;ya? 26Abiathari epfokuwa *Mukohani Mukuu, D&#815;aud&#815;i kenda kanjia humud&#803;e hemani#2:26 Ngera za haju D&#815;aud&#815;i wantu wekimuyomba Muungu hemani. mwa Muungu, kaid&#803;ya hi mikahe iyoyavigwa mvuugiya kwa Muungu na kawapfa na wantuwe. Kahenda hivi na hali kisheria weoruhusijwa kuid&#803;ya hid&#803;e mikahe wewa ni wakohani t&#815;u!&#8221; 27Kisa Yesu kawakontomeeza kawamba, &#8220;D&#815;ubva Sabato iwekwa kwa dzambo d&#803;ya mwanaad&#815;amu, na wala mwanaad&#815;amu nkakuumbwa kwa dzambo d&#803;ya Sabato. 28Ndookomu mimi Mwana jwa Ad&#815;amu, ni B&#803;wana hat&#815;a jwa Sabato.&#8221;</div>
 </div>
 </div>
</div>

Ḅaad̯a ya nsiku kadha kuchia, Yesu kauja kawii Kaperinaumi, na maagu yad̯achaa kwamba ka nyumbani. D̯ubva wantu waundukizika wenji na wenji humuḍe nyumbani mumpaka ntakwiwa namfasi hat̯a hapfaḍe muḍyangoni. Nae Yesu kawasumwiiya chuuwo cha Muungu. Epfoakisumwiiya, kuyehegwa muntu ahinamfiye atsukwiijwe ni wantu wane. Ela kwa dzambo ḍye t̯ut̯a ya wantu washindwa kumufisya kwa Yesu. Ndookomu wapfaa nae huku d̯arini dzuu, waḍihumbuya anga hiḍi d̯ari ḍa na hapfaḍe pfa Yesu asumamiyepfo na wamususya huyu ahinamfiye na t̯at̯aḍye. Yesu epfoona faro yao, kamwamba huyu ahinamfiye, “Mwanangu, nabvisezo kuziyatsijwa.”
Na hapfaḍe kwiwa kukaa na waalimu wa *Sharia. Wepfosikia hivi vya Yesu aneneyevyo, waḍabva kudziuza na mojoni wakyamba, “Ayu muntu ayu, anawezadze kunena dzaavi? Nkakwakukufuruni? Ni ga eye na uwezo wa kuyatsia muntu nabvise, isipfokwamba ni Muungu jeje heket̯u?” Na pfapfo Yesu kahambuya haya mat̯aro yao, na kawauza kawamba, “Kut̯i nywinywi mwakut̯arani mat̯aro dza hayo? Vivodho ni vi? Kumwamba huyu ahinamfiye, ‘Nabvisezo kuziyatsijwa?’ Ambu kumwamba, ‘Nuka hwaa t̯at̯aḍyo wenende?’ Natsaka kumuyanga kwamba mimi *Mwana jwa Ad̯amu nina mamulaka ya kuyatsia wantu nabvise humu lumwenguni.” Kisa kamwamba huyu muntu ahinamfiye, “Nuka wima, hwaa hiḍi t̯at̯aḍyo wende nyumbani.” Na iyo saa, huyuḍe muntu kanuka wima, kahwaa t̯at̯aḍye kagonzowa huku wantu wonse wakiwa kumuyowani na kumaka. Na wonse wanjia kumushad̯ani Muungu wakyamba, “Ntahudzaona dzambo dza hiḍi meshi!”


