Efeso 4
4
1ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin, 2me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö; 3ke hwege ju öbun he ka tha hnyok tot hnyi Hanu hnyi wen ûsoköu. 4Khaca thibi unyin, ke khaca thibi Hanu, helâ me hnödra hna hawʼ öbun hnyi geju a khaca waleji adre hawʼ öbun ka hnyin; 5khaca thibi Than, ke khaca thibi labageju, ke khaca thibi bapataiso, 6khaca thibi Khong, ke e Kamen hia, ke hon hia, ke unyin hia, ke eû hnyin hia. 7Ke adre me ve ham köta ibetengiö baû hoton tulutiny bwihlany anyin Keriso. 8Anyin a wale, e ame ha, ka habe,
Hnyi ûen e ame ölö thö goranyai, me e ame lelo aten hwenbâ ka hnyi bâ,
Kʼ ame ham ta je bwihlany ka tavat.
9(Ke ieû bongon ang, ka habe, E ame ölö thö? ca walang ang a ga utut minya ka hnyi ta je dok ae hnyikânâ eang hmeledrany? 10Ke haba at ame utut, me wale thibi e at ame ölö ethö hon ta je drany hia, me me he ka ounöngötâ hia.) 11Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne; 12hnân he ka owisa wakap, me he ka hom hadruâ huliwa, me he ka op tavat goranyai unyin Keriso: 13ke ne o but ate me o bia ka hnyi tha hnyok hnyi labageju, me wâhmakhmetoâ Nokon Khong, ka hnyi at hnathu but, ka hnyi tulutiny ûganiny unöngötiny Keriso: 14mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono; 15ke so bi köta he ka ha hofuc ae hnathu hnyi ibetengiö, me me he ka kû thö kâu hnyi ta je ûnyi hia, wale thibi ban, a Keriso; 16ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.
17Anyin a wale inya oge me ha me ohnatho ge Than, a öbun e ca he hmetu ka he helâ me Aten ke je hnyei, tavat adre me he hoton je hnyekudra ae ba onyen, 18adre me olidrâ je ûnykûmenödra, me atkanyua but ge ûhomeli anyin Khong anyin ae ca khanʼ ödra, anyin adre ohnâkâ je hnyekudra; 19ke adre me ca hmehma hmetu bi, me adre me hnʼ ödra but ka hnyi weny ae monu, he ka ânyâ ta je ûnyi hia ae ikiki me hwen hmiâ. 20Ke öbun e ca ûne unyi Keriso be ka helâe; 21öbun e ne long kâu, me ûne unyin helâ me hnathu unyi Iesu: 22mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac; 23me ohâtʼ öbun hmetu hnyi ûnykûmenen je hnyekubun, 24me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.
25Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at. 26Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin: 27ke ca bi hnen minya ka diabolo. 28Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc. 29Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long. 30Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli. 31Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia: 32ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.
Valið núna:
Efeso 4: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Efeso 4
4
1ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin, 2me hnyok ae hnyikânâ ke menyik, me hokhnyok ae beû hmâ, me ve hokhnyok bi hnyi ibetengiö; 3ke hwege ju öbun he ka tha hnyok tot hnyi Hanu hnyi wen ûsoköu. 4Khaca thibi unyin, ke khaca thibi Hanu, helâ me hnödra hna hawʼ öbun hnyi geju a khaca waleji adre hawʼ öbun ka hnyin; 5khaca thibi Than, ke khaca thibi labageju, ke khaca thibi bapataiso, 6khaca thibi Khong, ke e Kamen hia, ke hon hia, ke unyin hia, ke eû hnyin hia. 7Ke adre me ve ham köta ibetengiö baû hoton tulutiny bwihlany anyin Keriso. 8Anyin a wale, e ame ha, ka habe,
Hnyi ûen e ame ölö thö goranyai, me e ame lelo aten hwenbâ ka hnyi bâ,
Kʼ ame ham ta je bwihlany ka tavat.
9(Ke ieû bongon ang, ka habe, E ame ölö thö? ca walang ang a ga utut minya ka hnyi ta je dok ae hnyikânâ eang hmeledrany? 10Ke haba at ame utut, me wale thibi e at ame ölö ethö hon ta je drany hia, me me he ka ounöngötâ hia.) 11Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne; 12hnân he ka owisa wakap, me he ka hom hadruâ huliwa, me he ka op tavat goranyai unyin Keriso: 13ke ne o but ate me o bia ka hnyi tha hnyok hnyi labageju, me wâhmakhmetoâ Nokon Khong, ka hnyi at hnathu but, ka hnyi tulutiny ûganiny unöngötiny Keriso: 14mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono; 15ke so bi köta he ka ha hofuc ae hnathu hnyi ibetengiö, me me he ka kû thö kâu hnyi ta je ûnyi hia, wale thibi ban, a Keriso; 16ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.
17Anyin a wale inya oge me ha me ohnatho ge Than, a öbun e ca he hmetu ka he helâ me Aten ke je hnyei, tavat adre me he hoton je hnyekudra ae ba onyen, 18adre me olidrâ je ûnykûmenödra, me atkanyua but ge ûhomeli anyin Khong anyin ae ca khanʼ ödra, anyin adre ohnâkâ je hnyekudra; 19ke adre me ca hmehma hmetu bi, me adre me hnʼ ödra but ka hnyi weny ae monu, he ka ânyâ ta je ûnyi hia ae ikiki me hwen hmiâ. 20Ke öbun e ca ûne unyi Keriso be ka helâe; 21öbun e ne long kâu, me ûne unyin helâ me hnathu unyi Iesu: 22mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac; 23me ohâtʼ öbun hmetu hnyi ûnykûmenen je hnyekubun, 24me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.
25Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at. 26Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin: 27ke ca bi hnen minya ka diabolo. 28Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc. 29Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long. 30Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli. 31Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia: 32ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society