ကမ္ဘာဦးကျမ်း 21の有名な聖句

シェア

ထာဝရဘုရား​သည် မိမိ​မိန့်​တော်မူ​ခဲ့​သည့်​အတိုင်း စာရာ​ကို​အကြည့်အရှု​ကြွလာ​တော်မူ​၏​။ ထာဝရဘုရား​သည် ကတိပေး​တော်မူ​ခဲ့​သည့်​အတိုင်း စာရာ​၌​ပြု​တော်မူ​သဖြင့်

ဘုရားသခင်​သည် သူငယ်​၏​အသံ​ကို ကြား​တော်မူ​၏​။ ထိုအခါ ဘုရားသခင်​၏​ကောင်းကင်တမန်​သည် ကောင်းကင်​မှ​နေ​၍ ဟာဂရ​ကို​ခေါ်​ပြီးလျှင် “​ဟာဂရ​၊ သင်​ဘာဖြစ်​သနည်း​။ မ​ကြောက်​နှင့်​။ အကြောင်းမူကား သူငယ်​ရှိ​သည့်​နေရာ​မှ သူငယ်​၏​အသံ​ကို ဘုရားသခင်​ကြား​တော်မူ​ပြီ​။ ထ​လော့​။ သူငယ်​ကို​ထူမ​၍ သူ့​ကို သင်​၏​လက်​ဖြင့်​ကိုင်​ထား​လော့​။ အကြောင်းမူကား ငါ​သည် သူ့​ကို ကြီးမြတ်​သော​လူမျိုး​ဖြစ်​စေ​မည်​”​ဟု မြွက်ဆို​၏​။

စာရာ​သည် ကိုယ်ဝန်ဆောင်​၍ အာဗြဟံ​အား​ဘုရားသခင်​ကတိပေး​တော်မူ​သော​အချိန်​၌ အသက်ကြီး​သော​အာဗြဟံ​အတွက် သား​တစ်​ယောက်​ကို မွေးဖွား​လေ​၏​။

စာရာ​က​လည်း “​ငါ​ရယ်​ရ​သော​အခွင့်​ကို ဘုရားသခင်​ပေး​တော်မူ​ပြီ​။ ဤ​အကြောင်း​ကို​ကြား​သော​သူ​အားလုံး​တို့​သည်​လည်း ငါ​နှင့်အတူ​ရယ်​ကြ​လိမ့်မည်​”​ဟု ဆို​၏​။

သို့ရာတွင် ဘုရားသခင်​က အာဗြဟံ​အား “​ထို​သူငယ်​နှင့်​ပတ်သက်၍​လည်းကောင်း​၊ သင်​၏​ကျွန်မ​နှင့်​ပတ်သက်၍​လည်းကောင်း စိတ်ဒုက္ခ​မ​ဖြစ်​နှင့်​။ သင့်​အား စာရာ​ပြော​သမျှ​သော​စကား​ကို နားထောင်​လော့​။ အကြောင်းမူကား ဣဇက်​မှ​ဆင်းသက်​သော​သူ​သည် သင်​၏​အမျိုးအနွယ်​ဟူ၍ ခေါ်ဝေါ်​ခြင်း​ခံရ​လိမ့်မည်​။

ကျွန်မ​၏​သား​သည်​လည်း သင်​၏​အမျိုးအနွယ်​ဖြစ်​သောကြောင့် ငါ​သည် သူ့​ကို​လူမျိုး​တစ်​မျိုး​ဖြစ်​စေ​မည်​”​ဟု မိန့်​တော်မူ​၏​။