Popular Bible Verses from माथ 2

Deildu

आर ओड़ाक्‌रे बोलोकाते गिदरा़को ञेलकेदेया, मा़रिया़म ठेन, आर ओमबाक्‌कातेको सेवावादेया आर आकोवाक् मोटरा राड़ाकाते सोना, सोवानाक् धुप आर मुर सांदेसको सामाङादेया।

हेरोद राज ओकतेरे जिहुदा़ रेयाक् बेथलेहेमरे जिसुइ जानामेन खान, ञेलपे पुरुब खोन गोनोक होड़ जेरुसालेमते हेच्‌कातेको मेनकेदा, “ओकारे मेनाया जिहुदिकोरेन जानाम आकान राज दो? एनते उनिरेन इपिल पुरुबरेले ञेलआकादेया, आर उनि सेवावाय ला़गित् ले हेच्‌ आकाना।”

आदो उनि इपिलको ञेलकेदेते आ़डि आँटको रा़सका़येना।

आर हेरोद ठेन आलोको रुवा़ड़ा मेनते कुकमुते इसोर खोन चेहावकाते एटाक् होरते आकोवाक् दिसा़मतेको रुवा़ड़ चालावेना। आदो ओनकोको चालावेन खान, ञेलपे प्रोभुरेन मित्‌टेन दुत कुकमुते जोसेफ ठेने ञेल ओचोयेना आरे मेतादेया, “मा बेरेत्‌मे गिदरा़ आर एङगाततेत् सोतोक्‌किनते मिसोर दिसा़मते दा़ड़मे आर आ़उरिञ मेताम हा़बिच् ओंडे बाड़े ताहेनमे, एनते हेरोद दो गिदरा़ गोजे ला़गित् ए सेंदरा ला़गिदोक् काना।”