Sal 63
63
SALMO 63
A Dios tz'a'n stzaljc'ojlal 'anma'
Sb'it David jun tic yic 'ayc' 'a cusltac lum 'a yol yic Judá.
1Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.
2Tzin nib'j tzach wil 'a a cajnub', 'oj cham wal in c'ojl wiln a poder yet' a tzictznial.
3Yujto a 'a chamc'ojlal, yel xo wal niwn yel'ch 'a yib'n̈ in q'uinal. Yuj cha, 'oj ach in b'itnoc.
4Smasnil tiempo yic pitzn in, 'oj wal wach' paxti 'ayach, 'oj in moj q'ue in c'ab' 'ayach, yic 'oj in leslwi.
5Caw 'oj b'o in c'ojl 'icha junc mach tzyac' sgana sc'uxn junc tas caw wach'. Yet' wal in tzaljc'ojlal ax waln wach' paxti 'ayach.
6A 'a yic 'ac'wal, yic c'otninx 'eq'ui, tzach in nan coti, tzach 'ec' 'a in c'ojol.
7In a colo yujto 'ayn 'ec' 'a yaln̈ a poder, yuj cha, caw tzin tzalj 'a en̈l 'icha tzyac' no cotc caxtiln̈ 'a yaln̈ sc'axl snun.
8Caw wal junn̈j waj et'oc, quetzb'iln oj yet' a wach' c'ab'.
9Ax eb' tzin nib'n milnc chamoc, 'oj 'atcn eb' 'a yol sjul-l eb' chamnc 'anma';
10'oj milxc cham eb' yet' q'uen espada caw jay ye, ax no 'ocs 'oj chinc eb'.
11Palta an xo an reyn tic, 'oj wac' tzaljoc in c'ojl 'ayach. 'Oj b'itnc smasnil eb' tzb'inan a b'i 'a 'aj tzyac' eb' sti'. Ax eb' 'a'm 'es, sictac 'oj 'aj eb'.
Nke Ahọpụtara Ugbu A:
Sal 63: CSS
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia Chuj San Sebastian © Sociedades Bíblicas Unidas, 1999.