Mako 9
9
1Awo oYesu nʼayongera okubakoba ati, “Kambakobere amananu; abamwei oku bantu abali ani, tibalifa batakaboine Bukama bwa Kanca nibwizire nʼamaani.”
Okuyinduka kwa nyisana ya Yesu
(Mat 17:1-13; Luk 9:28-36)
2Ebiro mukaaga nibyayakairewo, oYesu nʼatwala oPeetero, oYakobo nʼoYokaana, nʼabeebembera, ni batemba olusozi olulai ni babbaayo bonkai. Awo enyisana yaamwe nʼeyinduka nibakubona. 3Ebizwalibwa byamwe ni biseryaserya, ni byera muno nga ndoowo mwozi gonze omwei oku nsi eyaakusoboire okubyerya okwenkana awo. 4Awo ni babona Eriya nʼoMusa nibakubaza nʼoYesu. 5Awo oPeetero nʼakoba oYesu, “Mukama waiswe, kakisai iswe okubba ani! Leka twomboke ebitinde bisatu: ekimwei kyamu, ekyakabiri kya Musa nʼekyakasatu kyʼEriya.” 6OPeetero okubaza atyo, yaali atacaalina byakubaza, kubba ye nʼabaira baamwe baali batiinire muno. 7Awo ekicu ni kiiza, ni kibasweka nʼekiituuru kyakyo, era eiraka ni ribazira omu kicu ekyo nti, “Oni niye Mwana wange ogwenyendya, mumuwuliirye” 8Amangu agote nibaarooreroore ni batabona muntu wondi ali na bo, okutoolaku oYesu yenkai. 9Awo nibaali bakusirimuka okuliga oku lusozi, oYesu nʼabakunkuniza ati, “Kyemuboine mutakikoberaku muntu wondi, okwica oMwana wa Muntu nalimala okuyimbooka.” 10Era boona ni bakwata kyabakobere, baitu ni beebuulya, “Nakobere ‘Kuyimbooka’ amanyisirye ki?” 11Awo ni bamubuulya, “Lwaki abeegesya bʼamateeka gʼaBayudaaya bakoba nti Eriya niye ateekerwe okwekeera okwiza?”#Mal 4:5-6 12OYesu nʼabairamu ati, “Nikyo, Eriya niye ateekerwe okwekeera okwiza leke ateekanize byona. Baitu lwaki kyawandiikiibwe nti oMwana wa Muntu ateekerwe okubonaabonesebwa omuno, era nʼokwegaanibwa? 13Ati kambakobere; Eriya yaizire irai, era abantu baamukooreku byebaayenderye byona byona, nkʼebyawandiikiibwe nibimubazaku.”
OYesu akutamba omwojo eyaaliku omuzumu
(Mat 17:14-21; Luk 9:37-43)
14Awo oYesu nʼabeegesebwa baamwe abasatu, nibaikire awaali abeegesebwa badi abandi, ni basanga ekibiina kyʼabantu ekikooto, nikibeeruguliirye, era abeegesya bʼamateeka ga Kiyudaaya nibakuwakana na bo. 15Abantu boona boona nibaaboine oYesu, amangu ago ni baizula okusemeerwa, ni bairuka okwaba egyali okumulamuca. 16Awo nʼabuulya abeegesebwa baamwe nti, “Kiki kyemukuwakana na bo?” 17Omwei oku bantu abaingi abaaliwo, nʼamwiramu ati, “Mwegesya, nakuleeteire omutaani wange, aliku omuzumu ogumugaana okubaza. 18Buli lwegumukwata, gumukubbirawo nʼafuukeera eifuro nʼanena amaino, era nʼakalambala. Nasabire abeegesebwa baamu okugumupekaku baitu ni balemwa.” 19OYesu nʼabairamu ati, “Bantu nywe, aba mulembe guni ogutalina kwikiriza, ndibba naanywe kwica di? Era ndibagumiikiirya kwica di? Omwojo mumundeetere.” 20Awo ni bamumuleetera. Omuzumu nigwaboine oYesu, amangu ago ni gutengeetya omwojo, ni gumunaga ansi, ni yeegalanzula, nga nimwo akufuukeera eifuro. 