Popular Bible Verses from Rɔm 6

Deildu

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Sii baraa pàã ba re boe ka la doo wa, a giala, dí-pɛn bie ka mìi-n doo wa, Lawa a bǐɛ̃baa n ka mìi ni.

Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Ka doamaa-n ka n taasɛ ka dinin sii ganaa bɛa yɔrɔ goon kɛ lɛ la. Ka n ká gã sii baraa wɔ a paǹ li, sɛnɛ, ka bɛ́ kun Yezu Krita nɛ, ka yii n koo Lawa a lɛa.

Wɔ n die pii mà wàa kəni? Wɔ n die sii baraa zɛnɛɛ wɔ wo-n nyɛɛnɛ, màn mɛn bɛ́ toɛ, Lawa a bǐɛ̃baa mɔnaa? Haayii dɛ! Wɔsɛn man goon kanna ka geren ne, sii baraa wɔ a paǹ li. Wàa n die toɛ wɔ sii baraa zɛnaa doo?

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ. Lawa bɛ́ á ka si sii baraa la, sisia ka ǹ ká a din a bɛ̀rɛn baa, màn mɛn bɛ́ toɛ, ka a dùũ siin zɛnaa.