Matayo 27
27
OYesu akutwalibwa egiri oPiraato
(Mak 15:1; Luk 23:1-2; Yok 18:28-32)
1Obwire nibwakeire, abakabona abakulu nʼabantu abakulu omwiyanga, ni bateesa okwita oYesu. 2Ni bamubbwa ni bamutwala ni bamuweeryayo egiri oPiraato omufugi oMurooma.
3OYuda eyaliiraine oYesu, niyaboine ngʼoYesu asaliirwe ogwa kufa, ni yeizuca, ebitundu bya feeza nʼabiiriirya abakabona abakulu nʼabantu abakulu omwiyanga, 4nʼakukoba ati, “Nsiisire okuliirana omuntu atalina musango!” Baitu bo ni bamwiramu bati,
“Ekyo tikikutukwataku. Kyemaare wenkai.”
5OYuda nʼanaga ebitundu bya feeza omwiramyo, nʼawuluka nʼayaba ni yeezinda.
6Abakabona abakulu ni baiyawo ebitundu bya feeza ebyo, ni bakoba bati, “Okuta empiiya zini omwibiikiro rya iramyo tikiikirizibwa omu mateeka gaiswe, kubba ziriku omusaayi.” 7Ni basalawo okuzigulamu ekibanja kya mubumbi, leke baziikengemu abanyamanga. 8Ekibanja nikyo kyeterwa Ekibanja kya Musaayi nʼokwica ati. 9Obwo ekyabaziibwe omulangi oYeremiya ni kiikiira nti,
“Ni batwala ebitundu bya feeza amakumi asatu,
omuwendo abantu ba Isirairi gwe baamulamwire,
10ni babigulamu ekibanja kya mubumbi,
nkʼomukama ni yandagiire.”#Zek 11:12-13; Yer 19:1-13
OYesu omu maiso ga Piraato
(Mak 15:2-5; Luk 23:3-5; Yok 18:33-38)
11Awo oYesu nayemereire omu maiso ga mufugi oMurooma, omufugi oyo nʼamubuulya ati, “Niiwe mukama wʼaBayudaaya?”
OYesu nʼamwiramu ati, “Ekyokoberembe nikyo.”
12Abakabona abakulu nʼabantu abakulu omwiyanga ni bamujunaana, baitu ye nʼatairamu gonze akadooli. 13Awo oPiraato nʼamukoba ati, “Ebyo byebakukulumiirya byona byona tokubiwura?” 14Baitu oYesu nʼatamwiramu kigambo gonze ekimwei. Omufugi ni yeewuunya muno.
OYesu akusaarwa ogwa kufa
(Mak 15:6-15; Luk 23:13-25; Yok 18:39–19:16)
15Yaali ngeso ya mufugi oMurooma, oku buli Bugenyi bwa Kwakalibwaku, okutaisya omubbwe omwei, ekibiina kyʼabantu gwekyakomyanga. 16Oku mulundi guni, waaliwo omubbwe eyaali namanyiibwe omuno okubba omubbi, eyayetebwanga Balaba. 17Nʼolwʼekyo abantu nibaakumbaine, oPiraato nʼababuulya ati, “Mukwendya mbataisirye naani: Balaba, oba Yesu ayetebwa oKurisito?” 18Kubba yaali yeetejerye nti oYesu baali bamuweeseryeyo bwiya.
19Awo oPiraato niyaali aikaire oku ntebe eya bulamuli, omukali waamwe nʼamutumira ati, “Omuntu oyo talina musango otamukolaku kabbi koona koona, kubba ekiro kya leero obwire, ndumirwe muno omu kirooto oku lwamwe.”
20Awo abakabona abakulu, nʼabantu abakulu omwiyanga, ni basoonasoona ekibiina kyʼabantu okusaba oBalaba ataisibwe, oYesu aitibwe.
21Baitu omufugi oPiraato nʼababuulya ati, “Oku bani ababiri mukwendya mbataisirye naani?”
Ni bairamu bati, “Balaba!”
22OPiraato nʼababuulya ati, “Yete oYesu ayetebwa oKurisito mmukole ntyai?”
Boona boona ni bairamu bati, “Abambwe!”