21OYesu nʼabuulya oite wa mwojo, “Amaare ibbanga ki nakwatiibwe omuzumu guni?” Ye nʼairamu ati, “Okuligira kimwei nacaali muto. 22Era emirundi gingi gumunaga omu muuro, oba omu maizi leke gumwite. Bairaba tukwatirwe ekisa, otujune niwaabba okusobola.” 23OYesu nʼamwiramu ati, “Okobere, ‘Niwaabba okusobola?’ Manya nti byona bisoboka omuntu nabba nʼokwikiriza.” 24Amangu ago oite wa mwojo nʼairamu nʼeiraka eryanguki nti, “Nkwikiriza, baitu njuna sebo okwikiriza kwange kuweemu okugulucaguluca.” 25OYesu niyaboine abantu abandi baingi nga boona bakwiza bairuka, nʼaboigoora omuzumu nti, “Muzumu we ogukibbubbu, era ogukiigara, nkukulagira omwojo muligeku, era otalimwiraku.” 26Awo nigwamaare okukokooma nʼokutengeetya omuno omwojo, ni gumuligaku, nʼabba nkʼafiire. Era abaingi ni bakoba nti, “Afiire” 27Baitu oYesu nʼamukwata oku mukono, nʼamwimula, era omwojo nʼayemeera. 28Oluzwannyuma, oYesu niyaingiire omu nyumba, abeegesebwa baamwe ni bamubuulya, “Iswe lwaki tutaasoboire kugumupekaku?” 29Ye nʼabairamu ati, “Ndoowo kindi kyemusobola kupekesya muzumu gwa ngeri gini oku muntu, okutoolaku okusaba#9:29 Ebiwandiiko ebimwei bikoba: okusaba nʼokusiiba. .”
OYesu akubaza omulundi ogwakabiri oku kufa kwamwe
(Mat 17:22-23; Luk 9:43b-45)
30OYesu nʼabeegesebwa baamwe nibaaligire awo, ni baakala omu Galiraaya, oYesu nʼatayendya muntu yeena yeena kumanya gyebali, 31kubba yaali akwegesya abeegesebwa baamwe nti, “OMwana wa Muntu akwiza kuweebwayo omu mikono gyʼabantu abaamwita, baitu nibamaare okumwita, waayakalawo ebiro bisatu nʼayimbooka.” 32Kini tibaakyetejerye, baitute nibatiina okumubuulya.
Akira okubba owa kitiinisya
(Mat 18:1-5; Luk 9:46-48)
33Awo oYesu nʼabeegesebwa baamwe ni baika e Kaperenawumu. Nibaamaare okwingira omu nyumba, oYesu nʼababuulya, “Mubbaire mukuwakana ku kiki omu muwanda?” 34Baitu bo ni basirika, kubba omu muwanda baali bakuwakana nibakwebuulya akira okubba owa kitiinisya omu bo. 35Awo oYesu nʼaikaara nʼayeta abeegesebwa baamwe eikumi nʼababiri, ni baiza waali nʼabakoba ati, “Buli ayendya okubba akwekeera, ateekerwe okubba akwereerayo omu boona boona, era ateekerwe okubba omuweereza wa boona boona.” 36Awo oYesu nʼayeta omwana omuto, nʼamuta akati waabwe. Nʼamuginga, nʼabakoba ati, 37“Buli atangiira omwana omuto nkʼoni oku lwange, abba atangiriire ninje. Yete buli antangiira, abba tatangiriire nje, baitu abba atangiriire oyo eyantumire.”
Atatulwanisya tabba muzugu waiswe
(Luk 9:49-50)
38Awo oYokaana nʼakoba oYesu ati, “Mwegesya, twaboine omuntu nakupeka emizumu oku bantu nakukolesya eibara ryamu, iswe ni tugezaku okumutangira, kubba ye ti mwegesebwa waamu.” 39OYesu nʼairamu ati, “Mutamutangira, kubba ndoowo asobola okukola ekyamaano omwibara ryange niyaakamalambe okumbazaku okubbi. 40Buli muntu atatulwanisya abba ku lwaiswe.#Mat 12:30; Luk 11:23 41Kambakobere amananu; buli abaweerya olutayo lwʼamaizi okunywa, olwa kubba muli ba Kurisito, mananu alifuna empeera yaamwe.
