Popular Bible Verses from KUHALAWA 2

Deildu

Mulungu kahulika kugulila kumwao na kakumbukila kilagano chake na Ablaham, Isaka, na Yakobo. Avo Mulungu kawalola Waislaeli na kuyona migayo yao, na kuwonela bazi.

Vukibitile kipigiti kitali, mndewa wa Misili kadanganhika, ila Waislaeli wagendelela kugulila hasi ya zigo da unyakadala wao. Walila wozahila ija wa kuwataza, na kililo chao kim'vikila Mulungu.

Ija imwana viyakulile na kuleka kong'ha, ija imama wa imwana kamsola na kumbwezela mndele wa Falao, na ija imndele wa Falao kamtenda kuwa mwanage. Kamgwaa twaga dikemigwa Musa, kwavija kalonga, “Nimpata mgamazi.”

Ija imndele wa Falao kamulongela ija imama wa imwana, “Msole ino imwana ukanikong'hezele, abaho nokugwaa kitumetume chako.” Avo ija imtwanzi kamsola ija imwana na kumkong'heza.

Mndele wa Falao kahumuluka Kulwanda lwa Naili yoge, na watumigwa zake wakala wotembela mumgwazo wa ulwanda. Kachona ikigelo hagatigati ya imidete avo kamulagiza nyakadala wake wa kitwanzi yakakisole.

Musa viyakulile, zua dimwe kachola kuwakalile wanhu zake, kawalola vija viwakalile wosang'hanizwa sang'hano ndala. Kamona Mmisili yomtoa Mueblania, imwe wa wanhu zake mwenyego. Kalola kuno na kuno na kona haduhu munhu, kamkoma ija Immisili, na kumfisa mmisenga.