Psalm 119:1-8

Ndi ihe nāgara nke-ọma ka ndi zuru okè n'uzọ Jehova bu,
Ndi nējeghari n'iwu jehova.
Ndi ihe nāgara nke-ọma ka ndi nēchebe ihe-àmà-Ya nile bu,
Ndi nēwere obi-ha nile chọ Ya.
E, ha emeghi ajọ omume;
N'uzọ-Ya nile ka ha nēje ije.
Gi onwe-gi ewerewo ihe-iriba-ama-Gi nye ayi n'iwu,
Ka ayi we debesie ha ike.
Ọ gādim nọ̄ nma ma asi na edoziwo uzọm nile
Idebe ukpuru-Gi nile!
Mb͕e ahu ihere agaghi-emem,
Mb͕e m'nēlegide anya n'ebe ihe nile I nyere n'iwu di.
M'gēwere obi ziri ezi kele Gi,
Mb͕e m'mutara ikpé nile nke ezí omume-Gi.
Ukpuru-Gi nile ka m'gēdebe:
Arapusilam arapu.