Ebyoyeerya abantu okukola ekibbi
(Mat 18:6-9; Luk 17:1-2)
42“Omuntu nakolesya omwei oku bato bani abannyikiriza ekibbi, ekyakusingire obusai nikwo okumubbwa eibbaale eriremeeri omu bica, anagwe omu nyanja. 43Era omukono gwamu nigukukolesya ekibbi, gutemeku. Akiri oingire omu bwomi obutawaawo noli wa mukono gumwei, okukira nosigalya emikono gyombi, baitu nʼonagibwa omu Geyeena, [44omuli omuuro ogutalikira, era omutawa magino.]#9:44 Ebiwandiiko ebimwei ebya irai tibirina lunyiriri luni (Bona olunyiriri 48). 45Oba okugulu kwamu nikukukolesya ekibbi, kutemeku. Akiri ofune obwomi obutawaawo noli mulema, okukira nosigalya amagulu gombi, baitu nʼonagwa omu omuuro ogutalikira, [46omuli omuuro ogutalikira, era omutawa magino.]#9:46 Ebiwandiiko ebimwei ebya irai tibirina lunyiriri luni (Bona olunyiriri 48). 47Oba eriiso ryamu nirikukolesya ekibbi, riiyemu. Akiri oingire omu Bukama bwa Kanca noli wa riiso rimwei, okukira nosigalya amaiso gombi, baitu nʼonagwa omu Geyeena, 48omuli omuuro ogutalikira, era omutawa magino. 49Buli muntu alisaayiribwa muuro nkʼekiwongwa nikisaayiribwa omuunyu. 50Omuunyu gwa mugaso, baitu nigujungulukuka, musobola mutyai okugwiryamu obuka bwagwo? Mubbe nʼomuunyu omu ngeso zaanywe, era mubbe bumwei.”
Nke Ahọpụtara Ugbu A:
Mako 9: RUULI-NYALA
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mako 9
9
1Awo oYesu nʼayongera okubakoba ati, “Kambakobere amananu; abamwei oku bantu abali ani, tibalifa batakaboine Bukama bwa Kanca nibwizire nʼamaani.”
Okuyinduka kwa nyisana ya Yesu
(Mat 17:1-13; Luk 9:28-36)
2Ebiro mukaaga nibyayakairewo, oYesu nʼatwala oPeetero, oYakobo nʼoYokaana, nʼabeebembera, ni batemba olusozi olulai ni babbaayo bonkai. Awo enyisana yaamwe nʼeyinduka nibakubona. 3Ebizwalibwa byamwe ni biseryaserya, ni byera muno nga ndoowo mwozi gonze omwei oku nsi eyaakusoboire okubyerya okwenkana awo. 4Awo ni babona Eriya nʼoMusa nibakubaza nʼoYesu. 5Awo oPeetero nʼakoba oYesu, “Mukama waiswe, kakisai iswe okubba ani! Leka twomboke ebitinde bisatu: ekimwei kyamu, ekyakabiri kya Musa nʼekyakasatu kyʼEriya.” 6OPeetero okubaza atyo, yaali atacaalina byakubaza, kubba ye nʼabaira baamwe baali batiinire muno. 7Awo ekicu ni kiiza, ni kibasweka nʼekiituuru kyakyo, era eiraka ni ribazira omu kicu ekyo nti, “Oni niye Mwana wange ogwenyendya, mumuwuliirye” 8Amangu agote nibaarooreroore ni batabona muntu wondi ali na bo, okutoolaku oYesu yenkai. 9Awo nibaali bakusirimuka okuliga oku lusozi, oYesu nʼabakunkuniza ati, “Kyemuboine mutakikoberaku muntu wondi, okwica oMwana wa Muntu nalimala okuyimbooka.” 10Era boona ni bakwata kyabakobere, baitu ni beebuulya, “Nakobere ‘Kuyimbooka’ amanyisirye ki?” 11Awo ni bamubuulya, “Lwaki abeegesya bʼamateeka gʼaBayudaaya bakoba nti Eriya niye ateekerwe okwekeera okwiza?”#Mal 4:5-6 12OYesu nʼabairamu ati, “Nikyo, Eriya niye ateekerwe okwekeera okwiza leke ateekanize byona. Baitu lwaki kyawandiikiibwe nti oMwana wa Muntu ateekerwe okubonaabonesebwa omuno, era nʼokwegaanibwa? 13Ati kambakobere; Eriya yaizire irai, era abantu baamukooreku byebaayenderye byona byona, nkʼebyawandiikiibwe nibimubazaku.”