23OPiraato nʼababuulya ati, “Lwaki? Kibbi ki kyakoore?” Baitu bo ni beeyongerambe okukokooma bati, “Abambwe!”
24OPiraato niyaboine nga tiyasobole kuyindula kyebasaarewo, era nga bakusobola okwegunga, nʼarola amaizi nʼanaaba omu ngalo, omu maiso gʼabantu boona boona nakukoba ati, “Nje tindina musango oku kwitibwa kwa musaiza oni. Niinywe mukujunaanizibwa.”
25Abantu boona boona ni bairamu bati, “Okwitibwa kwamwe kujunaanibwe niiswe nʼabaana baiswe.”
26Awo oPiraato nʼabataisirya oBalaba. Baitu oYesu niyamaare okusuunyibwa nʼekisuunyu ekiriku amabira, oPiraato nʼamuweeryayo okubambwa.
Abasirikale bakujeejeera oYesu
(Mak 15:16-20; Yok 19:2-3)
27Awo abasirikale ba Piraato ni batwala oYesu omu kikaali kya mufugi, omu kyomboko ekyetebwa Puraitoriyaamu. Ekibiina kyʼabasirikale kyona kyona ni kimukumbaaniraku. 28Ni bamwambula ebizwalibwa byamwe, ni bamuzwalikisya ekizwalibwa ekitukuliki. 29Ni bazingazinga amawa, ni bakolamu ekondo, ni bagimuta oku mutwe. Ni bamukwatisya ekibingo omu mukono gwamwe ogulyo. Ni bakubba amajwi omu maiso gaamwe, ni bamujeejeera nibakukoba bati, “Maamala omukama wʼaBayudaaya!” 30Ni bamucwantaku, ni bamwiyaku ekibingo, ni bakimukubbisyakubbisya omu mutwe. 31Nibaamaare okumujeejeera, ni bamwambulamu ekizwalibwa kidi ekitukuliki, ni bamuzwalikisya ebyamwe, ni bamutwala okumubamba.
OYesu akubambwa oku musaalaba
(Mak 15:21-32; Luk 23:26-43; Yok 19:17-27)
32Nibaali bakuwuluka omu kibuga, ni baitirana omusaiza oMukuleeni, eyaali akwetebwa Simooni, ni bamuwambiriza okwetiika omusaalaba gwa Yesu. 33Nibaikire omu kifo ekyetebwa Gologoosa, (ekimanyisya ekifo kya kyangala) 34ni baweerya oYesu eviini eruubirwemu omubazi ogukusaara. Baitu niyakombereku, nʼagaana okuginywa. 35Nibaamaare okumubamba, ni bagabana ebizwalibwa byamwe, nibakubikubbaku akalulu.#Zab 22:18 36Ni baikaara awo okumulinda. 37Aiguru wa mutwe gwamwe ni bataayo ekiwandiiko ekikulanga omusango ogukumujunaanwa, nikikusoma kiti, oni niye Yesu, omukama wʼaBayudaaya. 38Amwei naye ni babamba abaibbi babiri; omwei oku rubaju lwa Yesu olwa gulyo, owondi oku lwa gumoso. 39Abantu abaali bakwakalawo ni bazuma oYesu, 40nibakutengeetya emitwe omu bwandi nibakukoba bati, “We ayenda eiramyo nʼoira nʼoryomboka omu biro bisatu weejune, weiye oku musaalaba niwaabba Mwana wa Kanca!”
41Omu ngeri niyo emwei abakabona abakulu nʼabeegesya bʼamateeka, nʼabantu abakulu omwiyanga, ni bamujeejeera nibakukoba bati, 42“Yajunanga bandi baitu takusobola kwejuna! Niye mukama wa Isirairi! Ati yeiye oku musaalaba, ale leke tumwikirize. 43Yeesiga oKanca ale ati oKanca amujune niyaabba amwendya, kubba yakobere ati, ‘Ndi Mwana wa Kanca.’” 44Abaibbi abaabambirwe naye, boona ni bamuzuma omu ngeri nigyo gimwei.
