مَرْخُوس 16
16
بُعاث عِيسَى المسيح
1وَكِتْ يَوْم السَّبْت كَمَّلْ، مَرْيَمْ الْمَقْدَلِيَّةْ وَ سَلُومَةْ وَ مَرْيَمْ أَمّ يَعْقُوبْ مَرَقَنْ وَ شَرَنْ رِيحَةْ أَشَانْ يُصُبَّنْهَا فِي جَنَازَةْ عِيسَى. 2وَ أَوَّلْ يَوْم فِي السُّبُوعْ، بَكَّرَنْ بِفَجُرْ بَدْرِي وَ وَصَّلَنْ فِي بَكَانْ الْقَبُرْ مَعَ طَلُوعْ الْحَرَّايْ. 3وَ قَاعِدَاتْ يِحَجَّنْ أَمْبَيْنَاتْهِنْ وَ يُقُولَنْ: «يَاتُو الْيِدَرْدِقْ لَيْنَا الْحَجَرْ الْكَبِيرْ مِنْ خَشُمْ الْقَبُرْ؟»
4وَ رَفَعَنْ رُوسَيْنهِنْ وَ شَافَنْ الْحَجَرْ مُدَرْدَقْ خَلَاصْ مِنْ خَشُمْ الْقَبُرْ. وَ الْحَجَرْ دَا كَبِيرْ بِلْحَيْن. 5وَ دَخَلَنْ فِي الْقَبُرْ وَ شَافَنْ مَلَكْ يِشَابِهْ صَبِي، لَابِسْ خَلَقْ أَبْيَضْ وَ قَاعِدْ تِحِتْ فِي نُصِّهِنْ الزَّيْنَايْ. وَ هِنَّ خَافَنْ مَرَّةْ وَاحِدْ. 6وَ هُو قَالْ لَيْهِنْ: «مَا تِبَرْجِلَنْ. إِنْتَنْ قَاعِدَاتْ تِفَتِّشَنْ عِيسَى الْمِنْ النَّاصِرَةْ، الْكَتَلَوْه فِي الصَّلِيبْ. هُو بَعَثْ خَلَاصْ! هُو مَا فِيهْ هِنِي! شِيفَنْ الْبَكَانْ الْأَوَّلْ رَقَّدَوْه فَوْقَهْ. 7وَ هَسَّعْ أَمْشَنْ لِتَلَامِيذَهْ وَ لِبُطْرُسْ وَ قُولَنْ لَيْهُمْ: ‹عِيسَى مَاشِي قِدَّامْكُو فِي دَارْ الْجَلِيلْ وَ هِنَاكْ تِشِيفُوهْ مِثِلْ هُو أَوَّلْ قَالَهْ لَيْكُو.›»
8وَ الْعَوِينْ مَرَقَنْ مِنْ الْقَبُرْ وَ جَرَنْ. وَ هِنَّ قَاعِدَاتْ يَرْجِفَنْ مِنْ الْعَجَبْ وَ الْخَوْف. وَ مَا حَجَّنْ بَيَّهْ لِأَيِّ نَادُمْ أَشَانْ هِنَّ خَايْفَاتْ.
المسيح بان لمَرْيَم
9وَ عِيسَى بَعَثْ فَجُرْ بَدْرِي فِي يَوْم الْأَحَدْ. وَ هُو بَانْ أَوَّلْ لِمَرْيَمْ الْمَقْدَلِيَّةْ وَ دِي الْمَرَةْ الْأَوَّلْ طَرَدْ مِنْهَا سَبْعَةْ شَوَاطِينْ. 10وَ هِي قَمَّتْ وَ حَجَّتْ بَيَّهْ لِرُفْقَانَهْ. وَ هُمَّنْ حَزْنَانِينْ وَ قَاعِدِينْ يَبْكُوا لَيَّهْ. 11وَ هِي أَوْرَتْهُمْ كَدَرْ عِيسَى حَيّ وَ هِي شَافَتَهْ وَ لَاكِنْ هُمَّنْ أَبَوْا مَا صَدَّقَوْا كَلَامْهَا.
المسيح بان لناسَيْن
12وَ بَعَدْ دَا، نَاسَيْن مِنْ التَّلَامِيذ مَاشِينْ فِي الْكَدَادَةْ وَ عِيسَى بَانْ لَيْهُمْ صُورْتَهْ شِقْ. 13وَ هُمَّنْ قَبَّلَوْا فِي الْمَدِينَةْ وَ أَوْرَوْا بَيَّهْ التَّلَامِيذ الْآخَرِينْ لَاكِنْ الْآخَرِينْ مَا صَدَّقَوْا بِكَلَامْهُمْ.