OYesu akutamba omwojo eyaaliku omuzumu
(Mat 17:14-21; Luk 9:37-43)
14Awo oYesu nʼabeegesebwa baamwe abasatu, nibaikire awaali abeegesebwa badi abandi, ni basanga ekibiina kyʼabantu ekikooto, nikibeeruguliirye, era abeegesya bʼamateeka ga Kiyudaaya nibakuwakana na bo. 15Abantu boona boona nibaaboine oYesu, amangu ago ni baizula okusemeerwa, ni bairuka okwaba egyali okumulamuca. 16Awo nʼabuulya abeegesebwa baamwe nti, “Kiki kyemukuwakana na bo?” 17Omwei oku bantu abaingi abaaliwo, nʼamwiramu ati, “Mwegesya, nakuleeteire omutaani wange, aliku omuzumu ogumugaana okubaza. 18Buli lwegumukwata, gumukubbirawo nʼafuukeera eifuro nʼanena amaino, era nʼakalambala. Nasabire abeegesebwa baamu okugumupekaku baitu ni balemwa.” 19OYesu nʼabairamu ati, “Bantu nywe, aba mulembe guni ogutalina kwikiriza, ndibba naanywe kwica di? Era ndibagumiikiirya kwica di? Omwojo mumundeetere.” 20Awo ni bamumuleetera. Omuzumu nigwaboine oYesu, amangu ago ni gutengeetya omwojo, ni gumunaga ansi, ni yeegalanzula, nga nimwo akufuukeera eifuro. 21OYesu nʼabuulya oite wa mwojo, “Amaare ibbanga ki nakwatiibwe omuzumu guni?” Ye nʼairamu ati, “Okuligira kimwei nacaali muto. 22Era emirundi gingi gumunaga omu muuro, oba omu maizi leke gumwite. Bairaba tukwatirwe ekisa, otujune niwaabba okusobola.” 23OYesu nʼamwiramu ati, “Okobere, ‘Niwaabba okusobola?’ Manya nti byona bisoboka omuntu nabba nʼokwikiriza.” 24Amangu ago oite wa mwojo nʼairamu nʼeiraka eryanguki nti, “Nkwikiriza, baitu njuna sebo okwikiriza kwange kuweemu okugulucaguluca.” 25OYesu niyaboine abantu abandi baingi nga boona bakwiza bairuka, nʼaboigoora omuzumu nti, “Muzumu we ogukibbubbu, era ogukiigara, nkukulagira omwojo muligeku, era otalimwiraku.” 26Awo nigwamaare okukokooma nʼokutengeetya omuno omwojo, ni gumuligaku, nʼabba nkʼafiire. Era abaingi ni bakoba nti, “Afiire” 27Baitu oYesu nʼamukwata oku mukono, nʼamwimula, era omwojo nʼayemeera. 28Oluzwannyuma, oYesu niyaingiire omu nyumba, abeegesebwa baamwe ni bamubuulya, “Iswe lwaki tutaasoboire kugumupekaku?” 29Ye nʼabairamu ati, “Ndoowo kindi kyemusobola kupekesya muzumu gwa ngeri gini oku muntu, okutoolaku okusaba#9:29 Ebiwandiiko ebimwei bikoba: okusaba nʼokusiiba. .”