Okufa kwa Yesu
(Luk 23:44-49; Yok 19:28-30)
45Okuzwa oku saawa omukaaga eza mwiyangwe, okwica oku saawa omwendai eza kyaigolo, ekiiruma ni kisweka ensi yoona yoona. 46Awo oku saawa nkʼomwendai, oYesu nʼayamiira ati, “Eloi, Eloi, lama sabakusaani?” Ekimanyisya nti, #Zab 22:1 “Kanca wange, Kanca wange, lwaki ondekere?”
47Abamwei oku baali beemereire awo nibaawuliire, ni bakoba bati, “Akweta Eriya!”
48Amangu ago omwei oku bo nʼairuka, nʼakwata ekyangwe nʼakiinika omu nkaatu ya viini nʼakita oku kibingo nʼaweerya oYesu okunywa.#Zab 69:21
49Baitu abandi ni bakoba bati, “Leka tubone Eriya niyaabba yaiza okumujuna!”
50Awo oYesu nʼairamu okwamiira, nʼatiika.
51Awo eikinga erya mwiramyo ni ryonolwamu bibiri okuzwa aiguru okwika ansi. Ensi nʼetengeeta, emyandaara ni zaatika. 52Amagombe ni gaatika ni gaswekuka, abaikiiri baingi abaali bafiire ni bayimbooka, 53ni bazwa e magombe oYesu ni yaamare okuyimbooka, ni baingira omu kibuga ekikwera, era abantu baingi ni bababona.
54Osencuriyo#27:54 Osencuriyo Yaabbanga muduumiri wʼabasirikale kikumi omwiye ryʼaBarooma. nʼabeyaali nabo nibakulinda oYesu, nibaaboine ensi nekukankana, era nʼebyabbairewo byona, ni batiina, ni bakoba bati, “Mananu oni abbaire Mwana wa Kanca!”
55Waaliwo nʼabakali baingi, abaatambwire nʼoYesu okuzwa e Galiraaya nibakumuweereza, abaali alaiku nibakulengera. 56Omwabo mwalimu oMalyamu Magudaleena, nʼoMalyamu onyina Yakobo nʼoYose, era nʼonyina wʼabataani ba Zebbedaayo.
Okuziikwa kwa Yesu
(Mak 15:42-47; Luk 23:50-56; Yok 19:38-42)
57Obwire nibwali bukusweka oYusufu, omusaiza omuguuda owʼAlimasaaya eyaali nafookere omusengeerya wa Yesu, nʼaika e gyebaabambiire oYesu. 58Awo nʼayaba egiri oPiraato, nʼamusaba omulambo gwa Yesu. OPiraato nʼalagira okugumuweerya. 59OYusufu nʼatwala omulambo, nʼaguzinga omu lugoye lwa liiri olukwera. 60Nʼaguta omu mbi yaamwe egiyaaka gyeyaali asakire omu lwazi. Nʼagalanzuura eibbaale erikooto oku mulyango gwa mbi, nʼayaba. 61OMalyamu Magudaleena nʼoMalyamu owondi baali baikaire awo omu maiso ga mbi.
Abalindi oku mbi
62Ekiro ekyaireku, nikwo kukoba ekiiririira Ekya Kweteekaniza, abakabona abakulu nʼaBafarisaayo, ni baaba ewa Piraato. 63Ni bamukoba bati, “Mukama, tukwizukira omubeyegi oyo niyaali nacaali mwomi, yakobere ati, ‘Ebiro bisatu nibiryakalawo, ndiyimbooka.’ 64Olwʼekyo ati lagira embi erindirwe kimwei, okwica ekiro ekyakasatu, abeegesebwa baamwe baakwiza ni baibbamu omulambo leke bakobe abantu nti, ‘Ayimbookere omu bafu.’ Obubeyegi obwo obwa luzwannyuma bukwiza kubba bubbi okukira obwekereire.”
65OPiraato nʼabakoba ati, “Mulina abalindi, mwabe embi mugirindire kimwei nka nimukusobola.” 66Awo ni baaba ni bagumya eibbaale eriigala embi ni balitaaku akabonero ni bataawo nʼabalindi bagirindire kimwei.
