Efeso 2
2
1KE e ame omeli öbun, hnyi ûen öbun e mok can hnobun hna hanyâûâ me hulo, 2waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling; 3ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:— 4ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta, 5waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö), 6ke ame tha otilʼ öta hmetu thö më, me tha olabʼ öta hnyi ta je dok ethö hnyi drany ûnyi ge Keriso Iesu: 7me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu: 8anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong: 9ca ûnyi ge huliwa, wâ e nye he ke at ka hobelöû. 10Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.
11Anyin a wale ûnykûme ju a öbun Aten ke je hnyei adrem ûnyi hnyi unyin, kʼ adre wenyi öbun, ka habe, Wacaperitom, hnen tavat adre me wenyö, ka habe, Waperitomonâ hnyi unyin, kʼ adre ânyâ ge hnyam; 12ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany. 13Ke walang ang, haba öbun hnyat ae sâkâu ehac, me unyi Keriso Iesu adre me oûhakekenyi öbun ûnyi ge dren Keriso. 14Anyin a e thibi anyita ûsoköu, waleji at ame khaca li at a lo, kʼ ame kia hak hnyi wanben, wale singiny uma, 15kʼ ame ohia hnen hing unyin iwahnaihmiony, wale hnanyibu adre me hûna, a ta je hwakecin adre otilâ; me me he ka op ûnyi ge li at a lo ke at a teb ûnyi, me me hu ûsoköu bi; 16me me he ka oûsoköu ödru me Khong ûnyi ge unyin a khaca, deny satauro, kʼ ame ohia iwahnaihmiöny hnen e: 17waleling me me o me khetâ ûsoköu köbun a öbun sâkâû, ke ûsoköu ka tavat minya a ödra hakekeny: 18ke hu but gata hia ûnyi gan gethen ka Kamen ûnyi ge Hanu a khaca. 19Anyin a wale ca je atkanyua hmetu bi Öbun, ke aten ke ta je hnyei bi, ke so bi ta je aten hnyei tha öbun me wakap, ke aten lap bi anyin Khong, 20ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso; 21kʼ adre me ve thaûhûjâköuâ ta je uma hia ûnyi gan, me ogöranyâ hnân uma kap unyin Than; 22ke adre tha up öbun minya më hnân umen Khong ûnyi ge Hanu.
Valið núna:
Efeso 2: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Efeso 2
2
1KE e ame omeli öbun, hnyi ûen öbun e mok can hnobun hna hanyâûâ me hulo, 2waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling; 3ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:— 4ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta, 5waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö), 6ke ame tha otilʼ öta hmetu thö më, me tha olabʼ öta hnyi ta je dok ethö hnyi drany ûnyi ge Keriso Iesu: 7me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu: 8anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong: 9ca ûnyi ge huliwa, wâ e nye he ke at ka hobelöû. 10Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.
11Anyin a wale ûnykûme ju a öbun Aten ke je hnyei adrem ûnyi hnyi unyin, kʼ adre wenyi öbun, ka habe, Wacaperitom, hnen tavat adre me wenyö, ka habe, Waperitomonâ hnyi unyin, kʼ adre ânyâ ge hnyam; 12ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany. 13Ke walang ang, haba öbun hnyat ae sâkâu ehac, me unyi Keriso Iesu adre me oûhakekenyi öbun ûnyi ge dren Keriso. 14Anyin a e thibi anyita ûsoköu, waleji at ame khaca li at a lo, kʼ ame kia hak hnyi wanben, wale singiny uma, 15kʼ ame ohia hnen hing unyin iwahnaihmiony, wale hnanyibu adre me hûna, a ta je hwakecin adre otilâ; me me he ka op ûnyi ge li at a lo ke at a teb ûnyi, me me hu ûsoköu bi; 16me me he ka oûsoköu ödru me Khong ûnyi ge unyin a khaca, deny satauro, kʼ ame ohia iwahnaihmiöny hnen e: 17waleling me me o me khetâ ûsoköu köbun a öbun sâkâû, ke ûsoköu ka tavat minya a ödra hakekeny: 18ke hu but gata hia ûnyi gan gethen ka Kamen ûnyi ge Hanu a khaca. 19Anyin a wale ca je atkanyua hmetu bi Öbun, ke aten ke ta je hnyei bi, ke so bi ta je aten hnyei tha öbun me wakap, ke aten lap bi anyin Khong, 20ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso; 21kʼ adre me ve thaûhûjâköuâ ta je uma hia ûnyi gan, me ogöranyâ hnân uma kap unyin Than; 22ke adre tha up öbun minya më hnân umen Khong ûnyi ge Hanu.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society