I Versetti Biblici più popolari da Jakobe 1

Condividi

Vanathu, yi woneni i di mhaka ya kutsakisa ngutu, amukelani ngu mbilu yo tsaka sotshe siduko si mi si manako, ngu kuziva ti to txiduko txa likholo lanu, txi ninga kuhonisela.

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Aniko, ta laveka ti to kuhonisela ku txi veka mthumo wo hetiseka, kasi ku mi txi maneka mi di vathu vo hetiseka, vo lulama, mi si nga ni txisolo ni txa tximwetxo.

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Kha ditshuri, ngako m'thu a txi lumbela kuengisa dipswi asi di mahi, a fana ni m'thu wu a wonako khohe yakwe ya mtumbuluko amu ka txibuko; a ti wonile, e khukha e tsula, a txi kuluveta e divala ati a nga zumbisa tona.

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Ni wammweyo a dukwako, a nga thuke a txi khene: “Txiduko txangu txi ta ngu ka Txizimu,” nguko Txizimu kha txi na kusikota kudukwa ngu wubihi, se kambe kha txi duki m'thu. Aniko, m'thu ni m'thu a dukwa ngu kunavela kwakwe ko biha, ku m'ndindako, ku txi mu yisa kubihani.

Mwanathu wu a ku wusiwanani, a na tsake ngako a txi guletwa.