Nke Ahọpụtara Ugbu A:
Matayo 27: RUULI-NYALA
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Matayo 27
27
OYesu akutwalibwa egiri oPiraato
(Mak 15:1; Luk 23:1-2; Yok 18:28-32)
1Obwire nibwakeire, abakabona abakulu nʼabantu abakulu omwiyanga, ni bateesa okwita oYesu. 2Ni bamubbwa ni bamutwala ni bamuweeryayo egiri oPiraato omufugi oMurooma.
3OYuda eyaliiraine oYesu, niyaboine ngʼoYesu asaliirwe ogwa kufa, ni yeizuca, ebitundu bya feeza nʼabiiriirya abakabona abakulu nʼabantu abakulu omwiyanga, 4nʼakukoba ati, “Nsiisire okuliirana omuntu atalina musango!” Baitu bo ni bamwiramu bati,
“Ekyo tikikutukwataku. Kyemaare wenkai.”
5OYuda nʼanaga ebitundu bya feeza omwiramyo, nʼawuluka nʼayaba ni yeezinda.
6Abakabona abakulu ni baiyawo ebitundu bya feeza ebyo, ni bakoba bati, “Okuta empiiya zini omwibiikiro rya iramyo tikiikirizibwa omu mateeka gaiswe, kubba ziriku omusaayi.” 7Ni basalawo okuzigulamu ekibanja kya mubumbi, leke baziikengemu abanyamanga. 8Ekibanja nikyo kyeterwa Ekibanja kya Musaayi nʼokwica ati. 9Obwo ekyabaziibwe omulangi oYeremiya ni kiikiira nti,
“Ni batwala ebitundu bya feeza amakumi asatu,
omuwendo abantu ba Isirairi gwe baamulamwire,
10ni babigulamu ekibanja kya mubumbi,
nkʼomukama ni yandagiire.”#Zek 11:12-13; Yer 19:1-13
OYesu omu maiso ga Piraato
(Mak 15:2-5; Luk 23:3-5; Yok 18:33-38)
11Awo oYesu nayemereire omu maiso ga mufugi oMurooma, omufugi oyo nʼamubuulya ati, “Niiwe mukama wʼaBayudaaya?”
OYesu nʼamwiramu ati, “Ekyokoberembe nikyo.”
12Abakabona abakulu nʼabantu abakulu omwiyanga ni bamujunaana, baitu ye nʼatairamu gonze akadooli. 13Awo oPiraato nʼamukoba ati, “Ebyo byebakukulumiirya byona byona tokubiwura?” 14Baitu oYesu nʼatamwiramu kigambo gonze ekimwei. Omufugi ni yeewuunya muno.
OYesu akusaarwa ogwa kufa
(Mak 15:6-15; Luk 23:13-25; Yok 18:39–19:16)
15Yaali ngeso ya mufugi oMurooma, oku buli Bugenyi bwa Kwakalibwaku, okutaisya omubbwe omwei, ekibiina kyʼabantu gwekyakomyanga. 16Oku mulundi guni, waaliwo omubbwe eyaali namanyiibwe omuno okubba omubbi, eyayetebwanga Balaba. 17Nʼolwʼekyo abantu nibaakumbaine, oPiraato nʼababuulya ati, “Mukwendya mbataisirye naani: Balaba, oba Yesu ayetebwa oKurisito?” 18Kubba yaali yeetejerye nti oYesu baali bamuweeseryeyo bwiya.
19Awo oPiraato niyaali aikaire oku ntebe eya bulamuli, omukali waamwe nʼamutumira ati, “Omuntu oyo talina musango otamukolaku kabbi koona koona, kubba ekiro kya leero obwire, ndumirwe muno omu kirooto oku lwamwe.”
20Awo abakabona abakulu, nʼabantu abakulu omwiyanga, ni basoonasoona ekibiina kyʼabantu okusaba oBalaba ataisibwe, oYesu aitibwe.
21Baitu omufugi oPiraato nʼababuulya ati, “Oku bani ababiri mukwendya mbataisirye naani?”
Ni bairamu bati, “Balaba!”
22OPiraato nʼababuulya ati, “Yete oYesu ayetebwa oKurisito mmukole ntyai?”