OYesu akubaza omulundi ogwakabiri oku kufa kwamwe
(Mat 17:22-23; Luk 9:43b-45)
30OYesu nʼabeegesebwa baamwe nibaaligire awo, ni baakala omu Galiraaya, oYesu nʼatayendya muntu yeena yeena kumanya gyebali, 31kubba yaali akwegesya abeegesebwa baamwe nti, “OMwana wa Muntu akwiza kuweebwayo omu mikono gyʼabantu abaamwita, baitu nibamaare okumwita, waayakalawo ebiro bisatu nʼayimbooka.” 32Kini tibaakyetejerye, baitute nibatiina okumubuulya.
Akira okubba owa kitiinisya
(Mat 18:1-5; Luk 9:46-48)
33Awo oYesu nʼabeegesebwa baamwe ni baika e Kaperenawumu. Nibaamaare okwingira omu nyumba, oYesu nʼababuulya, “Mubbaire mukuwakana ku kiki omu muwanda?” 34Baitu bo ni basirika, kubba omu muwanda baali bakuwakana nibakwebuulya akira okubba owa kitiinisya omu bo. 35Awo oYesu nʼaikaara nʼayeta abeegesebwa baamwe eikumi nʼababiri, ni baiza waali nʼabakoba ati, “Buli ayendya okubba akwekeera, ateekerwe okubba akwereerayo omu boona boona, era ateekerwe okubba omuweereza wa boona boona.” 36Awo oYesu nʼayeta omwana omuto, nʼamuta akati waabwe. Nʼamuginga, nʼabakoba ati, 37“Buli atangiira omwana omuto nkʼoni oku lwange, abba atangiriire ninje. Yete buli antangiira, abba tatangiriire nje, baitu abba atangiriire oyo eyantumire.”
Atatulwanisya tabba muzugu waiswe
(Luk 9:49-50)
38Awo oYokaana nʼakoba oYesu ati, “Mwegesya, twaboine omuntu nakupeka emizumu oku bantu nakukolesya eibara ryamu, iswe ni tugezaku okumutangira, kubba ye ti mwegesebwa waamu.” 39OYesu nʼairamu ati, “Mutamutangira, kubba ndoowo asobola okukola ekyamaano omwibara ryange niyaakamalambe okumbazaku okubbi. 40Buli muntu atatulwanisya abba ku lwaiswe.#Mat 12:30; Luk 11:23 41Kambakobere amananu; buli abaweerya olutayo lwʼamaizi okunywa, olwa kubba muli ba Kurisito, mananu alifuna empeera yaamwe.
Ebyoyeerya abantu okukola ekibbi
(Mat 18:6-9; Luk 17:1-2)
42“Omuntu nakolesya omwei oku bato bani abannyikiriza ekibbi, ekyakusingire obusai nikwo okumubbwa eibbaale eriremeeri omu bica, anagwe omu nyanja. 43Era omukono gwamu nigukukolesya ekibbi, gutemeku. Akiri oingire omu bwomi obutawaawo noli wa mukono gumwei, okukira nosigalya emikono gyombi, baitu nʼonagibwa omu Geyeena, [44omuli omuuro ogutalikira, era omutawa magino.]#9:44 Ebiwandiiko ebimwei ebya irai tibirina lunyiriri luni (Bona olunyiriri 48). 45Oba okugulu kwamu nikukukolesya ekibbi, kutemeku. Akiri ofune obwomi obutawaawo noli mulema, okukira nosigalya amagulu gombi, baitu nʼonagwa omu omuuro ogutalikira, [46omuli omuuro ogutalikira, era omutawa magino.]#9:46 Ebiwandiiko ebimwei ebya irai tibirina lunyiriri luni (Bona olunyiriri 48). 47Oba eriiso ryamu nirikukolesya ekibbi, riiyemu. Akiri oingire omu Bukama bwa Kanca noli wa riiso rimwei, okukira nosigalya amaiso gombi, baitu nʼonagwa omu Geyeena, 48omuli omuuro ogutalikira, era omutawa magino. 49Buli muntu alisaayiribwa muuro nkʼekiwongwa nikisaayiribwa omuunyu. 50Omuunyu gwa mugaso, baitu nigujungulukuka, musobola mutyai okugwiryamu obuka bwagwo? Mubbe nʼomuunyu omu ngeso zaanywe, era mubbe bumwei.”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye