1 Cr 25
25
Eb' tzb'itn*r* yet' jun tzo'n̈ yamc'ab'
1An̈jtona', a David yet' eb' syajlil eb' 'ay yopiso cha, a eb' 'ix si'n 'el eb' yin̈tl Asaf, Hemán yet' Jedutún, yic tzyaln 'el eb' spaxti Dios yet' jun tzo'n̈ yamc'ab' yic tz'och b'it 'a Dios, atn yet' arpa, salterio, yet' platillo. Atn slistail eb' winc 'aych 'a yopiso tic.
2'A scal eb' yunnal Asaf: atn Zacur, José, Netanías yet' Asarela. A mach tzjucb'tzan eb', atn Asaf, win smam eb', a tzaln 'el spaxti Dios 'a yic tzyaln win rey 'a 'a.
3'A scal eb' yunnal Jedutún, wacwn̈ sb'ey eb': atn Gedalías, Seri, Jesaías, Simei, Hasabías yet' Matatías. A mach tzjucb'tzan eb', atn Jedutún smam eb', a tzaln 'el spaxti Dios yet' jun tzo'n̈ arpa yic tz'och b'it yic tzalx yuj diosal yet' yic tzalx pax wach' paxti 'a Jehová.
4'A scal eb' yunnal Hemán: atn Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir yet' Mahaziot. 5Smasnil jun tzo'n̈ eb' tic, yunnal Hemán eb'. A Hemán cha, ya'mal snab'en win rey 'a jun tzo'n̈ tas yic Dios. 'Ix yac' Dios chan̈lajn̈wan̈ yunnal Hemán tic, yet' 'oxwn̈ yisil, yuj ya'n 'el'choc Dios sti ya'jnac 'a 'a, sec tz'ijx chan̈ sb'inab'ilal. 6Ax smasnil jun tzo'n̈ eb' cha, a smam eb' tzjucb'tzani yic tz'och b'it 'a yatut Jehová yet' jun tzo'n̈ yamc'ab', atn platillo, salterio yet' arpa yic tz'och 'emmquilal 'a Dios.
A Asaf, Jedutún yet' Hemán, 'aych eb' 'a yaln̈ schecnb'il win rey. 7A sb'isl eb' cuywnac 'a b'it yic tzb'itn eb' 'a Jehová, yet' eb' yican eb', 'ay 288 eb' 'a smasnil.
8Suerteal 'ix yutj eb' spojn 'ec' yopiso ya'w servil, tz'och eb' 'ichmtac winac, eb' quelem, eb' tzcuywji yet' eb' wanto scuywi.
9-31A yic 'ix 'el-l suerte eb', 'ixtc wal 'ix 'aj yel-l stzolil, win b'ab'el, masnto 'a win slajub', 24 macn̈ eb' 'a smasnil, yu'tacn̈ej sb'a eb', yunnaln̈ej pax sb'a eb', lajchwan̈ sb'ey eb' 'a junjn macan̈. A 'a scal eb' lajchwan̈ cha, ata 'ay junjn mach tzjucb'tzan eb', atn eb' tic: José, yin̈tl Asaf, Gedalías, Zacur, Izri, Netanías, Buquías, Jesarela, Jeshaías, Matanías, Simei, Azareel, Hazabías, Sebuel, Matatías, Jeremot, Hananías, Josbecasa, Hanani, Maloti, Eliata, Hotir, Gidalti, Mahaziot, yet' Romanti-ezer.
Nke Ahọpụtara Ugbu A:
1 Cr 25: CSS
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Biblia Chuj San Sebastian © Sociedades Bíblicas Unidas, 1999.