Matayo NKHANI YA UTONGEERI WA GËTABU
RNT

Matayo NKHANI YA UTONGEERI WA GËTABU

NKHANI YA UTONGEERI WA GËTABU
Sayu Njija amwa Matayo ëguhanyaa Sayu Njija amwa Yesu mwino mweeso unë Mutyoi wa iraghano, wasuu në ukëërëa mweeso akwe Muungu wayatendie maraghano akwe nënaawayahanyiye gwa antu vakwe mu iraghano ra khae. Sayu njija ëyëë ti gwa Ayahudi atufu, muvasaa nënaa Yesu wafafiwe na agaduva mukhatë awe, ëgweeso gwa urëmi woong'e.
Matayo uning'anëëye vija. Ugwandya na ufafwa kunë Yesu, sayu a ubadiso na uëghëëyi, na mwëmo wakwe wa utanantya Sayu Njija, usëya, na uforya marue muGalilaya. Nëasaaahëywa guna sayu a muhënjo wamwa Yesu ufuma uGalilaya faka uYerusalemu na asaa nëëgamudwëëra Yesu ijuma ra umpeo, mpeo a mantu asaa oong'e ukhomwa umusalaba na ufëtya ufuma gwa akuyi.
Sayu Njija ëyëë nëandëkiwe na Matayo ëgumwaghëa Yesu mwino Musëyi Müküü, nëwina udaho wa umësëya vija Seria a Muungu, na nëugusëyaa sayu ya utemi wa Muungu. Usëyi wakwe wëë mumakhakho ataano: (1.) Matanantyo a uGëtanto, nëëghokee ntende ya antu, mëëmo, sao, nanë umpeo awe antu vasaa va utëmi wa girunde (mëango 5-7) (2.) Maraghëëyo gwa asëywi ikumi na vavëë gwa mwëmo wawe wa Sayu Njija (Mwango 10), (3) nyinkhori ya Utemi wa girunde (mwaango 18), (4) usëyi wa riana ra utendeka musëywi (mwaango 13), (5) usëyi wa mpeo a uduvi uruu na uja gwa Utemi wa girunde (mëango 24-25).
Gwa ukufë asaa Nëërëfo
Mwango wa ufafwa kunë Yesu Krisito 1:1–2:23
Mwëëmo wamwa Yohana Mubadisi 3:1-12
Ubadiso na uëghëeywa kunë Yesu 3:13–4:11
Mwëëmo wamwa Yesu uGalilaya 4:12–18:35
Ufuma Ugalilaya faka uYerusalemu 19:1–20:34
Ijuma ra umpeo fifë na mukhatë a uYerusalemu 21:1–27:66
Ufëtya ufuma gwa akuyi na gidwëëya kunë Müküü 28:1-20

© 2008 Bible Society of Tanzania

Ulteriori Informazioni Su Kirimi New Testament