Vinsæl biblíuvers úr Matayo 6

Deildu

Pele amusaangune kuyandaula Bwami bwaLeza abululami bwakwe, elyo zintu ezi zyoonse mulaziyungizizigwa azyalo.

Nkaambo kaako mutalibilikili zyajunza, nkaambo bwajunza bulalibilikila bwini. Buzuba bwasunu bulizulide mapenzi aabo bwalo.

Nkaambo kaako ndamwaambila kuti, Mutalibiliki kubuumi bwanu, kuti, Tukalyenzi? Tukanywenzi? nikuba kumibili yanu kuti, Tukasamenzi? Sa buumi tabwiindi zilyo, awalo mubili sa tuuindi zyakusama?

Webo ciindi ncokomba, njila mucimpetu cako, ulijalile kumulyango, ukombe kuli-Uso uuli kumbali, lino Uso uubonena kumbali uzookulumbula.

Mbuboobu mbumweelede kukomba: Taateesu ooli kujulu, Alilemekwe izina lyako, Abuze Bwami bwako, Alucitwe luyando lwako, Ansi ano mbubonya mbuli kujulu.

Utupe sunu zilyo nzitubula

Utulekelele milandu yesu, mbubonya mbuli mbutubalekelede aswe bali amilandu kulindiswe

Utatweenzyi mukutepaulwa, Utuvune kumubi, Nkaambo Bwami mbubwako, anguzu abulemu, mane kukabe kutamani. Ameni.

Nkaambo mwalekelela bantu milandu yabo, alakwe Usowanu uuli kujulu ulamulekelela anywe

Amulange bayuni bakujulu, nkaambo tababyali, tabatebuli, tabayoboli mumatala, nekubaboobo Usowanu uuli kujulu ulabasanina. Sa inywe tamuyandiki kwiinda mbabo?

Mutaliyobwedi lubono ansi ano, mpaabisya mapempya ankalaya, ababbi mpobatulula kuti babbe. Amuliyobwede lubono kujulu, nkwaatabisyi mapempya ankalaya, ababbi nkubatatululi kuti babbe. Nkaambo lubono lwako nkulubede, nkukonya oko nkuubede moyo wako

Taakwe muntu uukonzya kumanina bami bobile milimo, nkaambo ulasula umwi, ulayanda umwi, na ulakakatila umwi, ulasampaula umwi. Tamukonzyi kubelekela Leza antoomwe alubono.

Lino Leza kuti kasamika boobo mani aamusokwe, aaliko sunu pele junza alasowelwa muciko, sa takaindi loko kumusamika anywebo nuba­ silusyomo-luniini.

Pele webo, ciindi ncoabila bantu zipo, ijanza lyako lyacimwensi litazibi mbulicita lyalulyo, kuti zipo zyako zibe kumbali, lino Uso uubonena kumbali uzookulumbula.

Amucenjele kuti mutaciti milimo yanu iiluleme kumeso aabantu kuti mweebelwe ambabo. Mwacita boobo, tamukwe bulumbu kuli Usowanu uuli kujulu.

Alimwi, ciindi ncomuliimya kulya, mutabi mbuli basikuupaupa ameso, nkaambo balo balaungumana, balabisya masyu aabo, kuti baboneke kubantu mbubaliimya kulya, Ncobeni ndamwaambila kuti balijene kale bulumbu bwabo. Pele ciindi ncoliimya kulya webo, unanike mutwe wako akusamba kumeso aako, kuti kuliimya kwako kutaboneki kubantu pele kuli-Uso uuli kumbali, lino Uso uubonena kumbali uzookulumbula.