Popular Bible Verses from Galatians 3

Deildu

Uvagut pasiraugaluaqtilluta tuquruksrauvluta kamagilaił̣ł̣ugich God-im pitquraŋi, Christ tasuŋagaatigut pivḷugu ilaan uvagut tatavsausiaksraqput, qanuq Bible-ni aglausimaruq inna, “Pasirauruq tuquruksrauruġlu iñupayaaq kikiaktuurrauruaq napaaqtumun.”

Tavra iluqasi atausiŋŋuqatauŋaruasii Christ Jesus-mun, atirusi iluqasi. Allagiiŋitchut Jew-guruallu Greek-giḷḷu, kivgallu kivgauŋitchuallu, aŋutillu aġnallu, iluqaġmiŋ atirut.

Tavraasii pigimmasi Christ, Abraham kiŋuniġigaasi, suli ilaan kiŋuvaannaktigigaasi, kiŋuvaannaktaaġilugu unniqsuqłiisiaŋa.

Aasii taamna Christ Jesus pimmagu Jew-guŋitchuat annaurrauyumiñaqsirut ukpiġutikun Abraham-tun, aasiisuli ukpiġutikun aitchuusiaqallasivḷuta Ilitqusiġiksuamik unniqsuqłiisauŋaruamik.

Paŋmapak nalupqinaiqsuq iñupayaaq nalaunŋasiyumiñaisilaaŋanik sivuġaani God-im kamaginiḷugich pitqurat, qanuq aglausimaruq Bible-ni inna, “Iñuk ukpiġunmigun nalaunŋasirauruaq iñuuniaqtuq.”