यहेजकेल 25
25
अम्मोनियाँ कै खिलाफ न्याय
1यहोवा का यो वचन मेरे धोरै पोहच्या 2“हे माणस की सन्तान, अम्मोनियाँ की ओड़ मुँह करकै उनकै बारै म्ह भविष्यवाणी कर। 3उनतै कह, हे अम्मोनियों, परमेसवर यहोवा का वचन सुणो, परमेसवर यहोवा न्यू कहवै सै के थमनै जो मेरे पवित्रस्थान कै बारै म्ह जिब वो अपवित्र करया गया, अर इस्राएल के देश कै बारै म्ह जिब वो उजड़ ग्या, अर यहूदा के घरान्ने कै बारै म्ह जिब वे गुलाम्मी म्ह गये, आहा, आहा! कह्या! 4इस कारण देक्खो, मै थमनै पूर्वियाँ के हक म्ह करण पै सूं; अर वे तेरे बिचाळै अपणी छावनियाँ गेरैगें अर अपणे घर बणावैंगे; वे तेरे फळ खावैंगे अर तेरा दूध पीवैंगे। 5अर मै रब्बाह नगर नै ऊँटां के रहण अर अम्मोनियाँ के देश नै भेड़-बकरियाँ के बैठण की जगहां कर दियुँगा; फेर थम जाण ल्योगे के मै यहोवा सूं। 6क्यूँके परमेसवर यहोवा न्यू कहवै सै: थमनै जो इस्राएल के देश कै कारण ताळी बजाई अर नाच्चे, अर अपणे पूरे मन के घमण्ड तै खुशी मनाई, 7इस कारण देख, मन्नै अपणा हाथ तेरे उप्पर बढ़ाया सै; अर तेरे ताहीं जात्ति-जात्ति की लूट कर दियुँगा, अर देश-देश के माणसां म्ह तै तेरे ताहीं मिटाऊँगा; अर देश-देश म्ह तै नाश करुँगा। मै तेरा सत्यानाश कर दियुँगा; फेर तू जाण लेवैगा के मै यहोवा सूं।”
मोआब कै खिलाफ न्याय
8“परमेसवर यहोवा न्यू कहवै सै: मोआब अर सेईर जो कहवै सैं, देक्खो, यहूदा का घरान्नां और सारी जात्तां की तरियां होग्या सै। 9इस कारण देख, मोआब के देश कै किनारे के नगरां नै बेत्यशीमोत, बालमोन, अर किर्यातैम, जो उस देश के शिरोमणि सैं, मै उनका राह खोलकै#25:9 उनका राह खोलकै नगरां के दुश्मनां कै खात्तर गुप्त छोड़ देऊँगा, उसकी हद्दां के नगरां कै खात्तर। 10उननै पूर्वियाँ के बस म्ह इसा कर दियुँगा के वे अम्मोनियाँ पै चढ़ाई करैं; अर मै अम्मोनियाँ नै उरै ताहीं उनके हक म्ह कर दियुँगा के जात-जात कै बिचाळै उननै फेर याद न्ही रहवैगा। 11मै मोआब नै भी सजा देऊँगा। अर वे जाण लेवैंगे के मै यहोवा सूं।”
एदोम कै बिरुध्द न्याय
12“परमेसवर यहोवा न्यू भी कहवै सै: एदोम नै जो यहूदा के घरान्ने तै बदला लिया, अर उनतै बदला लेकै बड़ा दोषी होग्या सै, 13इस कारण परमेसवर यहोवा न्यू कहवै सै, मै एदोम के देश कै बिरुध्द अपणा हाथ बढ़ाकै उस म्ह तै माणस अर पशु दोनुआं नै मिटाऊँगा; अर तेमान तै लेकै ददान ताहीं उसनै उजाड़ कर दियुँगा; अर वे तलवार तै मारे जावैंगे। 14मै अपणी प्रजा इस्राएल के जरिये एदोम तै अपणा बदला लेऊँगा; अर वे उस देश म्ह मेरे छो अर जळजळाहट कै मुताबिक काम करैंगे। फेर वे मेरा बदला लेणा जाण लेवैंगे, परमेसवर यहोवा की याए वाणी सै।”
पलिश्तियाँ कै बिरुध्द न्याय
15“परमेसवर यहोवा न्यू कहवै सै: क्यूँके पलिश्ती माणसां नै बदला लिया, बलके अपणी युग-युग की दुश्मनांई कै कारण अपणे मन के घमण्ड तै बदला लिया#25:15 बदला लिया एसाव कै गैल याकूब नै जो बुरा करया था यो उसके बारै म्ह सै (उत्प. 27:36) के नाश करैं, 16इस कारण परमेसवर यहोवा न्यू कहवै सै, देख, मै पलिश्तियाँ कै खिलाफ अपणा हाथ बढ़ाण पै सूं, अर करेतियां नै मिटा दियुँगा; अर समुन्दर तट के बचे होए रहण आळयां नै नाश करुँगा। 17मै जळजळाहट कै गैल मुकद्दमा लड़कै, उनतै करड़ाई कै गैल बदला ल्यूँगा। अर जिब मै उनतै बदला ले ल्यूँगा, फेर वे जाण लेवैंगे के मै यहोवा सूं।”
Attualmente Selezionati:
यहेजकेल 25: BGC
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