المسيح بان للإحْدى عشر
14وَ بَعَدَيْن عِيسَى بَانْ لِلتَّلَامِيذ الْإِحْدَى عَشَرْ وَكِتْ هُمَّنْ قَاعِدِينْ يَاكُلُوا. وَ هُو هَرَجَاهُمْ أَشَانْ مَا آمَنَوْا وَ قَوَّوْا رُوسَيْهُمْ وَ أَبَوْا مَا صَدَّقَوْا كَلَامْ النَّاسْ الشَّافَوْه بَعَدْ هُو بَعَثْ. 15وَ قَالْ لَيْهُمْ: «أَمْشُوا فِي كُلَّ الْأَرْض وَ بَلُّغُوا الْبِشَارَةْ لِكُلَّ النَّاسْ فِي كُلَّ بَكَانْ. 16وَ أَيِّ نَادُمْ الْيِآمِنْ بَيِّ وَ يِغَطُّسُوهْ، يَنْجَى. وَ أَيِّ نَادُمْ الْمَا يِآمِنْ بَيِّ، اللّٰهْ يِعَاقِبَهْ. 17وَ الْمُؤمِنِينْ يِسَوُّوا عَجَايِبْ. بِأُسْمِي يَطُرْدُوا شَوَاطِينْ وَ يِحَجُّوا بِلُغَّاتْ جُدَادْ. 18وَ يَكُرْبُوا دَبِيبْ وَ كَنْ يَشَرْبَوْا شَرَابْ الْعِنْدَهْ سَمّ، مَا يِسَوِّي لَيْهُمْ شَيّءْ فَسِلْ. وَ يُخُطُّوا إِيدَيْهُمْ فِي الْمَرْضَانِينْ وَ الْمَرْضَانِينْ يَلْقَوْا الْعَافَيْ.»
المسيح أنْرفع في السماوات
19وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ. 20وَ تَلَامِيذَهْ مَشَوْا وَ بَلَّغَوْا الْبِشَارَةْ لِلنَّاسْ فِي أَيِّ بَكَانْ. وَ الرَّبّ عَاوَنَاهُمْ وَ أَنْطَاهُمْ عَجَايِبْ أَشَانْ يِثَبِّتْ الْبِشَارَةْ الْهُمَّنْ قَاعِدِينْ يِبَلُّغُوهَا. آمِينْ.
Nke Ahọpụtara Ugbu A:
مَرْخُوس 16: ع.د.ت19
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en arabe tchadien © Alliance biblique du Tchad, 2019
مَرْخُوس 16
16
بُعاث عِيسَى المسيح
1وَكِتْ يَوْم السَّبْت كَمَّلْ، مَرْيَمْ الْمَقْدَلِيَّةْ وَ سَلُومَةْ وَ مَرْيَمْ أَمّ يَعْقُوبْ مَرَقَنْ وَ شَرَنْ رِيحَةْ أَشَانْ يُصُبَّنْهَا فِي جَنَازَةْ عِيسَى. 2وَ أَوَّلْ يَوْم فِي السُّبُوعْ، بَكَّرَنْ بِفَجُرْ بَدْرِي وَ وَصَّلَنْ فِي بَكَانْ الْقَبُرْ مَعَ طَلُوعْ الْحَرَّايْ. 3وَ قَاعِدَاتْ يِحَجَّنْ أَمْبَيْنَاتْهِنْ وَ يُقُولَنْ: «يَاتُو الْيِدَرْدِقْ لَيْنَا الْحَجَرْ الْكَبِيرْ مِنْ خَشُمْ الْقَبُرْ؟»
4وَ رَفَعَنْ رُوسَيْنهِنْ وَ شَافَنْ الْحَجَرْ مُدَرْدَقْ خَلَاصْ مِنْ خَشُمْ الْقَبُرْ. وَ الْحَجَرْ دَا كَبِيرْ بِلْحَيْن. 5وَ دَخَلَنْ فِي الْقَبُرْ وَ شَافَنْ مَلَكْ يِشَابِهْ صَبِي، لَابِسْ خَلَقْ أَبْيَضْ وَ قَاعِدْ تِحِتْ فِي نُصِّهِنْ الزَّيْنَايْ. وَ هِنَّ خَافَنْ مَرَّةْ وَاحِدْ. 6وَ هُو قَالْ لَيْهِنْ: «مَا تِبَرْجِلَنْ. إِنْتَنْ قَاعِدَاتْ تِفَتِّشَنْ عِيسَى الْمِنْ النَّاصِرَةْ، الْكَتَلَوْه فِي الصَّلِيبْ. هُو بَعَثْ خَلَاصْ! هُو مَا فِيهْ هِنِي! شِيفَنْ الْبَكَانْ الْأَوَّلْ رَقَّدَوْه فَوْقَهْ. 7وَ هَسَّعْ أَمْشَنْ لِتَلَامِيذَهْ وَ لِبُطْرُسْ وَ قُولَنْ لَيْهُمْ: ‹عِيسَى مَاشِي قِدَّامْكُو فِي دَارْ الْجَلِيلْ وَ هِنَاكْ تِشِيفُوهْ مِثِلْ هُو أَوَّلْ قَالَهْ لَيْكُو.›»
8وَ الْعَوِينْ مَرَقَنْ مِنْ الْقَبُرْ وَ جَرَنْ. وَ هِنَّ قَاعِدَاتْ يَرْجِفَنْ مِنْ الْعَجَبْ وَ الْخَوْف. وَ مَا حَجَّنْ بَيَّهْ لِأَيِّ نَادُمْ أَشَانْ هِنَّ خَايْفَاتْ.
