Vinsæl biblíuvers úr ROMANOS 14

Deildu

Bra nu Ndiose lka ndloo la ꞌñaan, siꞌi ska nan nu nchkuan, ska nan nu koꞌoan nu ndloo la ꞌñaan; nu ndloo la ꞌñaan lka chaꞌ kanun Tyiꞌi Ndiose niꞌ kasiya ꞌñaan, chaꞌ ka suꞌwe kasiya ꞌñaan chabiyaꞌ ꞌin Jesús. Kanꞌ chaꞌ ka tyiꞌin tiin tian lo chalyuu, ka suꞌwe ka tiyean loꞌo Ndiose; nchga chaꞌ kanꞌ ka bra nu Ndiose ka ndloo la ꞌñaan. Bra kanꞌ suꞌwe xuꞌwi tiye Ndiose ñaꞌan Ni ꞌwan; kwiꞌ ngwañaꞌan, kuꞌni tnun nten chalyuu ꞌwan, si kuꞌni wan nchga tñan nu ngwaꞌu Krixtu ꞌñaan.

chaꞌ kaan tñan ꞌin Ndiose, kanꞌ chaꞌ ndiꞌian lo chalyuu. Loꞌo bra nu ndiꞌin chaꞌ kajaan, chaꞌ ꞌin Ndiose lka bra kanꞌ, chaꞌ chabiyaꞌ ꞌin Ndiose lkaan, ni siya ti luꞌuan, ni siya wa ngujwian.

Suꞌwe sikwa. Taꞌaan ndiꞌin chaꞌ tsaa naan ñaꞌan nu tyiꞌin suꞌwean loꞌo taꞌa nten nan, ñaꞌan nu ka tayaanꞌ ꞌin taꞌa ntean, chaꞌ suꞌwe tyiꞌian loꞌo Krixtu

Ja chkwiꞌ wan chaꞌ chen ñaꞌan ꞌin tñan nu ngiꞌni ska neꞌ taꞌa msñi wan chaꞌ ꞌin Jesús sikwa. Nde ñaꞌan kuꞌni wan ni. Ja ta wan tyempu ꞌin neꞌ taꞌa wan chaꞌ kuꞌni neꞌ chaꞌ kuxi siꞌya wan.

Nde ndiya ska chaꞌ nu ykwiꞌ Ndiose nu ndukwa lo kityi kula: Ndiose luꞌu lkaǎn, ndukwin Ni, loꞌo ndiꞌin chaꞌ tyuun xtyinꞌ nchga nten tloǔn la seꞌen ndukwaǎn, chaꞌ katsaꞌ ñi neꞌ loꞌo taꞌa neꞌ chaꞌ naꞌ lkaǎn Ndiose Sti neꞌ. Kanꞌ chaꞌ taꞌaan ndiꞌin chaꞌ xkwean ꞌin Ndiose bra nu tiya tsan kanꞌ, nchga chaꞌ sa ñaꞌan nu yꞌnian kwenta skaan ti bra nu yaan lo chalyuu re.

Suꞌwe ti chkwiꞌ wan loꞌo ska nten taꞌa msñian chaꞌ ꞌin Jesús, nu ti ji ka biyaꞌ suꞌwe tiꞌ chaꞌ kanꞌ; ja xuun wan loꞌo neꞌ kanꞌ siꞌya ska chaꞌ nu ja nchka biyaꞌ suꞌwe tiꞌ neꞌ.

Ja suꞌwe si chkwiꞌ wan chaꞌ kuxi ꞌin xka la nten taꞌa msñian chaꞌ ꞌin Ni. Ndiose lka Xꞌnan neꞌ, siꞌi chaꞌ ꞌwan ndiꞌin neꞌ kanꞌ; chabiyaꞌ ꞌin Ndiose lka nchga tñan nu ngiꞌni neꞌ kanꞌ, ni siya chaꞌ suꞌwe ngiꞌni neꞌ, ni siya chaꞌ xaꞌan ngiꞌni neꞌ. Kwiꞌ ngwañaꞌan, ja ka ꞌa chaꞌ kuxi ꞌin neꞌ kanꞌ siꞌya nan nchku neꞌ, chaꞌ loꞌo neꞌ kanꞌ yten neꞌ chaꞌ ꞌin Xꞌnaan; kwiꞌ ngwañaꞌan, suꞌwa yaꞌ Ni ꞌin neꞌ kanꞌ, chaꞌ tyiꞌin suꞌwe neꞌ lo chalyuu chabiyaꞌ ꞌin Ni.