Popular Bible Verses from Dioni 10

Deildu

Pake nala꞉ halima꞉ta꞉ mo sipisipi ma꞉na꞉manu pake meata꞉ lia hoeyaaluekema꞉ ipilimipateta꞉ I̱ epolo ekita꞉ ikana꞉ma꞉ da꞉ta꞉la꞉eki muemena꞉yeke epolome. Tumba ula꞉ da꞉ta꞉la꞉eki kone muemena꞉yeke epolome.

I̱ta꞉ handa꞉ ma꞉na꞉ epeke tupa꞉ handeteke halo halie. Mo sipisipi ma꞉na꞉manu tamba꞉ muluekema꞉ yaka da꞉ta꞉la꞉eki hone na ulueke.

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

I̱ta꞉ pota꞉ kake halome. Hali epima꞉ I̱ pa꞉ta꞉ honda꞉ pamba epea꞉ka꞉na꞉ta꞉ koto halima꞉ da꞉ta꞉la꞉eki milieke. Kutupa mo halita꞉ tukiki nane pua꞉tiki hama꞉ nane a꞉pa꞉tiki pitolo hata꞉ epeke nemanu netiki pilieke.

I̱ta꞉ hande ma꞉na꞉ epeke tupa꞉ handeteke halo halie. Yaka Apa꞉ma꞉ I̱ handa꞉la꞉eki make I̱ma꞉ make yaka Apa꞉ handolo tupa꞉ I̱ma꞉ make yaka sipisipi ma꞉na꞉manu handolome. Kutupa yaka sipisipi ma꞉na꞉ manuma꞉ make I̱ handilimikie. Kutupa hande sipisipi ma꞉na꞉manu pa꞉ta꞉ hone witolo hata꞉ta꞉ yaka da꞉ta꞉la꞉eki alupaowa꞉ka꞉na꞉ta꞉ ana꞉ pilieke.

Yaka Apa꞉ma꞉ iki I̱ pa꞉ta꞉ kia꞉me. Kutupa yaka Apa꞉ make manda hata꞉ paeyao ankulala꞉me. Yaka Apa꞉ma꞉ miniki hala꞉ ekimanu hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me. Yaka Apa꞉ dikita꞉ homeke kone halopa꞉me leekeme.

I̱ta꞉ hande ma꞉na꞉ epeke tupa꞉ handeteke halo halie. Yaka Apa꞉ma꞉ I̱ handa꞉la꞉eki make I̱ma꞉ make yaka Apa꞉ handolo tupa꞉ I̱ma꞉ make yaka sipisipi ma꞉na꞉manu handolome. Kutupa yaka sipisipi ma꞉na꞉ manuma꞉ make I̱ handilimikie. Kutupa hande sipisipi ma꞉na꞉manu pa꞉ta꞉ hone witolo hata꞉ta꞉ yaka da꞉ta꞉la꞉eki alupaowa꞉ka꞉na꞉ta꞉ ana꞉ pilieke.

Hali ma꞉nda꞉ma꞉ yaka da꞉ta꞉la꞉eki hoeyaapeke na ya꞉la꞉pate yaka hone wia kone yaka hone pa꞉la꞉ ekina꞉ loa꞉me. I̱ma꞉ homeke ana꞉na꞉ kia pa I̱ma꞉ homeke ana꞉na꞉ paa mea꞉peke ya꞉la꞉me. Do ekita꞉ yaka Apa꞉ma꞉ pea꞉pekee la꞉la꞉ ekina꞉ loa꞉me.

Koto ekina꞉ Yesuma꞉ paa dupa leekeme. I̱ma꞉ iki pa꞉ta꞉ ota꞉ pi alome. I̱ta꞉ sipisipi ma꞉na꞉ manuna꞉ pota꞉ kake halome.

Mo yenki e poka꞉la꞉ somema꞉ pa ma꞉nda꞉na꞉ sipisipi ma꞉na꞉manu handeteke hawaaso hata꞉ mo tikene kika epea꞉ka꞉na꞉ta꞉ ipikita꞉ teke some dia꞉yalo hata꞉ mo ma꞉na꞉manu mina꞉pa꞉lao pindipa pelieke. Koto ekina꞉ mo tikene kikama꞉ hande ma꞉na꞉manu lu nea꞉ka꞉na꞉ta꞉ ta꞉ta꞉ ta꞉ta꞉ pea pindipa pelimikie.

Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hali epima꞉ mo sipisipi ma꞉na꞉manu ho̱linda꞉ pa꞉la꞉ pota꞉ kake pa꞉ta꞉ na peke pa pa꞉ta꞉ ponda꞉pa pea꞉ka꞉na꞉ta꞉ koto halita꞉ ta꞉ta꞉na꞉ alemanu muluekema꞉ pake nala꞉ halie.