I Versetti Biblici più popolari da रोमियो 3

Condividi

क्यूंकै सगळौ पाप कियो है अर परमेसर री महिमा ऊं दूर है। परमेसर री दया ऊं सगळौ नै फोगट में पाप मुगति रौ वरदान मिळियौ है, क्यूंकै यीसु मसीह नै सगळौ रौ उद्धार कियो है।

यानि, परमेसर री वो धारमिकता, जिकौ यीसु मसीह माथै विसवास करणै ऊं सगळा विसवास करणैवाळौ रै लियै है, बिना किणी भेदभाव रैह।

परमेसर यीसु मसीह नै, उणमे विसवास रै जरियै पापों ऊं छुटकारो दिलानै रै लियै, लोगां नै दियौ। उणै ओ कांम यीसु मसीह रै बलिदान रै रूप मे कियो। ऐड़ौ ओ साबित करनै रै लिए कियो की परमेसर सहनसील है क्यूंकै परमेसर पैला लोगां रै उणौरै पापों रौ डंड दियै बिना छोड़ दिया हा। बल्कि इण वगत उणरी धारमिकता परगट हो, की जिण ऊं वो आप ही धरमी ठैरै, अर जिकौ यीसु माथै विसवास करै उणरौ भी धरमी ठैरानेवाळौ हो।

व्यवस्था रै कांमां ऊं कोई प्राणी उणरै सांमै धरमी नीं ठैरैला, क्यूंकै व्यवस्था रै जरियै सिरफ पाप री पिछांण ही करावै है।

ज्यौ पवितर सास्तर में लिख्योड़ौ है, “कोई धरमी कोनीं, एक भी कोनीं। कोई समझदार कोनीं, कोई परमेसर नै सौध नै वाळौ कोनीं। सगळा भटक गिया है, सगळा रा सगळा निकमा बणग्या है, कोई भलाई करणैवाळौ कोनीं, एक भी कोनीं।

इण वास्तै म्हौ इण परिणाम ऊपर पूगा हो, की मिनख व्यवस्था रै कांमां रै बिना विसवास रै जरियै धरमी ठैरै है।

बल्कि परमेसर साचौ अर हरैक मिनख झूठौ ठैरै, ज्यौ पवितर सास्तर में लिख्यौ है, “जिण ऊं थूं अपणी बातां में धरमी ठैरै अर न्याव करते वगत थूं जय पावै।”