2 कुरिन्थियों 1の有名な聖句

シェア

आपणा परबु ईसु मसी को बाप, दीया करबाळो अर आराम देबाळो परमेसर धनै छ। अर आपा प कळेस आव्अ छ तो वे आपान्अ हिम्मत बंधाव्अ छ। जिसुं आपा बी परमेसर की उं हिम्मत क जरिये वां मनखा न्अ ज्यो कळेस मं पड़या छ हिम्मत बंधा सका।

क्युं क जस्यान मसी दुख भोग्यो छ उम्अ मे बी पांतिदार छा जिसुं आपा मसी क जरिये परमेसर की उं महान सायता का बी पांतिदार छा।

अर मे हीया मं या बी बच्यार लिया छा क म्हान्अ मौत की सज्या होगी जिसुं म्हे खुद प भरोसो कोन करर उं परमेसर प भरोसो कर्या ज्यो मरेड़ा न्अ बी फेरू जुवाव्अ छ।

ज्यो ईसु मसी की बजेसुं म्हान्अ थांकी लार जोड़र थरप्यो छ। वो परमेसर'ई छ। वो खुदकी छाप आपण्अ लगायो छ, वो आपणा हीया म पवितर-आत्मा दियो छ। याई बात की साई छ क वो वे सबळी आसिस आपान्अ देव्अ ज्यांन्अ देबा बेई वो करार कर्यो छ।

ज्यो मै सताया जांवा छा तो वो थान्अ हिम्मत बंधाबा अर थांका छूटवाड़ा बेई होव्अ छ। ज्यो म्हान्अ हिम्मत बंधाई जाव्अ छ तो थान्अ बी हिम्मत बंधाई जाव्अ छ अर जस्यान को कळेस मै भोगा छा वो कळेस थरचा सुं भोगबा बेई तागत दी जाव्अ छ।