1CO 5
5
नैतिक इंगा नीती विषयला मतभेद — 5:1—6:20
मंडळीला अनैतिक मंदी
1इल्ला माटा इने दिंटल्या वच्चीनाद की, मी दिंटल्या व्यभिचार आयताद. वगा मनशी वान आब्बान इंगोगो वडती जताक अनैतिक संबंध फेटताड. इल्लोनदी व्यभिचार याद यहुदी लेनोरला पण काद. 2इंगा तरी मीर घमंडता फुगाशीनार, पण मीर दानिचांग शोक शेयार? यवाड इल्ला फनी शेशीन्या वान मी दिंटल्योन्केल तिस्काडाल सुंटीर. 3निन जरी शारीरिक रुपता मी नडमा लेन तरी आत्मिक रुपता तर निन आंदे उंडान. आंदु उंडीगास पण यवाड इल्लोन वाईट फनी शेशीनाड, वान विरुद्ध निन आज्ञा इचकाडनान, 4यप्पुड मीर प्रभु येशुन फेरता वगातळा जमा आयतार, आप्पुड मना प्रभु येशुन सामर्थ्यता नाद आत्मा मी जताक उंटाद, 5मिमलान इल्लोन मनसुलाद फय नाश इचांग शैतानकी इचकाडना; दिनिचांग की, प्रभुन दिनमुला वान आत्माद तारण कावाला. 6मिद घमंड शेशेद शिंगार लेद. मिक यरका लेद येम की रव्वासा खमीर पुर्ण फिस्कीने फिंडीन खमीर शेस्काडताद? 7तिशी फेकेस काडना इ फाता खमीरनी, स्वतान शुद्ध शेयना दिनिचांग की मीर कोत्ताद फिस्कीनेद फिंडी कावाला दिनिचांग की मीर अखमीरी उंडाला येनटीक की मनाद पण वल्हांडन यवाड ख्रिस्त उंडाड, अर्पण आयनाड.
अनैतिकता इचांग न्याय
8दिनिचांग दांडा मनाम मनाद वल्हांडन फंडगा वाईट इंगा दुष्टताता निंडीने फाता खमीरता लेद तर प्रामाणिकपणा इंगा सत्यता निंडीने बेखमीर रोट्याता पाळादाम.
9निन मिक ना पत्रला राशीनान की व्यभिचारी मंदी जताक संबंध फेट्टाकुंडा. 10नाद आनेद अर्थ इल्ला बिलकुल लेकुंड्या की मीर इ दुन्यामलोन व्यभिचारी, लोभी, लुबाडीच्चेतोर इंगा मुर्तीपुजकला जताक संबंध फेट्टाके उंडा; इल्ला कावाराद की मिक दुन्यामलेल बैटीक फोवाबेक आय्यी. 11पण इप्पुड, निन मिक राशीनान की, यवाराना ख्रिस्तला तम्मुड आनीनोड व्यभिचारी, लोभी इंगा मुर्तीपुजक, तिट्टेतोड, तागेतोड इंगा लुबाडीच्चेतोड उंटे तर वान जताक सबंध फेट्टाकुंडा; इल्लोन मनशी जताक रोट्याबी तिनाकुंडा. 12यवार बैटूटोर उंडार मंडळी लोन्टोर लेर वारदी न्याय शेशद नाद येम फनी? मिक वारदे न्याय शेय्यादाद येम यवार मंडळी लोन्टोर उंडार? 13पण परमेश्वर बैटूटोरदी न्याय शेस्ताड दिन इचांग
'मीर मी दिंटल्योन्केल आ दुष्ट मनशीन बैटीक तिस्काडना'. #अनुवाद 17:7.
Attualmente Selezionati:
1CO 5: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi