I Versetti Biblici più popolari da Romanos 13

Condividi

Ha me xawac' yu'untayex te Cajwaltic Jesucristo, ma me xanopic spasel mulil te ya smulan spasel te abaq'uetalique.

Ma me ayuc mach'a ay abetic yu'un, ha nax me abetic te c'ux yac awa'iy abahique, como te mach'a c'ux ya ya'iy ta yo'tan te spat-xuhc, hich hu'em yu'un spasel te bin ya yal te Ley

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

Te sc'uxul-o'tanil ma ba ya spasbe te bin chopol te spat-xuhc; ha yu'un te sc'ohtesel ta pasel te Ley, ha te sc'uxul-o'tanile.

Tojahic me spisil teme ay mach'atic ay abetic yu'un: teme ha patanil, a'beyahic; teme ha spatanil biluc, a'beyahic; te mach'a ay ta ich'el ta cuenta, ich'ahic me ta cuenta; te mach'a ay ta ich'el ta muc', ich'ahic me ta muc'.