Ɛsitɛ́ɛ 7
7
È hu Hamáa
1Axɔ́sú ɔ́ kpó Hamáa kpó yi agɔ̌ ɖu gbé ɖo Ɛsitɛ́ɛ xwé azɔn wegɔ́ ɔ́. 2Azɔn wegɔ́ ɔ́ énɛ́ ɔ́ e yě yi ɔ́, hwenu e yě ɖo vɛ̌ɛn nu wɛ ɔ́, axɔ́sú ɔ́ lɛ́ kanbyɔ́ axɔ́si Ɛsitɛ́ɛ ɖɔ: “Étɛ́ a jlǒ ná byɔ́ mì? A byɔ́ nǔɖé ɔ́, un ná ná we. É ná bó nyí axɔ́súɖuto ce sín vlɔ̌ɖówe wɛ jló we ɔ́, un ná ná we.” 3Énɛ́ ɔ́, axɔ́si Ɛsitɛ́ɛ yí gbe n'i ɖɔ: “Sɛ́mɛɖó! Ényí nǔ ce nyɔ́ mɛ nukún mɛ hǔn, è hwlɛ̌n mì, bó hwlɛ́n togun ce gán; nǔ e un jló ná byɔ́ mɛ ɔ́ nɛ́; é nyɔ́ nukún mɛtɔn mɛ mɔ̌ hǔn, è xɔ mì ɖ'é mɛ. 4Đó è sa nyɛ kpó togun ce kpó, bɔ è nǎ vɔ mǐ; è nǎ gbo gbe mǐ; è nǎ sú kún mǐtɔn dó. Nú é ka nyí sa wɛ è sa mǐ bɔ mǐ nǎ nyí kannumɔ abǐ mɛsɛntɔ́ kpowun wɛ ɔ́, un ná kɛ nu ǎ, ɖó énɛ́ ɔ́ byɔ́ ɖɔ un ná dó ya nú mɛ ǎ.” 5Axɔ́sú Zɛ̌ɛzɛsi ka yí xó, bó kanbyɔ́ Ɛsitɛ́ɛ ɖɔ: “Mɛ̌ ká nyí mɛ e ɖo mɔ̌ ná wa wɛ é? Fítɛ́ mɛ ɔ́ ɖe?” 6Ɛsitɛ́ɛ yí gbe n'i ɖɔ: “Kɛntɔ́ mǐtɔn e ɖo ya dó nú mǐ wɛ ɔ́, Hamáa wɛ; nya dídá énɛ́ ɔ́ wɛ.” Ée Hamáa se mɔ̌ ɔ́, xɛsi jɛ jǐ tɔn ɖo axɔ́sú ɔ́ kpó axɔ́si ɔ́ kpó nukɔn. 7Xomɛ ka sin axɔ́sú ɔ́ ɖésú, bɔ é sí te sín fí e ɖu agɔ̌ ɔ́ ɖe wɛ yě ɖe é, bó yi cí folówakan mɛ ɖo hɔn ɔ́ mɛ. Hamáa ka cí fínɛ́ bó ɖo vo sa nú Ɛsitɛ́ɛ wɛ ɖɔ ní hwlɛ́n émí ɖo axɔ́sú ɔ́ sí, ɖó é mɔ ɖɔ axɔ́sú ɔ́ ná hu émí jɛ́n wɛ. 8Ée axɔ́sú ɔ́ lɛ́ kɔ sín dɔ̌n wá agɔ̌ ɔ́ tɛnmɛ ɔ́, é mɔ Hamáa ɖo zan e jí axɔ́si Ɛsitɛ́ɛ mlɔ́ ɔ́ bó ɖɔ: “Kan ná hwlɛ́n xá axɔ́si ɔ́ wɛ é ká ɖe ɖo xwé ce gbe ɖo nukún ce mɛ fí a?” Ée axɔ́sú ɔ́ ɖɔ xó énɛ́ ɔ́ tlóló ɔ́, è cyɔ́n avɔ nukún mɛ nú Hamáa, bó dó ɖe xlɛ́ ɛ ɖɔ è nǎ hu i. 9Agooɖojǐe lɛ́ɛ ɖokpó nɔ́ nyí Haabona; é ɖɔ: “Sɛ́mɛɖó! Hamáa ko kpa kpo ɖokpó ɖ'ayǐ ɖo xwé tɔn gbe, bó ná dó kan kɔ nú Maadocée dó kpo ɔ́ wu; Maadocée énɛ́ ɔ́, xó e é wá ɖɔ ɔ́ wɛ ká zɔ́n bɔ mɛ kpo ɖo gbɛ. Kpo ɔ́ ɖo te ɖo Hamáa sín hɔn nukɔn; ga tɔn nyí mɛ̌tlu koatɔ́n (25).” Énɛ́ ɔ́, axɔ́sú ɔ́ ɖɔ: “Mi yi dó kan kɔ nú Hamáa dó kpo énɛ́ ɔ́ wú.” 10Bɔ è dǒ kan kɔ nú Hamáa dó kpo e é kpa ɖ'ayǐ nú Maadocée ɔ́ wú; énɛ́ ɔ́, axɔ́sú ɔ́ sín xomɛ fá.
Nke Ahọpụtara Ugbu A:
Ɛsitɛ́ɛ 7: FONDC
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en langue fon © Alliance Biblique du Bénin, 2012.