Popular Bible Verses from माथ 6

Deildu

मेनखान उनियाक् राज आर सा़रियाक्‌ ञाम माड़ाङानपे, आदो नोवाको सानामे एम जुटुच्‌आपेया।

ओनाते गापा ला़गित् दो आलोपे दा़ँदिक्‌आ, एनते गापा दिनमा आच् रेयाक्‌गेये दा़ँदिक्, तेहेञ ला़गित् दो तेहेञाक् हारोनगे ढेरा।”

“ओना इया़तेञ मेतापेकाना, आपेयाक् जिवि ला़गित् आलोपे दा़ँदिक्आ, चेत्‌पे जोमा से चेत्‌पे ञुया; आर आपेयाक् होड़मो ला़गित् हों आलो, चेत्‌पे होरोक् बानदेया मेनते, जोमाक् खोन जिवि आर होरोक् बानदेनाक् खोन होड़मो चेत् बाङ माराङा?

मेनखान आमेम कोयजोङरे आमाक् भिता़रते बोलोक्‌मे, आर सिलपिञ सिञकाते ओकोरे मेनाय आ़पुम ठेन कोयजोङमे, आदो ओकोरे ञेञेलकानिच् आ़पुमे एमामा।

ओनाते आपे दो नोनका कोयजोङपे, “ए आलेरेन सेरमारे मेनाम बाबा आमाक् ञुतुम सोनोतोक्‌मा; आमाक् राज हिजुक्‌ताममा, आमाक् मोने चेत्‌लेका सेरमारे ओनकागे ओतरे हों होयोक्‌मा बाड़े

आलेयाक् जा़रुड़ जोमाक् तेहेञ एमालेम

आलेयाक् दोसको इका़कातालेम, चेत्‌लेका आले हों आलेयाक् दोदोसकोले इका़कात्‌ताको

बिडा़उरे आलोम आदेरलेया, मेनखान बा़ड़िच्‌ खोन बाञचावलेम। एनते राज आर दाड़े आर ठोनोक जायजुग हा़बिच् आमाक्‌गे, आमेन।”

एनते होड़कोवाक् घा़टकोपे इका़काताको खान आपेरेन सेरमा बाबा हों आपेयाक्‌ ए इका़कातापेया।

चोटरेन उडा़उक्‌ चेंड़ेंको बेङगेत्‌आकोपे बाको एरा, बाको इरा आर मुरा़इकोरे बाको सोंचजोङा एनरेहों आपेरेन सेरमा बाबाय एमाको काना, आपे दो ओनको खोन बाङ दो बापे सोरोस?

धा़रतिरे धोन आलोपे सोंचजोङा, ओकारे दो जा़ँरडि आर इजोक्‌ते बा़ड़िजोक् आर ओने ओकारे कोमबड़ो ओड़ाक् भुगा़क्‌कातेको कोमबड़ोय, मेनखान सेरमारे धोन सोंचजोङपे, ओने ओकारे बाङ दो जा़ँरडिक्‌ते आर बाङ दो इजोक्‌ते बा़ड़िजोक् आर ओने ओकारे कोमबड़ो हों बाको भुगा़ग आर बाको कोमबड़ोय। एनते ओकारे धोन मेनाक्‌तामा, ओंडेगे आमाक् मोन हों ताहेना।

“ओकोय हों बारया किसा़ँड़ ठेन ओहोय गुतिलेना, एनते मित् होड़ दोए कुरुदाया आर एटागिच् दोए दुला़ड़ेया, मित् होड़ ठेने जामाड़ोक्‌आ आर एटागिच् दोए नेङघावेया। इसोर आर धोन ठेन गुति ओहोपे खाटाव दाड़ेलेना।”

आदो तेहेञ मेनाक् आर गापा चुलहा़रे खादलेक् टा़न्डि रेयाक घाँस इसोर नोनकाय साजेत् खान आरतेत्‌गे चेत् आपे दो बाङ? ए नासेनासे पा़तिया़उक्‌को!

मेनखान आम दो कोयेम एमोक्‌रे, आमाक् लेङगा ति आलोय बाडायमा, आमाक् जोजोम ति चेत्‌ ए चेकायेदा मेनते, जेमोन आमाक् कोय एमोक् दो ओकोगे ताहेन, आर ओकोरे ञेञेलकानिच् आ़पुमे एम रुवा़ड़ाम।”

“मेन हुसिया़रोक्‌पे आपेयाक् भा़क्‌ला़इ का़मिको होड़को सामाङरे आलोपे का़मिया, ओनको ठेन ञेल ओचोक् ला़गित् दो, बाङ खान आपेरेन सेरमारे मेनाय बाबा ठेन कुड़ा़इ दो बा़नुक्‌तापेया।

आरपे उपा़सरे फा़सिया़राको लेका आलोपे मिरलुङोक्‌आ, एनते ओनको दो आकोवाक् मेंत्‌हाँको मिरलुङताकोवा, जेमोन होड़को ठेन उक्‌पा़सकानको उदुगोक्। सा़रिगेञ मेतापेकाना ओनकोवाक् कुड़ा़इ दोको ञाम होरायेदा। मेनखान आमेम उपा़सरे बोहोक्‌रे सुनुम ओजोगमे आर मेंत्‌हाँ आप् साफायताम, जेमोन होड़को ठेन दो बाङ, बिचकोम ओकोरे मेनाय आ़पुम ठेन उक्‌पा़स ञेलोक्, आर ओकोरे ञेञेलकानिच् आ़पुम कुड़ा़ये एमामा।