Kisa Yesu kanuka kawii kenda geri ya ziwa ḍya Galilaya. Na kendejwa ni t̯ut̯a nkuu na nkuu ya wantu nae kaḍabva kuwayongweeza. Akinuka akwakuchiani, kaona *muhwaa kuwa mumodza eyeakihanigwa Lawi mwana jwa Alifayo. Ewa kakaa chihako humuḍe mwa hi ofisi ya kuhwaiya kuwa. Yesu kamwamba, “Niuḅa!” Nae Lawi kanuka kamuuḅa.
Ḅaad̯aye, Yesu na wanafund̯iwe wenda nyumbani kwa Lawi wakaḍye chakuḍya. Wepfokaa kuḍyani, wahwaa kuwa wenji na wantu wangine weonahwajwa kuwa wanabvise, wamuuḅiyeo Yesu, nao wakaa chanoni kuḍyani pfamodza nao. Ela waalimu wa Sharia wangine weokuwa *Mafarisayo, wepfomuona Yesu kakuḍyani na wahwaa kuwa na wanabvise, wawauza wanafund̯iwe wawamba, “Kut̯i huyu kakuḍyani na wahwaa kuwa na wanabvise?” Yesu epfowasikia, kawambukuya kawamba, “Weo na matsea ntawanalacha muriit̯a, weonalacha muriit̯a ni hawaḍe weo wajwazi. Mimi sikudzia wantu weonadziona kwamba ni wahachi, ela nidzia wanabvise.”


Buwa modza wanafund̯i wa Yohana Mut̯opya na hawa Mafarisayo wekifunga. D̯ubva Yesu kendejwa ni wantu wamuuza wamwamba, “Kut̯i wanafund̯i wa Yohana na wa Mafarisayo wanakaa na kufunga, ao hawa wako ntawafunge?” Yesu kawambukuya kawamba, “Waalikijweo harusini wanawezadze kufunga huku ḅwana harusi akiwa ka pfamodza nao? Ntaiwezekane! Chima cha huyu ḅwana harusi aivyo pfamodza nao ntawawezi kufunga. Ela nsiku idzafika, ambapfo huyu ḅwana harusi kadzanujwa kahi yao. Hapfo ndipfo wadzepfofunga.”
Yesu kongeza kunena kamba, “Ntaku muntu eyenasona kiraka cha nguo mpya dzuu ya nguo ijariyeyo. Koro akihenda dzavyo, hiki kiraka kinaihendeza hi nguo ya kae itsafurike-tsafurike, na hapfa pfaḅaikiyepfo pfanakwongezeka. Na ntaku muntu eyenangiza mvinyo mpya kwa mifuko ya nchingo ya kae. Koro akihenda dzavyo, hi mvinyo inaiḅaa hi mifuko ya nchingo na inahika. Mvinyo mpya inangizwa kwa mifuko ya nchingo mpya!”


Nsiku modza ya *Sabato, Yesu ekichia na makondeni pfamodza na wanafund̯iwe. Wepfowakichia, hawa wanafund̯iwe waḍabva kufuruḍa masuke ya nganu na kuyafyokotsa na kuḍya. Hawa Mafarisayo wepfowaona wamuuza Yesu wamwamba, “T̯awayowe hawa wanafund̯iwo! Kut̯i wakuhendani kazi na nsiku ya Sabato na hali hi Sharia yehu ihuvingira kuhenda dzavyo?” Ela Yesu kawambukuya kawamba, “Munamba ntamudzasoma hat̯a aviḍe vya D̯aud̯i ahendeyevyo epfokuwa na nzaa jeje na wantuwe na huku wewa ntawa kintu cha kuḍya? Abiathari epfokuwa *Mukohani Mukuu, D̯aud̯i kenda kanjia humuḍe hemani mwa Muungu, kaiḍya hi mikahe iyoyavigwa mvuugiya kwa Muungu na kawapfa na wantuwe. Kahenda hivi na hali kisheria weoruhusijwa kuiḍya hiḍe mikahe wewa ni wakohani t̯u!” Kisa Yesu kawakontomeeza kawamba, “D̯ubva Sabato iwekwa kwa dzambo ḍya mwanaad̯amu, na wala mwanaad̯amu nkakuumbwa kwa dzambo ḍya Sabato. Ndookomu mimi Mwana jwa Ad̯amu, ni Ḅwana hat̯a jwa Sabato.”

მოისმინეთ Marko 2