Popular Bible Verses from யோவான் 10

Deildu

திருடனோ திருடவும் கொல்லவும் அழிக்கவும் வருகின்றான்; நானோ, அவர்கள் வாழ்வடையும்படியாகவும், அதை அவர்கள் நிறைவாய் பெற்றுக்கொள்ளும்படியாகவும் வந்தேன்.

“நானே நல்ல மேய்ப்பன்; நல்ல மேய்ப்பன் செம்மறியாடுகளுக்காகத் தன் உயிரைக் கொடுக்கின்றான்.

எனது செம்மறியாடுகள் என் குரலைக் கேட்கின்றன. நான் அவற்றை அறிந்திருக்கின்றேன். அவை என்னைப் பின்பற்றுகின்றன.

நான் அவைகளுக்கு நித்திய வாழ்வைக் கொடுக்கின்றேன். அவை ஒருபோதும் கெட்டழிந்து போவதில்லை. ஒருவராலும் அவற்றை என்னுடைய கைகளிலிருந்து பறித்தெடுக்கவும் முடியாது.

நானே வாயில்; என் வழியாய் உள்ளே போகின்றவன் எவனோ, அவன் இரட்சிக்கப்படுவான். அவன் சுதந்திரமாய் உள்ளே வந்தும் வெளியே சென்றும் தனக்குரிய மேய்ச்சலைப் பெற்றுக்கொள்வான்.

“நானே நல்ல மேய்ப்பன்; நான் என் செம்மறியாடுகளை அறிந்திருக்கின்றேன். என்னுடைய செம்மறியாடுகள் என்னை அறிந்திருக்கின்றன.

அவற்றை எனக்குக் கொடுத்த என்னுடைய பிதா, எல்லோரைப் பார்க்கிலும் மிகவும் பெரியவர்; அவற்றை என் பிதாவின் கையிலிருந்து ஒருவராலும் பறித்துக்கொள்ள முடியாது. நானும் பிதாவும் ஒன்று” என்றார்.

பிதா என்னை அறிந்திருப்பது போல நானும் பிதாவை அறிந்திருக்கின்றேன், நான் செம்மறியாடுகளுக்காக என் உயிரையும் கொடுக்கின்றேன்.

என் உயிரை ஒருவரும் என்னிடமிருந்து பறித்துக்கொள்வதில்லை. என் சுயவிருப்பத்தின்படியே நான் என் உயிரைக் கொடுக்கின்றேன். அதைக் கொடுக்கவும் எனக்கு அதிகாரம் உண்டு; அதைத் திரும்பப் பெற்றுக்கொள்ளவும் எனக்கு அதிகாரம் உண்டு. இந்த கட்டளையை நான் என் பிதாவிடமிருந்து பெற்றுக்கொண்டேன்” என்றார்.

எனவே இயேசு மீண்டும் அவர்களிடம், “நான் உங்களுக்கு உண்மையாகவே உண்மையாகவே சொல்கின்றேன், செம்மறியாடுகளுக்கு வாயில் நானே.

கூலிக்காக மேய்ப்பவனோ செம்மறியாடுகளின் உரிமையுள்ள மேய்ப்பன் அல்ல. எனவே அவன் ஓநாய் வருகின்றதைக் காண்கின்றபோது, செம்மறியாடுகளை விட்டுவிட்டு ஓடிப் போகின்றான். அப்போது ஓநாயானது மந்தையைத் தாக்கி, அதைச் சிதறடிக்கிறது.

மேலும் இயேசு, “நான் உங்களுக்கு உண்மையாகவே உண்மையாகவே சொல்கின்றேன், செம்மறியாட்டுத் தொழுவத்திற்குள் வாயில் வழியாய் உள்ளே போகாமல், வேறு வழியாய் ஏறி உள்ளே வருகின்றவன் திருடனும் கொள்ளைக்காரனுமாய் இருக்கின்றான்.