I Versetti Biblici più popolari da ሮሜ 14

Condividi

ጾ̈ሳ̇ ካ̈ቲቲንዳ ጌ̈ሻ ኣያ̈ናባራ ቤንቲ̇ዝ ጺሊ̇ቲባዝ፥ ሳሪቲ ባዝኬ ኡፋይስባዝዶ̈ኬ ሙ̈ንትባዝኬ ኡሽ̇ ባዝ ጊዳካ̇ዬ። ዪኒፌ̈ኖ ጎይባራ ክርስቶ̈ሳብ ኦ̈ዝ ኣሲ ጾ̈ሳ̇ ኡፋይሲ̈̇ሬ፤ ኣሳ ቲ̈ናር ቦንቺ̈ንቲ̇̈ሬ።

ኑ̈ኒ ሼምፓባራ ዶኤጌይንዶ ጎዳ̈ብ ዶኢ̈ሬ፤ ዓይቄ̇ጌይንዳሬ ጎዳ̈ብ ዓይቂ̇̈ሬ፤ ዪ̈ኮታ̇ቦ ኑ̈ኒ ሼምፓባራ ዶኢናሬ ዓይቂ̇ናሬ ኑ̈ኒ ጎዳ̇̈ዬ።

ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

ዪኒ̇ኮታ̇ቦ ኑ̈ኒ ዓኒ̇ፖ ጌዳ ፔታ̇ና ፔታ̇ና ጋልዳ ፊርዳ̇ዚን ኣሺ̇ስቶ̇። ኦ̈ናካር ማ̈ቂ̇ን ሜላ̈ ና̈ሳቦ ፊ ማ̈ቂ̇ዝ ባዝ ኦ̈ፖጋ̈ቤ።

“ ‘ታ̈ኒ ሼምፓባሮ̈ዳ፤ ኣሲ ዎይሲ ቴ ቲ̈ን ቡቂንቲ̇̈ሬ፤ ቴ ጾ̈ስ ማ̈ቂ̇ኖን ፌ ኖ̈ናባር ማርኪቲ̈ሬ’ ጌይሬ ጾ̈ሲ̇” ጋ̈ር ጻ̈ፊንቲ̇ኔ። ዪዚ ኑ̈ኒ ኑ ቆሚ̇ን ቆሚ̇ን ኑ ኦ̈ኖ ባዚምቦ ጾ̈ሳ̇̇ ቲ̈ን ሺ̈ቃር ማልሳ ኢሚ̈̇ሬ።

ኢ ኣማ̇ኒን ሊ̈ቅ ማ̈ቂ̇ኖ ና̈ሳ ዪንታ̇ ጋርታ̇ ኢያ ኤኪ̇ብትዶኬ ኢ “ዓና̇ ኮሼ፥ ዓና̇ ኢ̈ቴ” ጌዪ ቆፓ̇ዝ ቆፊን ጋልዳ ዋች ዲንፒ̇ቴ።

ኣሳ ኣሽካራ ጋልዳ ፊርዲ̇ዛ ኔ ኦ̈ኖ? ኢ ኤቂ̇ናሬ ኬዲ̇ናሬ ፌ ላ̈ቦ። ጾ̈ሲ̇ ኢያ ኤሳ̇ንዳቦ ዳንዳኢዛኮታቦ ሚ̈ጛር ኤቂ̈̇ሬ።