यहेजकेल 19
19
राजकुमार कै खात्तर इस्राएल का शोक
1“इस्राएल के प्रधानां कै बारै म्ह तू यो विलापगीत सुणा: 2तेरी माँ एक किसी शेरणी#19:2 शेरणी शेरणी दाऊद के शाही परिवार का एक रूपक सै। हालाकि यो गीत पिछली आयत म्ह इस्राएल के दो शासकां तै सम्बोधित लाग्गै सै। यो हो सकै सै वर्तमान राजा, सिदकिय्याह, या यहोयाकीन ताहीं सम्बोधित करया गया था, जो यहेजकेल कै साथ निर्वासन म्ह था। थी! वो शेरां कै बीच बैठ्या करदी अर अपणे बच्चयां नै जवान शेरां कै बिचाळै पाळै पोस्सै थी। 3अपणे बच्चयां म्ह तै उसनै एक ताहीं पाळ्या अर वो जवान शेर होग्या, अर शिकार करणा सीख ग्या; उसनै माणसां ताहीं भी पाड़ खाया। 4जात्ति-जात्ति के माणसां नै उसका जिक्र#19:4 उसका जिक्र यानिके यहोयाकीन जिसनै अपणे आप ताहीं यहोआहाज तै कम काम कै लायक सिध्द न्ही करया था। सुण्या, अर उस ताहीं अपणे खोद्दे होए खड्डे म्ह फँसाया; अर उसकै नकेल डालकै उसनै मिस्र देश म्ह लेगे। 5जिब उसकी माँ नै देख्या के वो धीरज धरे रही तोभी उसकी उम्मीद टूटगी, फेर अपणे एक और बच्चे ताहीं लेकै उसनै जवान शेर कर दिया। 6फेर वो जवान शेर होकै शेरां कै बीच चाल्लण-फिरण लाग्या, अर वो भी शिकार करणा सीख ग्या; अर माणसां ताहीं भी पाड़ खाया। 7उसनै उनके भवनां ताहीं बिगाड़या, अर उनके नगरां ताहीं उजाड़या बलके उसके गरजण के डर के मारे यहूदा देश अर जो कुछ उस म्ह था सारा किमे उजड़ ग्या। 8फेर च्यांरु ओड़ के जात्ति-जात्ति के माणस अपणे-अपणे प्रान्त तै उसकै खिलाफ लड़ण खात्तर लिकड़ आए, अर उसकै खात्तर जाळ लगाया; अर वो उनके खोद्दे होए खड्डे म्ह फँस ग्या। 9फेर वे उसकै नकेल डालकै अर कठघरे म्ह बन्द करकै बाबेल के राजा कै धोरै लेगे, अर गढ़ म्ह बन्द करया, के उसका बोल इस्राएल के पहाड़ी देश म्ह फेर सुणाई ना देवै।”
10“तेरी माँ जिसतै तू पैदा होया, वो किनारे पै लाग्गी होई दाखलता की तरियां थी, अर ढुंघे पाणी के कारण फळां अर डाळियाँ तै भरी होई थी। 11प्रभुता करण आळयां के राजदण्डां कै खात्तर उस बेल म्ह मोट्टी-मोट्टी डाळी थी; अर उसकी ऊँचाई इतणी होई के वो बादळां के बीच ताहीं पोहची; अर अपणी घणी सारी डाळियाँ समेत घणीए लाम्बी दिखाई पड़ी। 12तोभी वा बेल जळजळाहट कै गैल उखाड़ कै धरती पै गिराई गई, अर उसके फळ पुरवाई हवा के लागण तै सूखगे; अर उसकी मोट्टी डाळी टूटकै सूखगी; अर वे आग तै भस्म होगी। 13इब वो जंगळ म्ह, बलके निर्जल देश म्ह लगाई गई सै। 14उस बेल की डाळियाँ की टह्णीयाँ म्ह तै आग लिकड़ी#19:14 आग लिकड़ी सिदकिय्याह अबीमेलेक की तरियां उसकी प्रजा का विनाशक अर काब्बू करण आळा था।, जिसतै उसके फळ भस्म होगे, अर प्रभुता करण के लायक राजदण्ड कै खात्तर उस म्ह इब कोए मोट्टी डाळी ना रही।”
योए विलापगीत सै, अर यो विलापगीत बण्या रहवैगा।
Attualmente Selezionati:
यहेजकेल 19: BGC
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
