I Versetti Biblici più popolari da Eƒesoƒuɔ 6

Condividi

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Biti Katɔti ala ani ƒui na úte-mii bɛkya aani ukpone adala ani mɔɔgyumana-nwu na bɛkana binye bitile ukisine ɔmmɔ kakwɛ kekpidi biala.

Ɔmɛni ɔsu ni, bɛkya Katɔti adala ani mɔɔgyumana lɛlɔ mmɔ ƒui, kalɛ na bɛkana na binye kpakplaa na limeyi lɛni na likpidi lɛdi lɛdubɔsiaku-mii lɛlɔ. Na ɔmmɔ kama ni, binye kpakplaa uwi ƒui.

Ɔmɛni kama ni, biti bina bɔƒɔtaadi bɛda kɔnu aani bina lɛgyumanala. Ɔsika amu ndubo-mii bɔgyumana si ukisine ɔmmɔ ɔɔtu nwuna ɔkɔ ala taalɛ-mii aani kɔtaminta kɔni mɔɔda ogya. Na biti bina ngba bɔƒɔ bibi lili aani kekpo kabwa na biti Katɔti litemi lɛni nse aani kewii kani na Katɔti Kɔyu kuute-mii bɛda kɔnu kɔkladi.

Anwuɔsu binye kagyumana na biti Katɔti litemi geen binwini aani kabuli bɛda kavobi, na biti lɛlɔ bɔbla siin binwini aani lɛgyumanala bɛbala kayi. Na binye kagyumana na biti keyi buɛɛ litemi buni lɛmmɔ bɔsu binwini aani agbanvuo bɛkya lɛgba.

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Na ɔda bubo bɔni mɔɔsu bɔnii, “Bu ƒ'ɔti ku ƒ'ini” ni, bɔdi budeedi bɔni ndanku linyese. Búsie anumi bɔnii, “Kalɛ na keyi kayɔku-ɔ na elie ngba gyɔlɔɔ na kalɔ lɛlɔ mɛni.”

Amii bebi bɛbu bina bawɔne na Kristo ulu lɛlɔ, ɔsika ɔmɛni ndi lɛla lɛbuni lɛni na ɔlɛka bɛbla.