Sal 6
6
SALMO 6
Lesl yic niwc somc'ojlal
Sb'it David jun tic tzc'an eb' tzjucb'tzan b'it yet' arpa
1Mamin Jehová man̈ in a tumc yet' yowl a c'ojol, man̈ a'ch in yailal yet' yowl a c'ojol.
2'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.
3Caw 'ayn 'och 'a somc'ojlal. Ach xo Mamin, ¿b'a'n̈ tzwul in a colo'?
4Coln Mamin Jehová, coln yet' a chamc'ojlal.
5A eb' chamnc xo, matz tac' ach snan cot eb'. ¿Tom 'oj stac' ach sb'itnan cot eb'?
6Caw wal tz'el'ch wip woq'ui. Til wal woc' 'a junjn 'ac'wal, caw tzlojx 'el in c'an̈jolm yuj yal in sat.
7Smulyujoc eb' 'ajc'ojl yajch 'ayin, xmal yol in sat woq'ui, man̈xtzac stac' wilni.
8'Eln̈ec 'a in tz'ey ex tze b'o maysch'olnil, tox 'ix yab' Jehová woq'ui.
9Tox 'ix yab' in tew 'a 'a, 'ix schaj yab' in lesal.
10A eb' 'ajc'ojl yajch 'ayin, caw 'oj q'uixwc can 'el eb' yuj xiwlal. 'A jun mutz' satil ax s'atcn eb' 'elc 'a scal q'uixwc'ojlal.
Nke Ahọpụtara Ugbu A:
Sal 6: CSS
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia Chuj San Sebastian © Sociedades Bíblicas Unidas, 1999.