Popular Bible Verses from Rom 11

Deildu

Aku agapɨm: God nuŋ ap akuyöbö magalɨg rɨ nɨgöŋ; ölɨsö nuŋ akwör ap piaku magalɨg mɨda; ap piaku magalɨg God wahax pɨ gɨr mɨjöña. Makwam, ib nuŋwa öim öim yadɨŋ bɨl sö duaŋ! Mag aliö akuyöbö aku mag waiö.

Makwam, nɨ nugula, God ap magalɨg nugwa; rɨb nuŋwa rɨb wä mɨda. God nuŋ mɨ rɨb wä yöx nugwön, nugw ibɨxön, mag aku keir ödöriö ra. God nuŋ rɨbyöx nugwön, ap al aliö cɨnö, rön, rɨb wä yöx nugw aku, nöbö i rɨb wä akuyöbö aliö mɨdöl. An God rɨb mag nuŋwa nugwön, nuŋ keir rɨ mag akuyöbö cɨnɨŋö, rön, röinɨŋ!

God Mönö aku kai kɨtön yadmä, “Nöbö Diba nuŋ mɨ rɨb wä yöx nugw aku, nöbö mö kai ñɨŋ rɨb aliar yöx nugwöi? Nöbö mö kai Nöbö Diba nugwo, ‘Nagö al aliö rö,’ cöñ?

Mag akuyöbö, God nöbö mö mɨ ögwö yöx aku mɨ, nuŋ anɨŋ nöbö mö Isrel mösör mɨdö bli ögwö yöxön yad nɨgmɨn mɨdöla. God anɨŋ ögwö yöxön pa aku, lo adaku rɨmɨdmɨŋ mönö ap bli keir rɨmɨdɨm nugwön pöl. Anɨŋ hör ögwö yöxön pö, rɨ rɨbyöx nugwöl aku, jɨ an ap i keir rɨmɨdɨm nugwön anɨŋ pöx aku, an aliö rɨbyöx nugwölölɨx.

Makwam God nuŋ bɨ olip löx pɨlö hödyöbö piaku pɨ bö gɨ abön, ñɨgö olip löx ki yöbö piaku pön hön nɨgliu pɨn nölɨm, nɨgliu pɨn nölön mɨdöia. Makwam mɨ, bɨ olip hödyöbö aku kömö mɨdön mögö röbö pɨm, löx yoŋyöbö piaku mɨd ri aba. Ñɨŋ bɨ löx hödyöbö blaku löx hör, me rön, rɨb aku yöx nugumɨjeñ. Ñɨŋ nugwöia, ñɨŋ bɨ löx yoŋyöbö aku röbö pön bɨ il aku nölölöi; bɨ il bö röbö pön ñɨgö bɨ löx yoŋyöbö mɨŋi nöla.