المسيح بان لمَرْيَم
9وَ عِيسَى بَعَثْ فَجُرْ بَدْرِي فِي يَوْم الْأَحَدْ. وَ هُو بَانْ أَوَّلْ لِمَرْيَمْ الْمَقْدَلِيَّةْ وَ دِي الْمَرَةْ الْأَوَّلْ طَرَدْ مِنْهَا سَبْعَةْ شَوَاطِينْ. 10وَ هِي قَمَّتْ وَ حَجَّتْ بَيَّهْ لِرُفْقَانَهْ. وَ هُمَّنْ حَزْنَانِينْ وَ قَاعِدِينْ يَبْكُوا لَيَّهْ. 11وَ هِي أَوْرَتْهُمْ كَدَرْ عِيسَى حَيّ وَ هِي شَافَتَهْ وَ لَاكِنْ هُمَّنْ أَبَوْا مَا صَدَّقَوْا كَلَامْهَا.
المسيح بان لناسَيْن
12وَ بَعَدْ دَا، نَاسَيْن مِنْ التَّلَامِيذ مَاشِينْ فِي الْكَدَادَةْ وَ عِيسَى بَانْ لَيْهُمْ صُورْتَهْ شِقْ. 13وَ هُمَّنْ قَبَّلَوْا فِي الْمَدِينَةْ وَ أَوْرَوْا بَيَّهْ التَّلَامِيذ الْآخَرِينْ لَاكِنْ الْآخَرِينْ مَا صَدَّقَوْا بِكَلَامْهُمْ.
المسيح بان للإحْدى عشر
14وَ بَعَدَيْن عِيسَى بَانْ لِلتَّلَامِيذ الْإِحْدَى عَشَرْ وَكِتْ هُمَّنْ قَاعِدِينْ يَاكُلُوا. وَ هُو هَرَجَاهُمْ أَشَانْ مَا آمَنَوْا وَ قَوَّوْا رُوسَيْهُمْ وَ أَبَوْا مَا صَدَّقَوْا كَلَامْ النَّاسْ الشَّافَوْه بَعَدْ هُو بَعَثْ. 15وَ قَالْ لَيْهُمْ: «أَمْشُوا فِي كُلَّ الْأَرْض وَ بَلُّغُوا الْبِشَارَةْ لِكُلَّ النَّاسْ فِي كُلَّ بَكَانْ. 16وَ أَيِّ نَادُمْ الْيِآمِنْ بَيِّ وَ يِغَطُّسُوهْ، يَنْجَى. وَ أَيِّ نَادُمْ الْمَا يِآمِنْ بَيِّ، اللّٰهْ يِعَاقِبَهْ. 17وَ الْمُؤمِنِينْ يِسَوُّوا عَجَايِبْ. بِأُسْمِي يَطُرْدُوا شَوَاطِينْ وَ يِحَجُّوا بِلُغَّاتْ جُدَادْ. 18وَ يَكُرْبُوا دَبِيبْ وَ كَنْ يَشَرْبَوْا شَرَابْ الْعِنْدَهْ سَمّ، مَا يِسَوِّي لَيْهُمْ شَيّءْ فَسِلْ. وَ يُخُطُّوا إِيدَيْهُمْ فِي الْمَرْضَانِينْ وَ الْمَرْضَانِينْ يَلْقَوْا الْعَافَيْ.»
المسيح أنْرفع في السماوات
19وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ. 20وَ تَلَامِيذَهْ مَشَوْا وَ بَلَّغَوْا الْبِشَارَةْ لِلنَّاسْ فِي أَيِّ بَكَانْ. وَ الرَّبّ عَاوَنَاهُمْ وَ أَنْطَاهُمْ عَجَايِبْ أَشَانْ يِثَبِّتْ الْبِشَارَةْ الْهُمَّنْ قَاعِدِينْ يِبَلُّغُوهَا. آمِينْ.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en arabe tchadien © Alliance biblique du Tchad, 2019