Vinsæl biblíuvers úr Matayo 5

Deildu

Alimwi bantu nibamunika ilampi tabalibiki munsi lyalusuwo, pe, balalibika acibikilo kuti limunikile boonse bali muŋanda, Mbubonya obo mumuni wanu umunike kunembo lyabantu, kuti babone milimo yanu mibotu, balemeke Usowanu uuli kujulu.

Ndinywe mumuni wanyika. Munzi uuyakidwe atala acilundu tuukonzyi kusiswa.

Bali acoolwe abo basalala mumyoyo, nkaambo bazoobona Leza.

Bali acoolwe abo bafwa inzala yabululami anyota yambubo, nkaambo bazookuta.

Mebo ndamwaambila kuti, Amuyande basinkondonyoko, amubakombele bamupenzya

Bali acoolwe bacete mumuuya, nkaambo Bwami bwakujulu mbubwabo.

Bali acoolwe basikutontozya, nkaambo bazootegwa bana ba-Leza.

Bali acoolwe abo balila, nkaambo bazooumuzigwa.

Bali acoolwe abo bapenzegwa nkaambo kabululami, nkaambo Bwami bwakujulu mbubwabo.

Bali acoolwe beetelezi, nkaambo mbabonya bazooetelelwa

Inywe muli acoolwe nibazoomutukila akumupenzya akumutamikizya zintu zibi zyoonse zyakubeja nkaambo kandime. Amukondwe akusekelela, nkaambo bulumbu bwanu bwakujulu mbupati, nkaambo mbubonya obo mbubakapenzya basinsimi ibakali kunembo lyanu.

Bali acoolwe abo balibombya, nkaambo bazoovuba nyika.

Ndinywe munyo wanyika, pele munyo kuti wasampuka, ulungwe buti? tuucikwe milimo pele kusowegwa buyo akulyataulwa abantu.

Nkaambo kaako amulondoke mbuli Usowanu uuli kujulu mbwalondokede.

Kwaamba kwanu akube, Ii, ii, na Pe, pe, nkaambo zyoonse ziyungizigwa zilazwa kumubi.

Mwakamvwa mbukwakaambwa kuti, Liso kuliso, lino kulino. Mebo ndamwaambila kuti, Utamutonteeki muntu mubi, pele muntu umwi aumwi uukuuma isaya lyalulyo, umusandwide limwi alyalo.

Nkabela kuti liso lyako lyalulyo lyakulebya, uligwisye, ulisowe, nkaambo kulakubotela kuti ufwidwe cipanzi comwe kwiinda kusowelwa mu-Gehena mubili wako woonse. Alimwi kuti ijanza lyako lyalulyo lyakulebya, ulikosole, ulisowe, nkaambo kulakubotela kuti ufwidwe cipanzi comwe kwiinda kusowelwa mu-Gehena mubili wako woonse.