Boona boona ni bairamu bati, “Abambwe!”
23OPiraato nʼababuulya ati, “Lwaki? Kibbi ki kyakoore?” Baitu bo ni beeyongerambe okukokooma bati, “Abambwe!”
24OPiraato niyaboine nga tiyasobole kuyindula kyebasaarewo, era nga bakusobola okwegunga, nʼarola amaizi nʼanaaba omu ngalo, omu maiso gʼabantu boona boona nakukoba ati, “Nje tindina musango oku kwitibwa kwa musaiza oni. Niinywe mukujunaanizibwa.”
25Abantu boona boona ni bairamu bati, “Okwitibwa kwamwe kujunaanibwe niiswe nʼabaana baiswe.”
26Awo oPiraato nʼabataisirya oBalaba. Baitu oYesu niyamaare okusuunyibwa nʼekisuunyu ekiriku amabira, oPiraato nʼamuweeryayo okubambwa.
Abasirikale bakujeejeera oYesu
(Mak 15:16-20; Yok 19:2-3)
27Awo abasirikale ba Piraato ni batwala oYesu omu kikaali kya mufugi, omu kyomboko ekyetebwa Puraitoriyaamu. Ekibiina kyʼabasirikale kyona kyona ni kimukumbaaniraku. 28Ni bamwambula ebizwalibwa byamwe, ni bamuzwalikisya ekizwalibwa ekitukuliki. 29Ni bazingazinga amawa, ni bakolamu ekondo, ni bagimuta oku mutwe. Ni bamukwatisya ekibingo omu mukono gwamwe ogulyo. Ni bakubba amajwi omu maiso gaamwe, ni bamujeejeera nibakukoba bati, “Maamala omukama wʼaBayudaaya!” 30Ni bamucwantaku, ni bamwiyaku ekibingo, ni bakimukubbisyakubbisya omu mutwe. 31Nibaamaare okumujeejeera, ni bamwambulamu ekizwalibwa kidi ekitukuliki, ni bamuzwalikisya ebyamwe, ni bamutwala okumubamba.
OYesu akubambwa oku musaalaba
(Mak 15:21-32; Luk 23:26-43; Yok 19:17-27)
32Nibaali bakuwuluka omu kibuga, ni baitirana omusaiza oMukuleeni, eyaali akwetebwa Simooni, ni bamuwambiriza okwetiika omusaalaba gwa Yesu. 33Nibaikire omu kifo ekyetebwa Gologoosa, (ekimanyisya ekifo kya kyangala) 34ni baweerya oYesu eviini eruubirwemu omubazi ogukusaara. Baitu niyakombereku, nʼagaana okuginywa. 35Nibaamaare okumubamba, ni bagabana ebizwalibwa byamwe, nibakubikubbaku akalulu.#Zab 22:18 36Ni baikaara awo okumulinda. 37Aiguru wa mutwe gwamwe ni bataayo ekiwandiiko ekikulanga omusango ogukumujunaanwa, nikikusoma kiti, oni niye Yesu, omukama wʼaBayudaaya. 38Amwei naye ni babamba abaibbi babiri; omwei oku rubaju lwa Yesu olwa gulyo, owondi oku lwa gumoso. 39Abantu abaali bakwakalawo ni bazuma oYesu, 40nibakutengeetya emitwe omu bwandi nibakukoba bati, “We ayenda eiramyo nʼoira nʼoryomboka omu biro bisatu weejune, weiye oku musaalaba niwaabba Mwana wa Kanca!”
41Omu ngeri niyo emwei abakabona abakulu nʼabeegesya bʼamateeka, nʼabantu abakulu omwiyanga, ni bamujeejeera nibakukoba bati, 42“Yajunanga bandi baitu takusobola kwejuna! Niye mukama wa Isirairi! Ati yeiye oku musaalaba, ale leke tumwikirize. 43Yeesiga oKanca ale ati oKanca amujune niyaabba amwendya, kubba yakobere ati, ‘Ndi Mwana wa Kanca.’” 44Abaibbi abaabambirwe naye, boona ni bamuzuma omu ngeri nigyo gimwei.
