Sakaria 2
2
Ala Bɔnu Bɔtɛdi Bɔkɛnku Ala Bɔkɔku Kabuli
1Uwi ɔmɛni kemmo ni, lɛ́nu ka ukyuli ɔdi ɔda kabuli kani na baakɔ́ku ala. 2Mmɔ na líye-nwu nnini, “Wɛ na ésela?”
Amu na údie kenye ɔnini, “Ntákɔku Yerusalem na lɛnu-nwu bune ku bɔbɛbɛ.”
3Na uwi ɔmmɔ kemmo ni, Katɔti ɔtu ɔni nnye mɔɔtɛmiku-mi mmɔ ɔ́bla aani bɔgyu na ɔda kani na ɔtu ɔbambadi ɔ́si úbalɛ-nwu kudɔ, 4na ɔ́su-nwu ɔnini, “Babla na asu ukyuli ɔni nda kabuli kammɔ anii ɔmii ɔdi biala ɔɔɔdubo Yerusalem bɔsia, ɔsika bekyuli ku bebuo badubo bumomo butulo-nwu ɔni na awodu muedi aaadubo bɔdia bɔtu bɔmana-nwu. 5Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”
6Unwoti ɔ́su nwuna bekyuli ɔnini, “Bikeli na bɛtɔlɔ kalɔ kani nkya katɔ kakɛ mmɔ kemmo kesii kani na lígyingya-mii lɛ́kya na lɛƒɛnyi ine bɔmmɔ. 7Bɛtɔlɔ Babilon kalɔ lɛlɔ na bɛbla binwini bibo Sion.”
8Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla. 9Anwuɔsu ɔdubo amii lɛnɔ budie bute na bina kabla bablane badubo-mii bukpoku na beyu-mii ala batɔlɔku. Na ɔmmɔ ɔdubɔya na bɛnu-nwu bɛti ka Unwoti Ɔyikune Ƒui nátala-mi.”
10Amii Sion ɔma unengudi bekyuli, bidie lɛnu na bɛdi limeyi! Ɔsika Unwoti úse kenye ka ɔdubo ubelieku-mii. 11Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ. 12Na Yuda lɛnɔ ɔdubunwini kalɔ kedee kammɔ kakɛ kadi, na Yerusalem ɔsɔ unwini Unwoti ɔma unengudi ɔƒunadi ɔmmɔ. 13Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.
Attualmente Selezionati:
Sakaria 2: lef
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.