Sal 29
29
SALMO 29
A yipl yol sjaj Jehová
Sb'it David jun tic
1Ex ángel 'a satcha'an̈, ¡Alc wach' paxti 'a Jehová! ¡Alc wach' paxti 'a sb'i! Yujto tztac' yuj smasnil.
2¡Alc wach' paxti 'a Jehová! yujto smoj ton wal sb'inaxi. 'A'c 'emmquilal 'a scajnub' to wach' yilxi.
3Tz'ab'x yol sjaj Jehová 'a yib'n̈ a mar; a jun Dios to b'inab'il, a tz'a'n c'an̈ c'u 'a yib'n̈ a niwc mar.
4Caw wal 'ay yip yol sjaj Jehová, caw tzsat qui c'ojlec cab'ni.
5Tzlo'chj te c'ute' yuj yol sjaj Jehová, c'uxn tzlo'chj te c'ute 'a lum Líbano yu'uj.
6Tzya'n 'ib'xoc eb' lum jolmctac witzl yic lum Líbano yet' eb' lum yic Sirión. 'Icha to tzb'atj chan̈ eb' lum 'icha no quelm wacax.
7A yic tz'awj Jehová, caw tz'elt raya 'a yol sti'.
8A yol sjaj, a tz'a'n 'ib'xoc eb' lum cusltac lu'um; a tz'a'n 'ib'xoc lum cusltac lum 'a yol yic Cades.
9A yol sjaj cha, caw tzicb'tan̈x te mach' yu'uj, man̈x 'a junc xil te te tzcan 'a eb' lum witz yu'uj. Ax 'a yatut, caw tzalx wach' paxti 'a yuj eb' 'anma smasnil.
10A Jehová syajlil a niwc mar. Yajl yaj 'a jun 'ejmn̈ej.
11Tzyac' yip eb' schon̈ab', tzya'n syaxil yet' sjunc'ojlal 'a yib'n̈ eb'.
Nke Ahọpụtara Ugbu A:
Sal 29: CSS
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia Chuj San Sebastian © Sociedades Bíblicas Unidas, 1999.