Okufa kwa Yesu
(Luk 23:44-49; Yok 19:28-30)
45Okuzwa oku saawa omukaaga eza mwiyangwe, okwica oku saawa omwendai eza kyaigolo, ekiiruma ni kisweka ensi yoona yoona. 46Awo oku saawa nkʼomwendai, oYesu nʼayamiira ati, “Eloi, Eloi, lama sabakusaani?” Ekimanyisya nti, #Zab 22:1 “Kanca wange, Kanca wange, lwaki ondekere?”
47Abamwei oku baali beemereire awo nibaawuliire, ni bakoba bati, “Akweta Eriya!”
48Amangu ago omwei oku bo nʼairuka, nʼakwata ekyangwe nʼakiinika omu nkaatu ya viini nʼakita oku kibingo nʼaweerya oYesu okunywa.#Zab 69:21
49Baitu abandi ni bakoba bati, “Leka tubone Eriya niyaabba yaiza okumujuna!”
50Awo oYesu nʼairamu okwamiira, nʼatiika.
51Awo eikinga erya mwiramyo ni ryonolwamu bibiri okuzwa aiguru okwika ansi. Ensi nʼetengeeta, emyandaara ni zaatika. 52Amagombe ni gaatika ni gaswekuka, abaikiiri baingi abaali bafiire ni bayimbooka, 53ni bazwa e magombe oYesu ni yaamare okuyimbooka, ni baingira omu kibuga ekikwera, era abantu baingi ni bababona.
54Osencuriyo#27:54 Osencuriyo Yaabbanga muduumiri wʼabasirikale kikumi omwiye ryʼaBarooma. nʼabeyaali nabo nibakulinda oYesu, nibaaboine ensi nekukankana, era nʼebyabbairewo byona, ni batiina, ni bakoba bati, “Mananu oni abbaire Mwana wa Kanca!”
55Waaliwo nʼabakali baingi, abaatambwire nʼoYesu okuzwa e Galiraaya nibakumuweereza, abaali alaiku nibakulengera. 56Omwabo mwalimu oMalyamu Magudaleena, nʼoMalyamu onyina Yakobo nʼoYose, era nʼonyina wʼabataani ba Zebbedaayo.
Okuziikwa kwa Yesu
(Mak 15:42-47; Luk 23:50-56; Yok 19:38-42)
57Obwire nibwali bukusweka oYusufu, omusaiza omuguuda owʼAlimasaaya eyaali nafookere omusengeerya wa Yesu, nʼaika e gyebaabambiire oYesu. 58Awo nʼayaba egiri oPiraato, nʼamusaba omulambo gwa Yesu. OPiraato nʼalagira okugumuweerya. 59OYusufu nʼatwala omulambo, nʼaguzinga omu lugoye lwa liiri olukwera. 60Nʼaguta omu mbi yaamwe egiyaaka gyeyaali asakire omu lwazi. Nʼagalanzuura eibbaale erikooto oku mulyango gwa mbi, nʼayaba. 61OMalyamu Magudaleena nʼoMalyamu owondi baali baikaire awo omu maiso ga mbi.
Abalindi oku mbi
62Ekiro ekyaireku, nikwo kukoba ekiiririira Ekya Kweteekaniza, abakabona abakulu nʼaBafarisaayo, ni baaba ewa Piraato. 63Ni bamukoba bati, “Mukama, tukwizukira omubeyegi oyo niyaali nacaali mwomi, yakobere ati, ‘Ebiro bisatu nibiryakalawo, ndiyimbooka.’ 64Olwʼekyo ati lagira embi erindirwe kimwei, okwica ekiro ekyakasatu, abeegesebwa baamwe baakwiza ni baibbamu omulambo leke bakobe abantu nti, ‘Ayimbookere omu bafu.’ Obubeyegi obwo obwa luzwannyuma bukwiza kubba bubbi okukira obwekereire.”
65OPiraato nʼabakoba ati, “Mulina abalindi, mwabe embi mugirindire kimwei nka nimukusobola.” 66Awo ni baaba ni bagumya eibbaale eriigala embi ni balitaaku akabonero ni bataawo nʼabalindi bagirindire kimwei.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye