Efeso 5
5
1ANYIN a wale hnu ju öbun hoton Khong, helâ me je wanakat a oûnykûminy; 2ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong. 3Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap; 4helâe minya ûjao, ke ûhnenamoiny monu, ke ûhiö, wale ke ta je ûnyi ae ca ûcû, ke so bi ole. 5Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong. 6Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling. 7Anyin a wale ca he öbun ka hanen hwakecidra; 8anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam, 9(anyin a haba wan melam, hwakecin ae so hia, ke hwakecin ae wisa me hnathu), 10ke elâm dʼ öbun ûnyi hnân osenyinâ Than; 11ke ca hnyi hanen öbun ta je huliwa hnyi menekholom ae ba wan, ke so bi he ka thawâ; 12anyin a haba ta je ûnyi adre me ânyâ duöngâ, me hnân ohmehma he ka ûsabö. 13Ke haba melam, me wale at ame omanenâ ta je ûnyi hia adre thawâ: anyin ae manen hia hnen e. 14Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u. 15Anyin a wale, wâ wia ûhebun, ca he bi ka helâ me tavat ae monu, ke so bi helâ me tavat ae metâ; 16ke oûnyihnathoâ ta je ûen, anyin ae kong ta je bong. 17Anyin a wale, ca hwen monu bi öbun, ke wâ ûnykûme weny Than. 18Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu; 19ke ûhnenamö thʼ Öbun hnyin ta je salamo, me ta je khumöng, me ta je fehuainy hanu, ke khumöng dö me senyin hnyi je hnyekubun ka Than; 20ke ole bala ju ta je ûnyi hia ka Khong hnyi ien Tuhöta Iesu Keriso; 21ke ûlingköu öbun ju hnyi ot ka Keriso.
22Omomo lö, long ju hoton laöiöbun, helâ me ka Than. 23Anyin a ban momo baga, helâ me Keriso a ban ekalesia, ke e thibi omelen unyin. 24Ke haba hwakecin hna long hoton Keriso hnen ekalesia, me so e helâe minya omomo ka laöiödra hnyi ta je ûnyi hia. 25Obaga lö, betenge ju ka laöiöbun, helâ me hnen Keriso hna betenge ge ekalesia, ame ka bâm e bi hobi kâu e; 26me me he ka okâbâ, me ânyâwia ge hna hneû hnyi köiö hnen hofuc, 27me me he ka hom kâu bi ekalesia ae hmanenang, ae ba hnyikongon me ca hwehweti me ke ûnyi helâe: ke ame he ka kap me ba hnyikongon. 28Helâe hamen obaga he ka betenge ge laöiödra helâ me ka je unyidra bi. Haba baga at ame betenge ge âiân, e ame ka betenge bi kâu; 29anyin ae ba bala bi at ame hociâ unyin bi; ke ame hân me tuö e, ke helâe Keriso ka ekalesia; 30anyin a öta ang je ong outhunyin Keriso. 31Anyin a wale, ame he baga ka hna but kamen me hinyen, me kece ka âiân, me me khaca thibi unyidru. 32Ûnyi e ae iyong hmonyin: ke oge me ha ge Keriso me ekalesia. 33Ke so bi e so öbun e ve betenge ge laöiöbun helâ me öbun bi; ke haba momo e so e ame he minya ka ogânâ baga.
Valið núna:
Efeso 5: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society