I Versetti Biblici più popolari da रोमियो 1

Condividi

म्हैं सुभ संदेस रै वास्तै सरमाऊ कोनीं, क्यूंकै उणमे पैला यहूदी अर पछै यूनानी रै वास्तै, उणमे हरैक विसवास करणवाळौ नै उद्धार रै लियै परमेसर री सामरथ है।

क्यूंकै सुभ संदेस में परमेसर री धारमिकता विसवास ऊं अर विसवास रै लियै परगट होवै है, ज्यौ पवितर सास्तर में लिख्योड़ौ है, “विसवास ऊं धरमी जन जीवतौ रैला।”

जद ऊं संसार री रचना होई उणरा बिना देख्यां गुण, अनत ताकत अर परमेसर रौ स्वभाव साफ साफ दिखाई दैवै है, क्यूंकै उण चीजों ऊं वे पूरी तरैह जांणी जा सकै है, जिकौ परमेसर नै रची। इण वास्तै लोगां रै खनै कोई बहानो कोनीं।

इण कारण की परमेसर नै जांणनै भी उणौ परमेसर रै लायक बड़ाई अर धन्यवाद नीं करयौ, पण फालतू विचार करनै लागा, एठै तांई की उणौरौ गेलो मन घोरअंधारै जैड़ौ हो गियौ।

क्यूंकै उणौ परमेसर री हकीगत नै बदळनै झूठ बणा दी, अर सिस्टी री उपासना अर सेवा की, न की उण सिस्टी रचनेवाळै परमेसर री, जिकौ हमेसां धन्य है। आमीन।

परमेसर रौ कोप तो उण लोगां रै सगळै पाप अर बुराई माथै सरग ऊं परगट होवै है, जिकौ हकीगत नै बुराई ऊं दबाए राखै है।

इण वास्तै परमेसर उणौनै भूंडी कामनाओ रै वस में छोड़ दिया, एठै तांई की उणौरी लुगाईयां हकीगत व्यवहार री बजाय गळत व्यवहार राखणै लागी। व्यौंही मिनख भी लुगाईयां रै साथै हकीगत व्यवहार छोड़नै आपस में कामातुर होयनै जळण लागा, अर मिनखौ नै मिनखौ रै साथै भूंडा कांम करनै लागा, अर उणौनै अपणै भूंडै कांम रौ फळ भी मिळण लागौ। अर जद उणौ परमेसर नै पिछांण नै ऊं मना कर दी, तो परमेसर उणौनै कुबुद्धि रै हाथो सौंप दिया। अर ऐ ऐड़ा भूंडा कांम करनै लागा जिकौ नीं करणा चाहीजै हा।

वे अपणै आप नै बुद्धिमान समझता हा बल्कि मूरख हा। वे लोग अविनासी परमेसर री महिमा नै नासवान मांनखै, पंखैरूओ, अर पसुओ, अर रेंगनेवाळा जीवो री मूरतों री समानता में बदळ दिया।